1 Jerusale mni'naza Anumzamofo naga zgo zamisune hu'naza zankura avona nagra kretamimi'na huramagesa hugara osu'noe. 2 Na'ankure nagra antahi'noe, tamagu'amo otigeta zamaza hunaku retro'ma hu'nazana, Masedonia mono vahe, musezampinti zamasamina amanage huno'e, ko'ma evia kafufina Griki kaziga Akaia kumate nemniza vahe'mo'za, Juda vahe zamaza hu'naku ko retro hu'naze hu'na tamagriku zamasmi'noge'za, nentahiza zmagu'amo otige'za hakare vahe'mo'za anahukna huta zamigahune hu'naze. 3 Hianagi Taitusine tare nerafukizni tamagrama mni'narega nagra hunezmantoe. Tamagri tami'naku ko retro hu'naze hu'na hu'noa kema zmasaminoa zamo'a, amnezankna hanigi, tro hunenke'za viho. 4 Masedonia vahe'ene ru nevnugeno, ana zgo eri tru osunesageta, ko eritru hu'naze hu'na hu'noa ke'mo'a, amnezankna hinketa, tamagrane nagranena tagazegu hugahune. 5 E'ina hu'zanku nagrama nagesa antahuana nerafukizmima huzmantesunke'za tamagra mni'narega vugotesageta, koma eritru huta zamigahune hu'naza zgoa retro hu'nesageta vugahune. E'ina nehuta muse hutma zgoa nezamizageta, tagra zgotamia tutu huta avazu nosune.

6 Nagra menina amanage nehue, osi'a avimzama nesaza vahe'mo'za, osi'a ana avamente nezana nevasgaze. Hanki rama'a avimaza nesaza vahe'mo'za, ana avamente rama'a nezana nevasgaze. 7 Ana hu'negu magoke magokemotma aminaku'ma hanutma, tamagu'afima amigahune hutma tamagesa antahinesazama'a amiho. Vahe'mo tutu hinketa tamarimpa knazanena omiho. Na'ankure muse huno ami'mofonku, Anumzamo'a avenesie. 8 Anumzamo'a knare huno makazampina asunkuzama'a eri avitermantena, aviteta mani'neta, mika zupa rama'a me'nesnifinti knare tamavu'tmava huta vahe'mofona zamaza hugahaze. 9 Anumzamofo avontafepinema krente'neana, Iza'o refko huno amunte omane vahe, musezama nezmia vahe'mofona, Fatgo avu'avazama'amo mevava hugahie hu'ne. (Sam-Zga 112:9)

10 Anumzamo hozama kri vahe'mofona avimzana nezamino, bretia nezane huno nezamie. Anahukna huno avimzana veva huno erira nehina, fatgo avu'avazantamimo'a rga'a nerena, rama'a nevasageta mago'ane vahe'mofona zamaza hugahaze. 11 Hakare zampina rama'a asomu hunermantena, vahe'ma zmaza hanazana rama'a zmaza nehnageno, Anumzamofona ra agi ami'za susu huntegahaze. 12 Na'ankure ama'i vahe'ma azahu erizama e'nerizazamo'a, Anumzamofo nagakera zmaza nosianki, Anumzamofo susu huntezampinti, ra agi amizamo'enena avinete. 13 Na'ankure vahe'ma zmaza huta knazami erizamo, knare tamavuta eriama hina nege'za, Kraisi knare musenkemofona amagenentaze hu'za huama nehu'za, Anumzamofona ra agi erisaga hugahaze. 14 Nunamuzamifina tamagrikura antahineramiza nunamuna hunermantaze. Na'ankure Anumzamofo mreriagatere asunku'zamo tamagrite'ma me'neazanku anara nehaze. 15 Vahe'mota e'inahu kna nehie huta erinteama osuga muse zama neramiazankura, Anumzamofona susu huntesune.