5
Tomoyamoya be tubuwau adi lovina
1 Tauna komi tomoyamoya,‡ Tomoyamoya: Ame nakona koroto gagaidi o tadigo kada, ‘Tovakumgo ekeresiya sinaena.’ yau tomoya tayamo komi nakae be Guyau ina gedageda ana totalavaita komi nakae. Aiyuwoina Guyau ina togaga ana káeyana giyakainava bei ikaiwoduwe ina kaluvilamna goi, e yau tupwana bogina aalotowo. Tuwo akatuliwolemi 2 sipi ana tomatakavata nakae Yaubada ina bodao nimami goi sikaaiyaka komatakaavatēdi be kovaakedēdi.† Iyo 21:15-17. Go imi matakavatayana geya kada tomota siloviinaemi koguuinuwe geya, go sem toinimi imi tagona goi nakae Yaubada latuwona. Geya matakónana pasina geya bego imi esaesa kobabane, go sem mami salau kovaaitēdi. 3 Geya lovina kasakasaina goi geya, go sem komi aba gita dedevina yaidi goi. 4 Neta nakae, tutayana Yeisu Tomatakavata Toolagaina isowóduwo ima, bei imapumi be ami vaiwówana vaatayaina ivinimi. Ami vaiwowanayana moe ami dabayogigi esaaesaina aba taimámina nakae tovavalákuna sivinidi.
5 Komi tubuwau nakae akatuliwolemi kokatetaagonēmi tomoyamoyayadi yaidi goi. Neta konuwaisi Gínina Kimaasabaina idigo kana,
‘E tauyadi nuwaatuedi Yaubada ivakaaleyedi go,
kidi toosobudi ikanuwooiyedi.’† Yem 4:6.
Nanamsa 3:34
Tauna madabokimi toosobuna kwamaina nakae kolōsi semiyao yaidi goi. 6 Tauna kokisoobuyēmi be kokatetaagonēmi Yaubada nimana toogagaina goi bego tuta ana toboine goi ikilagasimi.† Mad 23:12; Luk 14:11, 18:14; Yem 4:10. 7 Tauyana ilokayasida, tauna imi nuwokubukubu madabokina nimana goi koyāto.† Sam 55:22.
8 Toinimi kokabikuunuīmi be nakae koyauyāusa. Ada tovakaleya Totagiwayayana laiyoni sasasaina nakae mana gou ivanibiníbita ana tomota ilusala bei ikanisave. 9 Tauyana yaina mami numisa tamadiidinina kovadōkana. Neta konuwaisi gedagedayadi kobaabanedi sedao poyapoya madabokiina goi nakae bogina sibabanedi.
10 E kina go Yaubada, Tauyana anuwóiya liliudi unadi, boi bogina ida spwagógana Guyau Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa. 11 Tauyana Tokalika ame tuta be nakae tuta simamaima!
E nakae!
Leta ana masi be Pita ina vaduduwo
(1 Pita 5:12-14)
12 Leta ame giyaina agini go, kina Silovano‡ Silovano: Ame tauyana youyuwoina moe Sailasi.† Gui 15:22-40, 16:19-29, 17:4-15, 18:5; 2Ko 1:19; 1Tk 1:1; 2Tk 1:1; 1Pi 5:12. nimana goi ayato aetune iwo yaimi. Tauyana aayagoi siyami aba numisa komi yaimi. Letayana goi bogina atemi avapatupatudi be nakae guna nuwonúwana atalavaite ame letayana moe Yaubada ina kanuwóiya mooitamoina. Anuwoiyayana goi koovadōkana!
13 Natugu Maki† Gui 12:12,25, 13:5,13, 15:37-39; Kol 4:10; 2Ti 4:11; Plm 1:24. be kidi Babiloni‡ Babiloni: Ame livalakaibala Roma manuna. goi Yaubada ina kinavayao komi nakae idi yabobona sietune iwo yaimi. 14 Mami matakoi semiyao koyoowoiīdi.
Komi spwagoogonimi Guyau taiyao tuboina yaimi!
Yau Pita
‡5:1 Tomoyamoya: Ame nakona koroto gagaidi o tadigo kada, ‘Tovakumgo ekeresiya sinaena.’
†5:6 Mad 23:12; Luk 14:11, 18:14; Yem 4:10.
†5:7 Sam 55:22.
‡5:12 Silovano: Ame tauyana youyuwoina moe Sailasi.
†5:12 Gui 15:22-40, 16:19-29, 17:4-15, 18:5; 2Ko 1:19; 1Tk 1:1; 2Tk 1:1; 1Pi 5:12.
†5:13 Gui 12:12,25, 13:5,13, 15:37-39; Kol 4:10; 2Ti 4:11; Plm 1:24.
‡5:13 Babiloni: Ame livalakaibala Roma manuna.