11
Yaubada ana totalavaita adi taiyuwo
1 Amo ikavava, anerose duriduri tayamo aba valivaliva ivinigu; duriduriyana ana kaigigita aituko nakae. Ivinigu ikavava, níyana tayamo anove idigo kana,
‘Kutāoya kūna Yaubada ina Vada Kimaasabaina be aba kasala kuvalivelivēdi‡ Kuvalivelivēdi: Valivaliva ame moe ana yagoina totapwaroro be vadayana adi dedevina manuna. Ago tomota maniyedi sinuwonúwana moe tomota idi numisa kaga nakae. be nakae tauyadi sinaena sisaakululu kwatuyaivīdi.† Isi 40:3; Sak 2:1-2; Nuw 21:15. 2 Kidi Totuyoyowo madi tagona tukówana ana badabada potitu (42) sinaedi goi asa kimaasabaina Yerusalema sikibaiibaili be siloovinae. Tauna Vada Kimasabainayana kikina moteo tuwo, kwalāve, moe Totuyoyowoyadi manudi. Taabu kuvaliivelīve.† Luk 21:24. 3 Ago guna totalavaitayao adi taiyuwo madi kwama salisalidi atagonedi maliyalina ana badabada tayamo tausani tu andedi siksti† Dan 7:25, 12:7. (1,260) sinaedi guna livala sitaalavaite.’
4 Ame adi taiyuwokova alova oribe aiyuwo be nakae rampa adi kaba yata aiyuwo go, adi taiyuwokova madi katubayásina siitaoya poyapoya ina Tomoya matana goi.† Sak 4:1-14. 5 Ago avatau neta ipoikíkina bego tauyadi iyogedegededi, e tobudi goi yeu isowóduwo adi kaleyayana igabu. Tauna nakae neta adi kaleyayao bego siyogedegededi, itoboinedi sivailai. 6 Moe adi taiyuwokova madi lovina kúwana yábana goi sitabode idi tuta poyapoya goi sitaalavaita,†a 1To 17:1. bwae sikaigaviledi simalaikaika,†b Tat 7:17-19. be mou liliudi da poyapoya sivinidi.†c 1Sa 4:8. Go moe siguinuwedi nakonakae latuwodi.
7 Tutayana idi talavaita silukavave, woiwoi masiyana gagaina†a Luk 8:31; Rom 10:7; Nuw 9:11, 17:8, 20:1,3. goi bei isowóduwo ima ivayaviya adi taiyuwokova yaidi goi go, bei itogaga, e ikaumatedi.†b Dan 7:21. 8 Ikaumatedi ikavava, asa gagaina sinaena enao goi wowodi bei sikaaiyaka go, moe aba omayamaya. Ago toni kasa idi sinapu igoyo nakae kidi da Sodoma be nakae tomota mou sivinidi nakae kidi da Itipita.† Ais 1:9-10. Tauna livalakaibala goi amo asayana yoina moe Sodoma be Itipita. Asayana goi boi idi Tomoya kerose goi situpatuko. 9 Koroto adi taiyuwo wowodiyadi sikaaiyaka go, tomota badabadaidi nakae boda liliudi be nakae kantri liliudi goi, dala liliudi be aníyana liliudi† Nuw 5:9, 7:9, 13:7, 14:6, 17:15. bei sima siigitedi maliyalina aito be nakae tupwana goi. Siigitedi go, geya vatau tayaamo sitagone bego wowodiyadi ikabidi, tukubu goi ivaliwogedi.‡ Ivaliwogedi: Neta tomota gamodi igoyo tokámasa yaina, e wowona geya sivaliwogeyeta. 10 Moe tokabivalavala adi taiyuwokova boi sima go, da poyapoya sitaoya siyogedegededi, tauna kidi da poyapoyayadi bei siuyáwana gagaina adi taiyuwo idi kámasa pasina. Bei áika gagaina siwodugu, tuwo idi yabobona bei sikaiguyauyedi sediyao yaidi.
11 Maliyalina aito be nakae tupwana sikavava, Yaubada yawoina ivaisiu adi taiyuwokova yaidi goi, e sitaoyamna.† Isi 37:10. Sitaoyamna go, tomota sigitedi simatoita gagaina. 12 Ago níyana tayamo gagaina yábana goi sinove, adi taiyuwokova ilatuwokoidi idigo kana,
‘Kotūko kōma ameko!’
