1 Ghe God, Ko tatea vaniu na kabu marabu,

mo ko pilupungisiau itadira rana lei tinoni tangohahi,

Ko vavolau itadira na lei tinoni sorisori mana tangotangodika.

2 Na pukuna Ighoe nigua na God,

Nigua na vatei vola itamua.

Me ghua ghe o tona saniu?

Me ghua ge u sakutua kolili tana pungi mi tana ungaunga ni mate,

itadira tara niu ghighirou tana lei ghaghua na levunimate?

3 Mo nira vetena rughuhoru mai nimua na marara mana utuni.

ma kara righitaoniu

lubatira ge kara liuliu va ta nimua na ghotu tabu,

va tana bonamu to ghahagho iga.

4 I kakeri ge ku tona ta nina malei sukaghi God,

Mi ga ta God te butu ni mai na rivurivu mana togotogo.

Inau ku holoutogho nia na tigitigi ge God, nigua na God!

5 E ghua ge o dikalio ngangata?

Inau tu talua nigua na ghanaghana mava itatana God!

Inau ku ghoi holoutoa so agaia

na pukuna gaia na vavolagu mana nigua na God!