1 Iwe, ewe Souasor mi Lap a aisini Stefanus, “Ifa usun, a let mine ra aturuk won?” 2 Nge Stefanus a pölüeni, “Ämi pwii me semei kana, oupwe aüseling ngeniei! Me mwen än ach we lewo Apraham feila pwe epwe nonom lon Haran, ewe Kot mi ling a pwä ngeni me lon Mesopotamia 3 o üreni, ‘Kopwe towu seni om famili me fanüom, pwe kopwe feila lon ewe fanü ngang üpwe aiti ngonuk.’ ✡ Ken 12.1 4 Iei mine Apraham a towu seni fanüan o feila pwe epwe nonom lon Haran. Mürin än seman we mäla, Kot a tinala seni ikenan o emwenato lon ei fanü oua nonom lon ikenai. ✡ Ken 11.31; 12.4 5 Kot esap ngeni Apraham och kinikin me lon ei fanü pwe epwe fanüeni, sap mwo nge ükükün chöchön eu chök ipw. Nge Kot a pwon ngeni, pwe i me mwirimwirin kana repwe fanüeni ewe fanü. Lon ewe fansoun Kot a eäni ei pwon, esamwo wor nöün Apraham. ✡ Ken 12.7; 13.5; 15.18; 17.8 6 Iei usun met Kot a üreni, ‘Mwirimwirum kana repwe wasöla lon eu fanü esap fanüer, ia aramas repwe nöüniir amanau me ie. Ikenan repwe küna riaföü lon ükükün föpükü ier. ✡ Ken 15.13-14 7 Nge ngang üpwe apwüngü chon ewe fanü repwe angang ngeni. Iwe, mürin repwe towu seni ewe fanü o fel ngeniei me lon ei leni.’ ✡ Eks 3.12 8 Mürin Kot a ngeni Apraham ewe angangen sirkomsais, pwe epwe eu asisilen ewe pwon lefilen Kot me ekewe aramas. Iei mine Apraham a sirkomsaisi Isaak lon awaluen ränin mürin an uputiu, Isaak a sirkomsaisi Jakop, nge Jakop a sirkomsaisi nöün kewe engol me ruoman mwän, ir ach kewe lewo mi fokun iteföüla. ✡ Ken 17.10-14; 21.2-4; 25.26; 29.31–35.18 9 Iwe, nöün Jakop kewe mwän ra lolowo ngeni pwiir we Josef, pwe ra amömöla an epwe eman amanau lon Isip. Nge Kot a eti i ✡ Ken 37.11,28; 39.2,21 10 o amanaua seni an kewe riaföü meinisin. Iwe, Kot a ngeni Josef mirit o atufichi i pwe epwe küna chen me ren ewe kingen Isip. Iei mine Farao a seikätä i pwe epwe wiseni ewe wisen kepina lon unusen Isip o nemeni imwan kewe meinisin. ✡ Ken 41.39-41 11 Mürin a fis eu lengita lon unusen Isip me Kanaan mi afisätä riaföü watte. Ach kewe lewo resap tongeni künökün aner mongö. ✡ Ken 42.1-2 12 Iwe, lupwen Jakop a rong pwe mi wor mongö lon Isip, a tinala ikenan nöün kewe mwän, ir ach kewe lewo, lon aeuin ar sai. 13 Lon aruuen ar sai ngeni Isip, Josef a pwäri i ngeni pwiin kewe o ewe kingen Isip a rongorong usun än Josef we famili. ✡ Ken 45.1,16 14 Iei mine Josef a tinala pworaus ngeni saman we Jakop o üreni pwe i me unusen an famili, irfengen meinisin ükükün fik me limman repwe feito Isip. ✡ Ken 45.9-10,17-18; 46.27 15 Mürin Jakop a saila Isip. Ikenan i me nöün kewe mwän ra mäla. ✡ Ken 46.1-7; 49.33 16 Iwe, somäär kewe ra uwato Sikem o peiaseniir lon ewe peias Apraham a möni seni nöün Hamor kewe mwän. ✡ Ken 23.3-16; 33.19; 50.7-13; Jos 24.32

