1 وٌ شَ دَنشَنِيَتْي رَ سّنّ هَلِ عَ شَ دَنشَنِيَ مُ تِلِن. وٌ نَشَ عَ رَكِيتِ عَ شَ مَحْشُنيِ بِرِن شَ قٍ رَ. 2 مِشِ ندٍ نْمَ لَدٍ عَ رَ، عَ دٌنسٍ بِرِن رَدَشَشِ عَ بّ، كْنْ مِشِ فبّتّ نَشَن شَ دَنشَنِيَ مُ تِلِن، عَ نْمَ لَدٍ عَ رَ عَ سَنسِ بٌفِ فبَنسَن نَن نَدَشَشِ عَ بّ. 3 مِشِ نَشَن دٌنسٍ مْولِ بِرِن دٌنمَ، نَ مُ لَن عَ شَ عَ بٌورٍ رَحَاشُ نَشَن تٌندِ مَ دٌنسٍ ندٍ دٌنقٍ رَ. مِشِ نَشَن مُ سُبٍ دٌنمَ، نَ كَنيِ قَن مُ لَن عَ شَ عَ بٌورٍ مَكِيتِ نَشَن سُبٍ دٌنمَ، بَرِ مَ عَلَ نَ كَنيِ قَن نَسّنّمَ نّ. 4 ندٍ عِ قِندِشِ كِيتِسَ رَ مِشِ فبّتّ شَ كٌنيِ شُن مَ؟ عَ نَ تِ عَ مَرِفِ يَ عِ عَ شَ وَلِ شَ قٍ رَ، عَ شَن بَ، عَ مُ شَن بَ، نَ نَ عَ تَن نُن عَ مَرِفِ نَن تَفِ. عَنُن، عَ شَنمَ نّ، بَرِ مَ مَرِفِ عَلَ نْمَ عَ رَشَندٍ.

5 مِشِ ندٍ نْمَ لَدٍ عَ رَ عَ لْشْييٍ تِدٍ فبٌ عٍ بٌورٍ بّ، كْنْ مِشِ فبّتّ تَن بّ، لْشْي بِرِن لَن. كَنكَن لَشِ نَشَن نَ، عَ شَ لَ عَ رَ عَ بْحّ نَن يَتِ مَ. 6 نَشَن لَشِ عَ رَ عَ لْشْييٍ تِدٍ فبٌ عٍ بٌورٍ بّ، نَ كَنيِ لَشِ عَ رَ مَرِفِ نَن بّ. نَشَن دٌنسٍ مْولِ بِرِن دٌنمَ، عَ كَنيِ عَ رَبَمَ مَرِفِ نَن بّ، بَرِ مَ عَ تَنتُي رَ سِفَمَ عَلَ مَ عَ شَ بَلٌي شَ قٍ رَ. مِشِ نَشَن مُ دٌنسٍ ندٍ دٌنمَ، نَ كَنيِ قَن نَ رَبَمَ مَرِفِ نَن بّ، بَرِ مَ عَ قَن تَنتُي رَ سِفَمَ عَلَ مَ.

7 مِشِ يٌ فبٍ مُ عَ يّتّ رَ، كٍلِ يِ دُنِحَ، هَن لَاشِرَ. 8 شَ وٌن بَلٌ، شَ وٌن قَشَ، نَ بِرِن نَبَمَ مَرِفِ نَن بّ. شَ وٌن بَلٌشِ، شَ وٌن قَشَشِ، وٌن قِندِشِ مَرِفِ فبٍ نَن نَ، 9 بَرِ مَ عَلَ شَ مِشِ سُفَندِشِ قَشَ نّ، عَ مَن كٍلِ قَشّ مَ، عَلَكٌ عَ شَ قِندِ مِشِ قَشَشِيٍ نُن عَ بَلٌشِيٍ مَرِفِ رَ. 10 مُنقٍ رَ عِ تَن قَ عِ بٌورٍ مَكِيتِمَ؟ مُنقٍ رَ عِ عَ رَحَاشُمَ؟ وٌن بِرِن مُ قَمَ تِدٍ شّ عَلَ يَ عِ كِيتِ لْشْي؟ 11 عَ سّبّشِ كِتَابُي كُي،

