1 E'ina hu'nagu nagra henkama tamagri'ma tamage'naku esu'na, amanahukna nasuzampina mago'ane omesue hu'na nagesa nentahue. 2 Na'ankure nagrama tamarimpa eri haviza hanenkeno'a, iza nagrira nazeri muse hugahie? Hianagi tamagri'ma, tamarimpa knama eritamumotma nazeri muse hugahaze. 3 E'ina hu'negu, amanahukna avona kre neramue. Nagrama esoa knarera, nazeri musema nehaza nagara, zmarimpa kna eri ozamisue. Tamage nagra antahi'noe, tamagra musema hanage'na, nagranena muse hugahue. 4 Narimpamo'a tusigna nehige'na zavi netena, ama avona kreneramue. Tamarimpa tamazeri kna hunakurompage, nagrama nagu'afima navesineramantoaza antahiama hnazegu kreneramue.

5 Mago'mo'ma tamarimpa knazama eritamiana, tamagrama hazaza hu'na nagra rama'a narimpagna hunontoe. Na'ankure anamofona mago'a arimpa kna eriominakure. 6 Rama'amota anamofona ko mago tamarimpa hunontazageno, anazama hu'nea knazamofo avamente mizama'a e'nerie. 7 Ru arimpa haviza hu'zamo azeri haviza hanigeno asunkuzampi mani'zankura, kumi'a atrenenteta azeri so'e hiho. 8 Ana hu'negu nagra huhankaveti'na nehuanki, tamagrama tamavesi'nentaza zana erinte ama hinke'za keho. 9 Ama avoma kreramua agafa'a, ana miko ke tmasami'noa kemofo amagera nentafi, reramahe'na kenaku kreneramue. 10 Hagi tamagrama mago vahema kumizmi atrezamantesazana, nagranena kumizmia atrenezmantoe. Na'ankure nagra kumizmia atrenezmantoe, [kumima atrezmantegazama menenkena tamage huna atrenezmantoe], Kraisi avurera tamagrama knarema hanagu atrenezamantoe. 11 E'inahukna hanuta Sata reravataga hania zampintira evuoramisune. Na'ankure ko Sata reraheno kenaku tro hunte'nea havi antahizama'a, keta antahita hu'none.

12 Nagrama Troasi kumate Kraisi knare musenke huama hunaku uhnatugeno'a, Ramo'a kankamuna erinaginantene. 13 Hianagi narimpa fru e'ori'noe. Na'ankure nenafu Taetusi'a tamagri tamagenkea erino ome'neazanku, Troasia atre'na Masedonia nevu'na, hufru huramantoe.

14 Na'ankure Anumzamofo avurera tagra Kraisina mana nentake zankna huta mani'neta, zamagumavazi'nea vahete ene fnanene hanaza vahetera knare mna viankna nehuta susu hunentone. 15 Kraisi'ene hagerfi'nonku knare mna nevia kna nehanunkeno, Anumzamo'a muse nehie. Ana naneke vuno eno nehigu mna nentahizankna hu'za maka vahe'mo'za nentahize. Kefoza zimifinti zamahoke nehea vahe'mo'zane kefoza zimifinti zamahoke nohea vahe'mo'zane nentahize. 16 Fananema hanamokizmirera fri hi'mana nevie. Hianagi tasimuma erita manisuna vahe'motarera, asimu erino mani mana vugahie. Hianagi i'za ama ana erizana eriga hu'ne? 17 Mago'amo'za zgo erigahune, nehu'za Anumzamofo naneke huama nehzana, tagria Anumzamo hurantegeta fatgo huta huama nehune. Huama nehunana Kraisi'a tagu'afi nemanigeta Anumzamofo avure huama' nehune.