13
Woiwoi adi taiyuwo
1 Amo ikavava, woiwoi tayamo agite négwasa goi isinalaga.†a Dan 7:3. Mana dágula yawou go, bulubuluna ana badabada ainima aiyuwo. Ana dagulayadi yatadi goi lovina dabayogigina esaaesaina sikaaiyaka. Bulubuluna tamo tamo goi you tamo tamo sikaaiyaka go, youyadi you aipopóita.‡ You aipopóita: Ame youyadi you dedevidi nakae youyadi itoboine Yaubada tavayou go, ameko goi youyadi woiwoi toinina ivayou.†b Nuw 17:3,7-12. 2 Woiwoiyana agite ana kaigigita simai gagaina nakae go, aena moe gagaidi ma unuunudi be nakae aedidina sooinidi yoguyogu bea‡ Bea: Ame yoguyogu gagaina go, aedidina gagaidi be nakae sooinidi. Bea itoboine tomota ikaumate. nakae. Tobuna gagaina be salana gagaidi laiyoni nakae.† Dan 7:4-6. Ago gigimeta mamaya goi iitaoya ina togaga ikaidamane ina woiwoiyana goi. Aiyuwoina itagone kebana esaaesaina goi itulagalaga ietolovina be ina lovina toogagaina. 3 Woiwoiyana bulubuluna tayamo ana kaigigita vaailaina. Ina vailaiyana itoboine ikaumate go, niga bulubulunayana idedevinamna. Tuwo tomota liliudi sigite, nuwodi siwówana, e woiwoiyana sisabokuliye. 4 Go gigimetayana yaina goi sisaakululu unana ina lovina woiwoiyana bogina ivini, tauna yaina sisakululu kadi,
‘Avatau ame woiwoiyana nakae?‡ Avatau ame woiwoiyana nakae: Lumadádana ame goi anerose yoina Maikeli sivaponuponuye. Maikeli moe Diyuu niyadi. Ana yagoina moe kada, ‘Avatau Yaubada nakae?’ Aiyuwoina Yaubada sivaponuponuye.† Tat 15:11; Sam 35:10; Ais 40:18,25, 46:5; Yer 49:19; Mik 7:18. Geya! Avatau itoboine ivayaviya yaina go, itogaga? Geya!’
5 Ago woiwoiyana mana tagona idigopopóita be nakae Yaubada itagiwoi.†a Dan 7:8,25, 11:36; 2Tk 2:4. Aiyuwoina mana tagona ipaaisewa tukówana potitu (42) sinaedi.†b Nuw 11:2. 6 Tuwo moitamo ivatowo Yaubada itagiwoi go, moe nakae Yaubada yoina, ina Kaba Kaiyaka be nakae yábana ana tokaiyakoyao itagiwoidi. 7 Aiyuwoina woiwoiyana mana tagona Yaubada ina kimasabayao ivayaviyedi be itogagasavedi.†a Dan 7:21. Go mana lovina tomota liliudi yaidi iilovina. Tomotayadi moe dala liliudi, boda liliudi, aníyana liliudi be nakae kantri liliudi yaidi goi.†b Nuw 5:9, 7:9, 11:9, 14:6, 17:15. 8 Da poyapoya liliudi bei woiwoiyana yaina sisaakululu. Amo da poyapoyayadi yoidi Yaubada ina madágina kunu goi go, ima ame tuta goi yawana vata bukina†a Pil 4:3; Nuw 3:5, 17:8, 20:12,15, 21:27. sinaena geya iginidita.†b Sam 69:28. Amo bukiyana moe Lami ina buki. Lamiyana boi nimatu sikaaumate.
9 Avatauwa komi neta ma taaiyami, e livala ame konoovedōko:† Mad 11:15, 13:9,43; Mak 4:9,23, 7:16; Luk 8:8; Nuw 2:7,11,17,29, 3:6,13,22.
10 Avatau neta Yaubada itagone siyoisi,
moitamo bei siyoisi.
Avatau neta Yaubada itagone
giya sisi goi sikaumate,
moitamo giya sisi goi bei sikaumate.†a Yer 15:2, 43:11.
Moeko goi kita Yaubada ina kimasabayao ada mou goi taaramāitana†b Ibe 6:12; Nuw 14:12. be nakae takaaiyāka aba numisa.
