17
Eysaning julaliqta körünüshi
Mar. 9:2-13; Luqa 9:28-36
1 We alte kündin kéyin, Eysa Pétrus, Yaqup we Yaqupning inisi Yuhannani ayrip élip, égiz bir taghqa chiqti.
■ 2 U yerde uning siyaqi ularning köz aldidila özgirip, yüzi quyashtek parlidi, kiyimliri nurdek ap’aq bolup chaqnidi.
3 We mana,
muxlislargha Musa we Ilyas
peyghemberler uning bilen sözlishiwatqan halda köründi.
4 Shuning bilen Pétrus Eysagha:
— I Reb, bu yerde bolghinimiz némidégen yaxshi! Xalisang, birini sanga, birini Musagha, yene birini Ilyasqa atap bu yerge üch kepe yasayli! — dédi.
□ 5 Uning gépi tügimeyla, mana nurluq bir bulut ularni qapliwaldi. Mana, buluttin: «Bu Méning söyümlük Oghlumdur, Men uningdin xursenmen. Uninggha qulaq sélinglar!» dégen awaz anglandi.
■ 6 Muxlislar buni anglap özlirini yerge tashlap düm yétip wehimige chüshti. 7 Biraq Eysa kélip, ulargha qolini tegküzüp:
Qopunglar, qorqmanglar, — dédi. 8 Ular béshini kötürüp qariwidi, Eysadin bashqa héchkimni körmidi.
9 Taghdin chüshüwétip, Eysa ulargha:
— Insan’oghli ölümdin tirildürülmigüche, bu alamet körünüshni héchkimge éytmanglar, — dep tapilidi.
■ 10 Andin muxlisliri uningdin:
— Tewrat ustazliri néme üchün: «Ilyas
peyghember Mesih kélishtin awwal qaytip kélishi kérek» déyishidu? — dep sorashti.
■ 11 U ulargha jawaben:
— Ilyas
peyghember derweqe
Mesihtin awwal kélidu, hemme ishni ornigha keltüridu.
□ 12 Emma men silerge shuni éytip qoyayki, ilyas alliqachan keldi, lékin kishiler uni tonumidi, belki uninggha xalighanche muamile qildi. Shuninggha oxshash, Insan’oghlimu ularning qollirida azab chékish aldida turidu, — dédi.
13 Shu chaghda muxlislar uning chömüldürgüchi Yehya toghrisida sözlewatqanliqini chüshendi.
Jin chaplashqan balining azad qilinishi
Mar. 9:14-29; Luqa 9:37-43
14 Ular xalayiqning yénigha barghinida, bir kishi uning aldigha kélip, tizlinip:
■ 15 Reb, oghlumgha ichingni aghritqaysen! Chünki uning tutqaqliq késili bar bolghachqa, zor azab chékiwatidu; chünki u daim otning yaki suning ichige chüshüp kétidu.
□ 16 Uni muxlisliringgha élip kelgenidim, saqaytalmidi, — dédi.
17 Eysa jawaben: — Ey étiqadsiz we tetür dewr, siler bilen qachan’ghiche turay?! Men silerge yene qachan’ghiche sewr qilay? — Balini aldimgha élip kélinglar — dédi.
18 Shuning bilen Eysa jin’gha tenbih bériwidi, jin balidin chiqip ketti, balimu shuan saqaydi.
19 Kéyin, Eysa ayrim qalghanda, muxlislar uning yénigha kélip:
— Biz néme üchün jinni qoghliwételmiduq? — dep sorashti.
■ 20 U ulargha: — Ishenchinglar bolmighanliqi üchün. Men silerge shuni berheq éytip qoyayki, silerde qicha uruqidek zerriche ishench bolsila, siler awu taghqa: «Bu yerdin u yerge köch» désenglar, köchidu; shundaqla silerge mumkin bolmaydighan héch ish bolmaydu.
■ 21 Biraq, bundaq jinlarni dua qilish we roza tutush bilen bolmisa heydigili bolmaydu — dédi.
□
Eysaning yene ölüshi we tirilishi toghruluq éytishi
Mar. 9:30-32; Luqa 9:43-45
22 Ular Galiliye ölkiside aylinip yürginide, Eysa ulargha:
— Insan’oghli
satqunluqtin insanlarning qoligha tapshurulidu;
■ 23 ular uni öltüridu, lékin üchinchi küni u tirilidu, — dédi. Buni anglap muxlislar éghir ghem-qayghugha chömüp ketti.
Ibadetxana béji tapshurush mesilisi
24 Andin ular Kepernahum shehirige kelginide, ibadetxana «ikki draqma» béjini yighquchilar Pétrusning yénigha kélip:
— Ustazinglar «ikki draqma»ni tölemdu? — dep soridi.
□ 25 Töleydu, — dédi Pétrus.
Lékin u öyge kirgishigila, téxi bir néme démestila Eysa uningdin:
— Simon, séningche bu dunyadiki padishahlar kimlerdin baj alidu? Öz perzentliridinmu, yaki yatlardinmu, — dep soridi.
■ 26 Pétrus uninggha:
Yatlardin, — déwidi, Eysa uninggha:
— Undaqta, perzentler
bajdin xaliy bolidu.
27 Biraq
baj yighquchilargha putlikashang bolmasliqimiz üchün, déngizgha bérip qarmaqni tashla. Tutqan birinchi béliqni élip, aghzini achsang, töt draqmiliq bir tengge pul chiqidu. Uni élip men we sen ikkimizning
béji üchün ulargha ber, — dédi.
□