Tuwo moitamo gaota goi situko sina yábana go, adi kaleyayao sikandolaga sigitedi situkotuko.† 2To 2:11. 13 Amo tutayana goi nikuniku gagaina itátava† Nuw 6:12, 11:19, 16:18. go, asayana dadava tayamo itauwe go, dadava ainima aivasi dedevidi. Ago nikunikuyana goi tomota ana badabada ainima aiyuwo tausani (7,000) sikámasa. Go ava tomotava nava maa yawoidi simatoita gagaina, e Yaubada totobukukui yábana goi ina togaga ana káeyana sikamoitamoe.
14 Moeko goi mou aiyuwoina bogina ikavava go, kunōve! Mou aitonina giyakainava bei isowóduwo!
Síula ainima aiyuwoina
15 Amo ikavava, anerose ainima aiyuwoina ina síula iuwe, e yábana goi níyana gagaidi sidigo kadi,
‘Ame tuta da poyapoya idi lovina bogina ikavava!
Ida Tomoya mana Vadámana‡ Tomoya mana Vadámana: Ida Tomoya moe Yaubada go, ana Vadámana moe Yeisu. bogina sietokalibúbuna.
Bei sikalibubuna vata:
Ame tuta be nakae tuta simamaima.’† Tat 15:18; Dan 2:44, 7:14,27.
16 Amo ikavava, tauyadi tomoyamoya tuwenti poa (24) kebadi esaaesaidi yatadi siitulaga Yaubada matana goi, e kebadiyadi goi sisou aedi sivatugúyala be Yaubada yaina madi yapali sisakululu, 17 sidigo kadi,
‘Yauwe ima Yaubada kom Tokalika!
Kom kwaiyako vata: Boi nimatu be nakae ame tuta!† Tat 3:14; Nuw 1:4,8, 4:8, 16:5.
Kom im togaga gagaina bogina kuvagitakoe,
e kuetokalibúbuna!
Tauna kakauyagu yaim.
18 Tuwo kidi go Totuyoyowoyadi
siegamogamoguyem gagaina.†a Sam 2:1.
Kom im egamogamogu ana tuta bogina isowóduwo.†b Sam 110:5.
Tokámasa adi tuta bogina ima
bei kutakinoidi ame nakae:
Tokamasayadi moe im pakonayao tokabivalavala,
nakae im kimasabayao madi wowoina simatoitem,
moe youtagau be nakae kidi maa yoidi gagaina.
Ame tauyadi idi tuta bogina ima
bei adi vaiwówana kwaiguyauyedi!†c Sam 115:13.
Go da poyapoya adi tomtulayao idi tuta
nakae bogina ima bei kumtulidi!’
19 Amo ikavava, Yaubada ina Vada Kimaasabaina yábana goi ikatupáeva go, ina kanasíuna dedeogaina‡ Ina kanasíuna dedeogaina: Tateta 24 be nakae 25:10-22 goi dedeogayana yoina aba vatulúkwana dedeogaina. agite. Ago ávila, palapala, nikuniku sisowóduwo†a Nuw 4:5, 8:5, 16:18. be nakae kúwana kasakasaidi ikúwana.†b Nuw 8:7, 16:21.
‡11:1 Kuvalivelivēdi: Valivaliva ame moe ana yagoina totapwaroro be vadayana adi dedevina manuna. Ago tomota maniyedi sinuwonúwana moe tomota idi numisa kaga nakae.
†11:1 Isi 40:3; Sak 2:1-2; Nuw 21:15.
†11:3 Dan 7:25, 12:7.
†11:4 Sak 4:1-14.
†a11:6 1To 17:1.
†b11:6 Tat 7:17-19.
†c11:6 1Sa 4:8.
†a11:7 Luk 8:31; Rom 10:7; Nuw 9:11, 17:8, 20:1,3.
†b11:7 Dan 7:21.
†11:8 Ais 1:9-10.
†11:9 Nuw 5:9, 7:9, 13:7, 14:6, 17:15.
‡11:9 Ivaliwogedi: Neta tomota gamodi igoyo tokámasa yaina, e wowona geya sivaliwogeyeta.
†11:11 Isi 37:10.
†11:12 2To 2:11.
†11:13 Nuw 6:12, 11:19, 16:18.
‡11:15 Tomoya mana Vadámana: Ida Tomoya moe Yaubada go, ana Vadámana moe Yeisu.
†11:15 Tat 15:18; Dan 2:44, 7:14,27.
†11:17 Tat 3:14; Nuw 1:4,8, 4:8, 16:5.
†a11:18 Sam 2:1.
†b11:18 Sam 110:5.
†c11:18 Sam 115:13.
‡11:19 Ina kanasíuna dedeogaina: Tateta 24 be nakae 25:10-22 goi dedeogayana yoina aba vatulúkwana dedeogaina.