11 Amo ikavava, woiwoi aiyuwoina agite poyapoya goi isowóduwo ima. Tauyana mana dágula aiyuwo lami nakae go, ina bóbwara gigimeta nakae. 12 Amo woiwoiyana moe woiwoi vakuumgoina ana katumapu. Tauna woiwoiyana woiwoi vakuumgoina ina togaga goi iilovina. Tuwo da poyapoya liliudi ilovinaedi bego woiwoi vakuumgoina yaina sisakululu. Woiwoi vakumgoinayana boi ivailai go, ina vailaiyana goi itoboine ikámasa go, niga idedevinamna. 13 Aiyuwoina woiwoi vaamliyaina aba kinana gagaidi imaadagidi. Nakae yábana goi yeu sabeninimina iwodugu isou ima poyapoya tomota matadi goi, e nakae isowóduwo. 14 Tauyana mana tagona aba kinana imadagidi woiwoi vakuumgoina ina lovina goi go, aba kinanayadi goi tomota da poyapoya ikatubaudi bego woiwoi vakuumgoina yaina sisakululu. Tuwo da poyapoya ilatuwokoidi tokwalu woiwoi vakuumgoina maisiyana siwodugu. Tauyana boi sisi goi ivailai go, idedevinamna. 15 Woiwoi aiyuwoina mana tagona tokwaluyana yawoina ivini bego itoboine ibóbwara be nakae ilovina avatauwa neta geya sisakululuta tokwaluyana yaina, ámasa sibabane. 16 Tuwaina tomota liliudi, tauyadi youtagau be tauyadi maa yoidi gagaidi, guyaguyauwo be tookaidi, tauyadi paakonidi be tauyadi taliigavidi, e madabokidi woiwoi aiyuwoina ilovinaedi bego nimakakataidi o dabadi goi katukatu sikaupakiyedi. 17 Aiyuwoina ilovinaedi bego avatauwa madi katukatu itoboinedi kónana sigimona o sikaigimona. Ago avatauwa neta katukatuyana geya sikaupakiyedita, amo tauyadi geya itoboinedita siigimona o sikaaigimona ana kadókana katukatuyana mainao nimakakataidi o dabadi goi sikaupakiyedi. Katukatuyana moe woiwoi vakuumgoina yoina o yoina ana namba.‡ Ana namba: Kidi Isileli tubunao be nakae kidi da Giriki idi namba moe leta. Tauna leta ana paisewa aiyuwo; tayamo moe livala ana gínina manuna go, tayamo moe namba manudi. Tauna leta a moe taya, leta b moe yuwo, tauna nakae. Ameko yoina ana namba moe ava namba isowóduwo neta letayadi tauyana yoina goi takatuyaividi.
18 Avatauwa neta madi nanamsa, bei moe ana talígava sibabane. Ame nakae: Avatau neta mana yagoina, woiwoi ana namba ana yagoina italigēi, unana nambayana moe tomota tayamo. Nambayana moe sikisi andedi siksti sikisi (666).
†a13:1 Dan 7:3.
‡13:1 You aipopóita: Ame youyadi you dedevidi nakae youyadi itoboine Yaubada tavayou go, ameko goi youyadi woiwoi toinina ivayou.
‡13:2 Bea: Ame yoguyogu gagaina go, aedidina gagaidi be nakae sooinidi. Bea itoboine tomota ikaumate.
†13:2 Dan 7:4-6.
‡13:4 Avatau ame woiwoiyana nakae: Lumadádana ame goi anerose yoina Maikeli sivaponuponuye. Maikeli moe Diyuu niyadi. Ana yagoina moe kada, ‘Avatau Yaubada nakae?’ Aiyuwoina Yaubada sivaponuponuye.
†13:4 Tat 15:11; Sam 35:10; Ais 40:18,25, 46:5; Yer 49:19; Mik 7:18.
†a13:5 Dan 7:8,25, 11:36; 2Tk 2:4.
†a13:7 Dan 7:21.
†b13:7 Nuw 5:9, 7:9, 11:9, 14:6, 17:15.
†a13:8 Pil 4:3; Nuw 3:5, 17:8, 20:12,15, 21:27.
†b13:8 Sam 69:28.
†13:9 Mad 11:15, 13:9,43; Mak 4:9,23, 7:16; Luk 8:8; Nuw 2:7,11,17,29, 3:6,13,22.
†a13:10 Yer 15:2, 43:11.
‡13:17 Ana namba: Kidi Isileli tubunao be nakae kidi da Giriki idi namba moe leta. Tauna leta ana paisewa aiyuwo; tayamo moe livala ana gínina manuna go, tayamo moe namba manudi. Tauna leta a moe taya, leta b moe yuwo, tauna nakae. Ameko yoina ana namba moe ava namba isowóduwo neta letayadi tauyana yoina goi takatuyaividi.