1 بِرِن شَ عَ يّتّ مَفٌرٌ عَ شَ مَنفّيٍ بّ، بَرِ مَ مَنفّيَ بِرِن كٍلِمَ عَلَ نَن مَ، عَ نَ عَ رَفِرِ نَشَن مَ. 2 نَ نَن عَ رَ، مِشِ نَشَن نَ مَنفّ مَتَندِ، نَ كَنيِ عَلَ نَن شَ يَامَرِ مَتَندِشِ. عَ قَمَ نّ عَ شَ نَ وَلِ كٌبِ سَرٍ سْتْدٍ. 3 وَلِ قَنيِ رَبَيٍ مُ فَاشُمَ مَنفّيٍ يَ رَ، وَلِ كٌبِ رَبَيٍ نَن فَاشُمَ عٍ يَ رَ. شَ عِ مُ وَ مَ عِ شَ فَاشُ مَنفّ يَ رَ، عِ شَ لُ كِرَ قَنيِ نَن شْن مَ. نَ كُي، مَنفّ قَمَ نّ عِ مَتْشْدٍ، 4 بَرِ مَ مَنفّ وَلِمَ عَلَ نَن بّ وٌ شَ مُنَقَنيِ شَ قٍ رَ. كْنْ شَ عِ قٍ كٌبِ رَبَ، عَ لَنمَ عِ شَ فَاشُ، بَرِ مَ سَنتِدّفّمَ مُ نَ مَنفّ يِ قُقَقُ شَ رَ. عَ تٌ نَ عَلَ شَ وَلِ نَن نَ، عَ عَلَ شَ شْنّ نَن مَسٍنمَ قٍ كٌبِ رَبَيٍ شِلِ مَ. 5 نَ نَن عَ تٌشِ، قٌ وٌ شَ وٌ يّتّ مَفٌرٌ نّ مَنفّيٍ بّ. وٌ نَ رَبَمَ نَ حَشَنكَتّ شَ قٍ فَاشُي مَ، عَ نُن مَن وٌ بْحّ نَن يَتِ وَ مَ وٌ شَ عَ رَبَ نَ كِ.

6 وٌ لَن وٌ شَ دُوتِ قِ نَ نَن مَ، بَرِ مَ دُوتِ مَشِلِيٍ قَن نَ عَلَ شَ يَامَرِ نَن نَ. 7 وٌ كَنكَن فبٍ سٌ عَ يِ، عَ لَن عَ شَ نَشَن سْتْ. وٌ دُوتِ سٌ دُوتِ مَشِلِيٍ يِ، وٌ وٌ مَفٌرٌ مِشِيٍ بّ وٌ لَنمَ وٌ شَ وٌ مَفٌرٌ نَشٍيٍ بّ، وٌ مِشِيٍ بِنيَ وٌ لَن وٌ شَ نَشٍيٍ بِنيَ.

8 مِشِ يٌ شَ دٌنِ نَشَ لُ وٌ مَ، وٌ شَ شَنُنتٍيَ نَن لَن عَ شَ لُ وٌ بٌرٍ بّ، بَرِ مَ نَشَن نَ عَ بٌورٍ مَشَنُ، عَ بَرَ سّرِيّ رَكَمَلِ. 9 عَلَ شَ يَامَرِيٍ عَلْ، «عِ نَشَ يّنّ رَبَ، عِ نَشَ مِشِ قَشَ، عِ نَشَ مُحّ تِ، عِ نَشَ مِلَ،» عَ نُن يَامَرِ فبّتّيٍ بِرِن، نٍيٍ مَلَنشِ قِندِشِ مَسٍنيِ كٍرٍن نَن نَ؛ عِ شَ عِ بٌورٍ شَنُ عَلْ عِ يّتّ يَتِ. 10 عِ نَ عِ بٌورٍ شَنُ، عِ مُ قٍقٍ كٌبِ نِيَمَ عَ رَ. نَ نَ عَ رَ، عِ بٌورٍ شَنُقٍ قِندِشِ عَلَ شَ سّرِيّ بِرِن نَبَتُقٍ نَن نَ.

11 نَ قٍ بِرِن كُي، وٌ عَ كٌلٌن وٌن نَ وَشَتِ نَشّ. شُنُ تّمُي بَرَ عَ لِ شِ شْلِ مَ، كِسِ بَرَ مَكْرّ وٌن نَ دَنفِ وَشَتِ رَ وٌن دَنشَنِيَشِ تّمُي نَشّ. 12 كْي بَرَ مَسِفَ، عَ فبٍ مُ لُشِ كُيٍ شَ عِبَ. وٌن شَ سٍنتَنّ شَ دِ مِ وَلِيٍ بّحِن، وٌن قَ عَلَ شَ نَءِيَلَنيِ مَ، وٌن شَ عَ شَ فٍرٍ سٌسٍيٍ تٌنفٌ. 13 وٌن شَ حّرّ تِنشِنيِ كُي عَلْ عَ لَنمَ وٌن شَ حّرّ كِ نَشّ عَلَ شَ نَءِيَلَنيِ كُي. وٌن نَشَ سِفَ شُلُن حَاشِ، وٌن نَشَ سِيسِ، وٌن نَشَ يّنّ نُن لَنفٌيحَ رَبَ، وٌن شَ فٍرٍ نُن تْونّ لُ نَ. 14 وٌ شَ عَلَ شَ مِشِ سُفَندِشِ عِسَ شَ قٍ نَن سُشُ، وٌ نَشَ بِرَ وٌ قَتٍ بّندّ وَشْنقٍ قْشْ رَ.