1 وٌ وٌ تُلِ مَتِ يِ مَسٍنيِ رَ،

عَلَتَلَ نَشَن مَسٍنمَ عِسِرَيِلَكَيٍ بّ،

عَ شَبِلّ نَشَن نَمِنِ مِسِرَ بْشِ رَ.

2 «ﭑ وٌ تَن نَن فبَنسَن سُفَندِ دُنِحَ شَبِلّيٍ بِرِن يَ مَ.

نَ نَن عَ رَ، ﭑ عَ حَنِفٍشِ وٌ شَ حَشَنكَتّ سْتْ وٌ شَ يُنُبِيٍ شَ قٍ رَ.»

3 مِشِ قِرِن نْمَ حّرّ رَلَندٍ

شَ عٍ مُ لَنشِ نَ مَ؟

4 يّتّ عَ شُي رَ مِنِمَ وُلَ عِ

شَ عَ مُ سُبٍ ندٍ سْتْشِ؟

5 شْنِ فٌرٌ مَ يّلّ كُي

شَ دٌنسٍ مُ نَ يّلّ رَ؟

فَنتَنيِ نْمَ قُلَدٍ

شَ شْنِ مُ سُشُشِ عَ رَ؟

6 قٍرِ قٍمَ تَا ندٍ كُي حَمَ كُي مُ عِقُ؟

فبَلٌي تَا ندٍ لِمَ، شَ عَلَتَلَ شَ مُ عَ رَفِرِ؟

7 مَرِفِ عَلَتَلَ مُ قٍقٍ رَبَمَ،

عَ مُ عَ شَ فُندٌ مَسٍن عَ شَ كٌنيِ نَمِحْنمّيٍ بّ.

8 يّتّ نَ عَ شُي رَ مِنِ، ندٍ مُ فَاشُمَ؟

مَرِفِ عَلَتَلَ نَ وْيّن، ندٍ تٌندِ مَ نَ مَسٍندٍ؟

9 وٌ شَ يِ قَلَ عَسِدٌدِ يِرٍ مَكَنتَشِيٍ كُي،

وٌ مَن شَ يِ قَلَ مِسِرَ يِرٍ مَكَنتَشِيٍ كُي،

«وٌ شَ وٌ مَلَن سَمَرِ فٍيَيٍ قَرِ،

وٌ شَ عَ مَتٌ مّننِكَيٍ كْنتْقِلِشِ كِ نَشّ،

عَ نُن عٍ عٍ بٌورٍ تْورْ مَ كِ نَشّ.»

10 عَلَتَلَ شَ مَسٍنيِ نَن يَ؛

«عٍ مُ تِنشِنيِ يٌ كٌلٌن،

عٍ شَ قٍ حَاشِ نُن مُحّ شُن نَن تُن مَسَقٍ.

عٍ نَشَن سْتْمَ، عٍ نَ مَلَنمَ عٍ شَ يِرٍ مَكَنتَشِيٍ نَن كُي.»

11 مَرِفِ عَلَتَلَ نَشَن مَسٍن، نَ نَن يِ كِ.

«وٌ وٌ يَ رَبِ، وٌ يَشُي نَ قَقٍ وٌ شَ بْشِ كَنَدٍ.

عٍ قَمَ نّ وٌ شُن نَكَنَدٍ،

عٍ قَ وٌ شَ يِرٍ مَكَنتَشِيٍ كَنَ.»

12 عَلَتَلَ نَشَ عَ مَسٍن،

«يّتّ نَ يّشّي عِبْو،

شُرُ سٍ دّ مَدٌنيِ نْمَ يّشّي سَنيِ قِرِن،

شَ نَ مُ عَ رَ عَ تُلِ شُنتُنيِ رَكِسِدٍ يّتّ مَ.

عِسِرَيِلَكَيٍ قَن كِسِمَ نَ كِ نّ.

سَمَرِكَ نَشٍيٍ عٍ مَلَبُمَ سَدٍ مَ،

نَشٍيٍ عٍ مَفٌرٌ مَ دَ مَسِ مَفٌرٌ سٍيٍ كُي،

وٌ تَن مُ كِسِمَ.»

13 مَنفّ عَلَتَلَ شَ مَسٍنيِ نَن يَ؛

«وٌ وٌ تُلِ مَتِ ﭑ نَ،

وٌ نَ مَسٍن يَشُبَ بْنسْي بّ.

14 ﭑ نَ عِسِرَيِلَ حَشَنكَتَ

عَ شَ يُنُبِيٍ شَ قٍ رَ تّمُي نَشّ،

ﭑ مَن عٍ حَشَنكَتَمَ نّ عٍ شَ سّرّشّبَدٍيٍ شَ قٍ رَ نَشٍيٍ نَ بٍتٍلِ.

نَ سّرّشّبَدٍ سُشُسٍيٍ بِرَ مَ نّ بْشِ.

15 ﭑ مَن عٍ شَ بَنشِ تٌقَنيِيٍ رَبِرَ مَ نّ،

حّمّ نُن سٌفٌقُرٍ بَنشِ بِرِن،

نَشٍيٍ رَتٌقَنشِ سِلِ حِنيِ رَ.

ﭑ نَ بِرِن كَنَمَ نّ.»

عَلَتَلَ شَ مَسٍنيِ نَن نَ كِ.