1 यहूदा ङा पिप सिदकीयाहम सासन पवा आ ९ बर्स १० महिनाम बेबीलोन ङा पिप नेबुकदरेसर नु मेको आ लडाइ पाइब नेल्‍ल जाक्‍शा, यरूसलेम कली लडाइ तोशा एर ओंथ नेल्‍ल रे पुम्‍ताक्‍म। येरमीया ५२:४-१६; २राजा २५:१-१२ 2 मिनु सिदकीयाहम सासन पशो ११ बर्स ४ महिना ९ नाक्‍ती मेको सहर ङा गारो प्रेश्‍शा ओव़तेक्‍म। 3 मिनु यरूसलेम ग्राशा, बेबीलोन ङा पिप आ ठेयब मुर नेल्‍ल जाक्‍शा दाते ङा लाप्‍चोमी बाक्‍तेक्‍म। नेरगल-शरेसेर, साम्‍गार-नेबो, सारसेकीम नेल्‍ल क्‍येङा ठेयब निसाफ पाइब नेरगल-शरेसेर नु बेबीलोन ङा पिप आ ठेयब गेय पाइब मुर नेल्‍ल जाक्‍शा बाक्‍तेक्‍म। 4 मिनु यहूदा ङा पिप सिदकीयाह नु आ लडाइ पाइब नेल्‍लेम मेको आन कली ताम्‍तेक्‍म। मिनु मेकोपुकी गारो निक्‍शी आस दातेम बाक्‍शो लाप्‍चो, पिप आ फल फुल रू रे पा नाक्‍दोन सहर रे प्रोक्‍शा, अराबाह गे लाम्‍तेक्‍म। 5 तन्‍न कल्‍दी आन लडाइ पाइबपुकीम मेको आन कली खेदा पाम्‍तेक्‍म। मिनु सिदकीयाह कली यरीको ङा दिंमम थित्‍तेक्‍म। मिनु मेकोपुकीमी मेको कली ग्‍याइश्‍शा, हमाथ रागी ङा रिब्‍ला देंशो सहरमी बेबीलोन ङा पिप नेबुकदरेसर आ बाक्‍तीके चाक्‍दीत्‍तेक्‍म। मिनु मेकोमी सिदकीयाह कली सजाइ गेतीक देंत। 6 मेको रिब्‍लामी बेबीलोन ङा पिपम सिदकीयाह आ तौ आन कली आ ङोंइतीन साइक्‍तीमी। मिनु यहूदा ङा ठेयब मुर आन कली यो साइक्‍तीमी। 7 मेकोमी सिदकीयाह आ मिक्‍ची फेत्‍ताक्‍व। मिनु बेबीलोन लाइक्‍चा कली साङलोमी फ्रेंपाइक्‍तु। 8 कल्‍दीपुकीम पिप आ दरवार नु मुर आन खिंम मी सुइक्‍ताक्‍मे। मिनु यरूसलेम ङा गारो प्रेत्‍तेक्‍म। 9 मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी। 10 तन्‍न पिप कली कोव़ब आन कप्‍तान नेबुजरादानमी मारेइ मपाइश्‍शो प्रुङग आन कली यहूदा रागीमी प्रोंइशा वोइक्‍तीमी। मिनु मेको आन कली मेकोमी अङगुर रू नु अरु रूपुकी गेम्‍तीमी।

11 मिनु बेबीलोन ङा पिप नेबुकदरेसरमी आ कली कोव़ब आन कप्‍तान नेबुजरादान कली येरमीया आ पर्बम 12 “मेको कली लाइश्‍शा, रिम्‍शो पा कोव़शा वोतीन। मेको कली मारेइ मरिम्‍शो मपावो। मेकोमी इ कली देंशो खोदेंशो पा, गे मेको कली पावो” दे माइक्‍तु। येरमीया ४०:४ 13 मोपतीके पिप कली कोव़ब आन कप्‍तान नेबुजरादान, नेल्‍ल क्‍येङा ठेयब मुर नेबुशाज्‍बान, निसाफ पाइब ठेयब मुर नेरगल-शरेसेर नु बेबीलोन ङा पिप आ अरु ठेयब मुरपुकीम 14 मुर सोइश्‍शा, येरमीया कली जेल्‍खान ङा लाङगा रे चाक्‍पाइक्‍तेक्‍म। मेको कली आ खिंम लाइक्‍तीक जिम्‍मा शाफान आ चच अहीकाम आ तौ गेदाल्‍याह कली गेम्‍तेक्‍म। मोपा येरमीया आ मुरपुकी नु बाक्‍त। येरमीया ३८:२८; येरमीया ४०:५-६,१४-१६

15 मिनु येरमीया जेल्‍खान ङा लाङगाम बाक्‍मेनु, परमप्रभु यावेम येरमीया ३८:७ 16 मार, लोव़ पशो बाक्‍त देंशा हना “लशा, कूशी एथीयोपीया ङा मुर एबेद-मेलेक कली ‘मुर नेल्‍ल आन परमप्रभु यावे, इस्राएली आन परमप्रभुमी रिम्‍शो पा ममाइ, तन्‍न श्‍येत गेशा, एको सहर आ पर्बम गो मार पाइनुङ देंशो बाक्‍ङा, मेको खाप्‍चा चिक्‍शो बाक्‍नुङ। मेको इ ङोंइतीन मेको नाक्‍ती दुम्‍ब। 17 तन्‍न गो इ कली मेको नाक्‍ती प्रोंइनन। मिनु गे तेको मुर आन क्‍येङा हिंनेवे मेको आन गुइम मदुम्‍नेवे’ देंत मतो। 18 परमप्रभु यावेमी ‘गो इ कली थमा पा प्रोंइनन। गे तरवारम साइक्‍चा मपुंइसीनेवे। गे लडाइ रे इ गिंम प्रोंइशा प्रोक्‍नेवे। मारदे हना गे आं कली थमा सुइश्‍शो बाक्‍नेवे देंशो बाक्‍ब’ दे मतो” दे परमप्रभु यावेमी देंत।