17 “Lupwen a arap ewe fansoun pwe Kot epwe apwönüetä an we pwon a eäni ngeni Apraham, iteiten ach kewe aramas mi nom lon Isip ra fokun chomongola. 18 Mürin eman king mi fö esap silei usun Josef a seikitä, pwe epwe nemeni Isip. ✡ Eks 1.7-8 19 Ätewe a rawangauei ach kewe lewo o ariaföüür, a pöchökül ngeniir ar repwe pöütala nöür mönükol, pwe repwe mäla. ✡ Eks 1.10-11,22 20 Lon ena fansoun Moses a uputiu, i eman mönükol mi fokun äteöch. Inan a tümwünü lon imwan lon ükükün ülüngat maram. ✡ Eks 2.2 21 Nge lupwen a uwala lükün, nöün Farao fefin a mwüti o foleni pwe epwe wesewesen nöün. ✡ Eks 2.3-10 22 Iwe, Moses a kaiö tipachemen chon Isip meinisin, a fefeitä lon an lipwäköch le kapas pwal lon an föför.

23 “Lupwen Moses a ierini faik, a filätä pwe epwe pii pwiin kewe chon Israel lon met a fis ngeniir. ✡ Eks 2.11-15 24 Iwe, a küna eman re Isip mi wichi eman re Israel, iei mine a feila rer pwe epwe peni ewe re Israel, iwe, a niela ewe re Isip. 25 Moses a ekieki pwe püsin aramasan repwe weweiti pwe Kot a mochen nöüni i pwe epwe angaseerela, nge ir resap wewe ren. 26 Sorotän ewe rän a küna pwe ruoman re Israel ra fiufengen. Iwe, a sotuni an epwe awora kinamwe lefiler o a üreniir, ‘Ätekanan, ämi pwipwi, pwota oua fiufengen lefilemi?’ 27 Nge ewe eman mi wor an mwäl ngeni ewe eman a ofochokuw Moses o a aisini, ‘Iö a seikuketä pwe kopwe samol me soukapwüng wom? 28 Ifa usun, ka pwal mochen nieila usun om ka niela ewe re Isip nanew?’ 29 Lupwen Moses a rong ekei kapas, a sü seni Isip o a feila nonom lon ewe fanü Mitian. Ikenan pwülüan a nöüni ngeni ruoman ät. ✡ Eks 18.3-4

30 “Iwe, mürin faik ier eman chon läng a pwä ngeni Moses lon pulopulen ekkei seni lon efoch iräfölüföl me lon ewe fanüapö arap ngeni ewe Chuk Sinai. 31 Moses a mairü ren met a küna. Lupwen a feila arap ngeni ewe iräfölüföl pwe epwe nenengeniöchü, a rongorong mwelien ewe Samol: 32 ‘Ngang än om kewe lewo we Kot, ngang än Apraham, Isaak me Jakop we Kot.’ Iwe, Moses a chechech ren an niuokus, pwe esap tongeni nenengeni ewe mettoch. 33 Mürin ewe Samol a üreni Moses, ‘Kopwe pwilitawu ipwom sus, pun ei leni ka ütä won a pin. 34 Üa küna ewe riaföü mi watte a fis ngeni nei kewe aramas lon Isip. Üa rongorong ar ngüngü o üa feila pwe üpwe angaseer. Kopwe etto iei, ngang üpwe tinukela Isip.’ ✡ Eks 3.1-10 35 Moses ätewe mi fen koput me ren ekewe aramasen Israel, ätewe ra aisini, ‘Iö a seikuketä pwe kopwe samol me soukapwüng wom?’ Iei i ewe eman Kot a tinala pwe epwe nemeni ekewe aramas o angaseer ren än ewe chon läng alilis, ewe mi pwä ngeni lon ewe iräfölüföl mi ngetenget. ✡ Eks 2.14 36 Moses a emwenawu ekewe aramas seni Isip, a föri manaman me asisil lon Isip, arun ewe Setipar, pwal lon ewe fanüapö lon ükükün faik ier. ✡ Eks 7.14,21; Num 14.33 37 Moses ätewe mi üreni ekewe aramasen Israel, ‘Kot epwe tinala remi eman soufos usun chök ngang, i epwe eman me lein püsin aramasemi.’ ✡ Tut 18.15,18 38 I ätewe mi eti ekewe aramasen Israel le mwichfengen me lon ewe fanüapö. A nom ikenan ren ach kewe lewo, pwal ren ewe chon läng mi kapas ngeni me won ewe Chuk Sinai. Iwe, a angei än Kot kapas mi manau pwe epwe asile ngenikich. ✡ Eks 19.1–20.17; Tut 5.1-33 39 Nge ach kewe lewo resap fokun mochen aleasochisi. Ra oputa i o lon letiper ra mochen liwinsefäliti Isip. 40 Iei mine ra üreni Aaron, ‘Kopwe föri ngenikem eman uluulun kot epwe emwenikem. Pun äm aisap silei met a fis ngeni Moses, ätewe mi emwenikeemiwu seni Isip.’ ✡ Eks 32.1 41 Iwe, lon ena fansoun ra föri eu uluulun anümwäl lon lapalapen eman ätemwänin kow, ra uwato ar asor ngeni, ra föri eu kametip o asamolu mine ra föri ren pöür. ✡ Eks 32.2-6 42 Iei mine Kot a kul seniir o asechiirela pwe repwe fel ngeni ekewe füün läng, usun a fen mak lon ekewe puken soufos:

