1 Jerusale kumate mni'naza mono nagamokizmi zgoma eri atruma nehza zanku hu'za hue, Galesia kaziga mni'naza mono naga'ma hiho hu'na huzmante'noaza hiho. 2 Hakare Sontamofona ese knare, tamagra mago mago'mota zgo'ma erisafintira, erisnaza avamente refko hutma eri atru hu'nenke'na, nagra esua knafi eri tru huzankura osaneno. 3 Nagrama uhanatisu'na huhampri' zmante'nesamokizmia, huzmanta'nena, ana musezamofo agofetura avonkrenta'nena eri'za Jerusale kumate vugahaze. 4 Hagi nagrama vuga'ma hanugeno'a, zamagra nagrane vugahaze.

5 Hu'neanagi nagra Masetonia vute'na, henka tamagritega egahue. Na'ankure Masetoniati ru kitagi'na vugahue. 6 Tamagrane osi'agna umanisuo, ete zasi ko'ma atu ikampina tamagra ne mni vgaresugeta, inantegama vunaku'ma hanurega naza hu'tma hunante'nage'na vugahue. 7 Na'ankure nagri'ma navenesiana menima vanu'na tamageme vuku nosuanki, Anumzamofo avesima me'nenke'na mago'a zaza kna tamagra ne umani'ne'na vanuegu nehue. 8 Hu'neanagi Efesasi kumate mani'nesugeno, Avamu'mo erami'nea (Pentikos) kna efore hugahie. 9 Na'ankure eri'zamo'ma knare huno vuga kana rama'a efore nehigeno, rama'a vahe'mozanena ha renenantaze.

10 Hanki Timoti esigeta, nagra Ramofo eri'za e'nerua kna huno e'neria neki, ke'amofona antahi nemita azeri so'e hiho. 11 Kva hunenteta agi eri haviza huonteho. Hanki ana nehuta aza nehnageno mani'neno, fru huno nagra mni'ne'nurega ehnatisnie. Timoti'ene mago'a nafu naganahe'zane ete esnagu zmavega ante'na mani'noe.

12 Hu'neanagi Apolosi, nerafu kazigagu hu'za hue. Tmagritegama nerafuzanema esia kazigatira, nagra razampi azeri hanaveti kea nesamue. Hagi menima esiana agri'a avesi omne'neanagi, kankamuma me'nenkeno'a egahie.

13 Kava nehuta, tamentinti zampi oti hanavenetita, korera osu hanavetita maniho. 14 Maka'zama hanaza'zampina tamavesinte avu'ava zampinti hiho.

15 Nenfugta nensarogta tamagra antahi'naze, (Stefanisi ene noma'afi mani'nazana, ese'ma Akaia kumateti zmagu'a rukrehe hu'naza nagare. Ana hute'za zamagra zamagu'a mono eri'zampi ami vganere'za mono eri'za e'neri'za nagare). 16 Hanki tamagranena e'inahukna vahe'mofo avu'ava avaririta mani'neta, hagi anahukna eri'zama zmaza hu'za erisazamokizmine, nezmavariritma zmagorga'a manihogu neramasamue. 17 Stefanisi ene Fotunatusi'ene Akiasi'zama aza'zankura nagra muse hu'no'e. Na'ankure tamagra ma huga'zana osazage'za zmagra eme naza hu'naze. 18 Na'ankure knare antahintahi nami'za avamu'nifina nazeri fru nehu'za, tamagri'ene ana hu'naze. E'inahukna vahetmina zamege so'e hiho.

19 Esia kaziga mani'naza mono naga'mo'za muse ke atrermantaze. Akuira ene Prisila ene noznifima nemniza mono nagamo'zanena anahukna hu'za zmagu'areti musenkea atrenermantaze. 20 Maka Anumzamofo naga'mo'za musenkezmia atre nermantaze. Hanki tamagra nena anazanke huta mono naga'mota muse ohunte ahunte hiho.

21 Poli'na nagra, ama musenkea, nagra nazampinti kre neramue. 22 Hanki Ramofoma avesi ontesnimo'a, sifnafi manino haviza hugahie. Rantimoka eno! 23 Hanki Ramofo Jisasi asunku zamo'a tamagra ne mesnie. 24 Nagri nevesi'zamo'a maka Krais Jisasimpima mni'naza naga'motarega mesnie. Tmage.