1 عَلَتَلَ نَشَ عَ مَسٍن،

«مٌوَبَ شَ يُنُبِ رَبَشِ سَشَنيِ،

شَ نَ مُ عَ رَ نَانِ شَ قٍ رَ،

ﭑ مُ فبِلٍنمَ ﭑ مَ نَتّ قْشْ رَ.

عٍ بَرَ عٍدٌن مَنفّ شْرِيٍ فَن هَن عٍ بَرَ قِندِ شُبٍ رَ.

2 ﭑ تّ دِنمَ مٌوَبَ رَ نَ نَن مَ.

نَ تّ قَمَ نّ كٍرِيٌتِ يِرٍ مَكَنتَشِيٍ فَندٍ.

مٌوَبَ شَ قٍ حْنمَ فٍرٍ سْنشْي نَن كُي،

فٍرٍ قٍرِ قٍ شُي كُي.

3 ﭑ عٍ شَ كِيتِسَ شُنفبٍ هَلَكِمَ نّ

نُن عَ شَ كُنتِفِيٍ رَ.»

عَلَتَلَ شَ مَسٍنيِ نَن نَ كِ.

4 عَلَتَلَ نَشَ عَ مَسٍن،

«يُدَيَ شَ يُنُبِ رَبَشِ سَشَنيِ،

شَ نَ مُ عَ رَ نَانِ شَ قٍ رَ،

ﭑ مُ فبِلٍنمَ ﭑ مَ نَتّ قْشْ رَ.

عٍ بَرَ ﭑ مَ سّرِيّ مَتَندِ،

عٍ مُ ﭑ مَ يَامَرِيٍ سُشُ،

بَرِ مَ عٍ بَرَ عٍ يّتّ رَلْي لَقٍ رَ عَلَ وُلٍ دَاشِيٍ رَ،

عٍ بَبَيٍ لَ نَشٍيٍ رَ.

5 ﭑ تّ دِنمَ يُدَيَ رَ نَ نَن مَ.

نَ تّ نَن قَمَ دَرِ سَلَمُ يِرٍ مَكَنتَشِيٍ فَندٍ.»

6 عَلَتَلَ نَشَ عَ مَسٍن،

«عِسِرَيِلَ شَ يُنُبِ رَبَشِ سَشَنيِ،

شَ نَ مُ عَ رَ نَانِ شَ قٍ رَ،

ﭑ مُ فبِلٍنمَ ﭑ مَ نَتّ قْشْ رَ.

عٍ تِنشِنتْي مَتِمَ كْبِرِ رَ،

عٍ مِسِكِينّ مَتِمَ سَنكِرِ سَرٍ شَ قٍ رَ.

7 عٍ تْورْ مِشِيٍ شَ قٍ مَيٌ،

عٍ تٌندِ سٍتَرٍ شَ كِيتِ سَدٍ.

بَبّ نُن عَ شَ دِ، فِنّدِ مّدِ كٍرٍن مَسَمَ.

نَ كُي عٍ بَرَ ﭑ شِلِ سّنِيّنشِ رَ سْتْ.

8 عٍ دُفِ عِتَلَمَ عٍ نَشَن نَسُشُشِ سّيكّ رَ،

عٍ عٍ سَ نَ مَ سّرّشّبَدٍ قّ مَ.

عٍ وّنِ سْتْمَ تِنشِنتَرٍيَ رَ،

عٍ نَ مِن عٍ شَ عَلَيٍ شَ بَنشِيٍ كُي.»

9 «عٍ نَ قِنسِرِوَلِيَ بِرِن نَبَمَ ﭑ يَ عِ،

ﭑ تَن نَشَن عَمٌرِكَيٍ هَلَكِ عٍ بّ،

عَمٌرِكَيٍ نَشٍيٍ شُنفبٌ عٍ سّنبّ فبٌ عَلْ كٌندٍ بِلِ.

ﭑ نَشَ عَمٌرِكَيٍ قْشِ بِرِن بَ نَا،

عَلَكٌ عٍ نَشَ نْ سّنبّ سْتْدٍ سْنْن.

10 ﭑ مَن نَشَ وٌ رَ مِنِ مِسِرَ بْشِ رَ،

ﭑ قَ وٌ رَحّرّ حّ تٌنفٌ نَانِ بُن مَ فبٍنفبٍرٍنيِ مَ،

عَلَكٌ وٌ شَ عَمٌرِ بْشِ سْتْ.

11 ﭑ نَشَ نَمِحْنمّيٍ رَكٍلِ وٌ يَ مَ،

عَ نُن نَسَرِ سّفّتَلَيٍ نَشٍيٍ بَرَ قِ ﭑ مَ.

عِسِرَيِلَكَيٍ، عَ مُ نَ نَ كِ شّ؟»

عَلَتَلَ شَ وْيّنيِ نَن نَ كِ.

12 «كْنْ وٌ تَن بَرَ بٍيرٍ سٌ نَسَرِ مِشِيٍ يِ رَ.

وٌ بَرَ تْنيِ دْشْ نَمِحْنمّيٍ رَ

عَ عٍ نَشَ عَلَ شَ مَسٍنيِ مَسٍن.»

13 «ﭑ قَمَ وٌ بُتُشُندٍ نَ نَن مَ،

عَلْ كٌتٍ بِنيٍ عَ مَشَنِن سٍ بُتُشُنمَ كِ نَشّ.

14 مِشِ شُلُنشِ مُ نْمَ عَ فِدٍ.

سّنبّمَ سّنبّ بَمَ نّ عَ يِ رَ.

فٍرٍ سٌي قَشَمَ نّ فٍرٍ كُي.

15 تَنبّ وٌلِ مُ تِمَ.

نَشَن شُلُن عَ فِدٍ نَ سَنيِ مُ عَ بَمَ عٍ عِ.

سٌي رَفِ مُ كِسِمَ.

16 نَ لْشْي فٍرٍ سٌي سُو سَشِ عَ فِمَ عَ مَفٍلِ نَن نَ.»

عَلَتَلَ شَ مَسٍنيِ نَن نَ كِ.