44 “A wor ren ach kewe lewo me lon ewe fanüapö ewe imwenfel seni mangaku. A för usun chök met Kot a aiti ngeni Moses lon liosun we a fen pwäri ngeni me mwan. ✡ Eks 25.9,40 45 Iwe, mürin ach kewe lewo mi angei ewe imwenfel seni mangaku seni semelaper kewe ra eki ei imwenfel lupwen ra eti Josua le feila o liapeni ewe fanü seni chon ekewe mwü Kot a fen asürela me mwer. Iwe, a nonom lon ewe fanü tori fansoun Tafit. ✡ Jos 3.14-17 46 Tafit a küna chen me ren Kot o a tüngor ngeni an epwe mwüt ngeni, pwe epwe aüetä eu imwenfel fän iten än Jakop we Kot. ✡ 2.Sam 7.1-16; 1.Kron 17.1-14 47 Nge Salomon ätewe mi aüetä ewe imwenfel fän itan. ✡ 1.King 6.1-38; 2.Kron 3.1-17 48 Nge ewe Kot mi Unusen Tekia esap nom lon imw mi för ren pöün aramas. Usun ewe soufos a apasa,

51 Iwe, Stefanus a sopwela le kapas ngeniir, “Ämi aramas mi tipeförea! Letipemi ra usun chök chokewe resap lükü Kot, oua rongomang ngeni kapasen Kot! Ämi oua usun chök ämi kewe lewo: Pwal ämi oua ü ngeni Ngünmifel fansoun meinisin. ✡ Ais 63.10 52 Ifa usun, mi wor eman soufos ämi kewe lewo resap ariaföüü? Ra niela nöün Kot kewe chon künö, chokewe ra arongato me lom usun waren nöün Kot we Chon Angang mi pwüng. Iwe, iei ämi oua afangamä i o niela. 53 Ämi chokewe mi angei än Kot kewe Allük mi feito me ren ekewe chon läng, nge ämi ousap aleasochis ngeni!”

54 Iwe, lupwen chon ewe mwichen soupwüng ra rongorong ngeni än Stefanus afalafal, ra fokun lingeringer o asüngürü ngiir lon ar song. 55 Nge Stefanus a uren Ngünmifel, a anetai mesan ngeni läng o a küna lingen Kot me Jesus mi ütä lepelifichin Kot. 56 Iwe, a üra, “Nengeni, üa küna pwe läng a suk o Nöün Aramas a ütä lepelifichin Kot!” 57 Lupwen ra rong ekei kapas, ra pinela selinger ngeni pöür o pupuchör fän leüömong. Iwe, ir meinisin ra rangeiti Stefanus, 58 ra etekinawu lükün ewe telinimw o popuetä le monei ngeni fau. Nge ekewe chon atutur ra isenatiu üfer kewe ren eman alüal itan Saul. 59 Iwe, lupwen ar momonei Stefanus ngeni fau, i a kökkö lon an iotek ngeni ewe Samol, “Ai Samol Jesus, kopwe etiwa ngüni!” 60 Mürin a fotopwäsuketiu o kökkö fän leüömong, “Ai Samol, kopwe amusala ei tipis ra föri ngeniei.” Mürin an apasa ei a mäla.