13 نَ كُي، وٌن نَشَ وٌن بٌرٍ مَكِيتِ. وٌن شَ قٍ بِرِن نَن نَبَ عَلَكٌ وٌن نَشَ وٌن نفَشَكٍرٍنيِ رَتَنتَن. 14 ﭑ تٌ دَنشَنِيَشِ مَرِفِ عِسَ مَ، ﭑ عَ كٌلٌن، ﭑ مَن لَشِ عَ رَ، عَ دٌنسٍ يٌ مُ نَ نَشَن قِندِشِ دٌنسٍ سّنِيّنتَرٍ رَ. كْنْ شَ عِ شَشِلِ بَرَ سِيكّ دٌنسٍ ندٍ شَ سّنِيّنتَرٍحَ مَ، نَ بَرَ قِندِ عِ بّ سٍ سّنِيّنتَرٍ رَ. 15 شَ عَ سَ لِ عِ دٌنسٍ ندٍ دٌنمَ نَشَن عِ نفَشَكٍرٍنيِ تْورْ مَ، عِ مُ حّرّقٍ شَنُنتٍيَ شَ مَ. عِ شَ دٌنسٍ شَ قٍ نَشَ عَ نِيَ عِ نفَشَكٍرٍنيِ شَ فَن كِسِ رَ، عَلَ شَ مِشِ سُفَندِشِ قَشَ نَشَن مَ قٍ رَ. 16 نَ كُي، عَ مُ لَن مِشِيٍ شَ قٍ كٌبِ قَلَ سٍ ندٍ شَ قٍ رَ، نَشَن قِندِشِ عَ قَنيِ رَ وٌ بّ. 17 عَلَ شَ مَنفّيَ نِينِ مُ قِندِشِ دٌنسٍ نُن مِنسٍ قٍ شَ رَ. عَ قِندِشِ تِنشِنيِ نُن سّيوّ قٍ نَن نَ، عَلَ شَشِلِ سّنِيّنشِ سَابُي رَ. 18 مِشِ نَشَن وَلِمَ عَلَ شَ مِشِ سُفَندِشِ بّ يِ مْولِ رَ، عَ رَقَنمَ نّ عَلَ مَ، عَ رَقَن مِشِيٍ قَن مَ.

19 نَ كُي، وٌن شَ قٍ بِرِن نَبَ عَلَكٌ لَنيِ شَ لُ وٌن تَفِ، وٌن شَ وٌن بٌرٍ شَ دَنشَنِيَ سّنبّ سٌ. 20 عِ نَشَ عَلَ شَ وَلِ شُن نَكَنَ دٌنسٍ ندٍ شَ قٍ رَ. عَ نْندِ كِ مَ، دٌنسٍ بِرِن دَشَ، كْنْ عَ مُ لَن مِشِ يٌ شَ دٌنسٍ ندٍ دٌن نَشَن عَ نفَشَكٍرٍنيِ رَتَنتَنمَ. 21 هَلِ مِشِ مُ سُبٍ يٌ دٌن، عَ مُ وّنِ يٌ مِن، عَ مُ قٍقٍ يٌ رَبَ نَشَن عَ نفَشَكٍرٍنيِ رَتَنتَنمَ، نَ نَن قَن.

22 مَحْشُنيِ يٌ نَ عِ بّ يِ شَ قٍ رَ، عِ شَ عَ لُ عِ نُن عَلَ تَفِ. سّيوّ نَ مِشِ بّ نَشَن مُ عَ يّتّ رَتْنمَ عَ شَ مَحْشُنيِ سَابُي رَ. 23 كْنْ شَ مِشِ دٌنسٍ ندٍ دٌنمَ عَ سِيكّشِ نَشَن مَ قٍ رَ، نَ كَنيِ بَرَ كِيتِ كَنَ عَ يّتّ بّ، بَرِ مَ عَ بَرَ قٍ رَبَ عَ مُ لَشِ نَشَن نَ. مِشِ مُ لَشِ قٍ نَشَن نَ، نَ تَن بَرَ قِندِ يُنُبِ قٍ رَ عَ بّ.