1 عَلَ شَشِلِ تٌ فٌرٌ عٌدٍدِ شَ دِ عَسَرَيَ مَ، 2 عَ نَشَ سِفَ عَسَ يِرٍ، عَ عَ مَسٍن عَ بّ، «عَسَ، يُدَيَكَيٍ، نُن بُنيَمِنكَيٍ، وٌ وٌ تُلِ مَتِ ﭑ نَ. شَ وٌ بِرَ عَلَتَلَ قْشْ رَ، عَ قَن نَ وٌ قْشْ رَ. شَ وٌ عَ قٍن، وٌ عَ تٌمَ نّ. كْنْ شَ وٌ عَ رَبٌلٌ، عَ قَن وٌ رَبٌلٌمَ نّ. 3 حّ وُيَشِ عِسِرَيِلَ مُ عَلَ حِحّ قٍن. سّرّشّدُبّ مُ نُ نَ نَشَن عٍ شَرَنمَ. سّرِيّ مُ نُ نَ بْشِ مَ. 4 كْنْ عٍ شَ تْورّ كُي، عٍ نَشَ فبِلٍن عِسِرَيِلَ مَرِفِ عَلَتَلَ مَ. عٍ تٌ عَ قٍن، عَ نَشَ تِن عٍ شَ عَ تٌ. 5 نَ وَشَتِ مِشِ مُ نُ حّرّ مَ بْحّسَ كُي، بَرِ مَ قٍ شْرْشْي نُ نَ بْشِ بِرِن مَ. 6 سِيٍ نُ عٍ بٌورٍ فٍرٍ مَ، تَايٍ نُ عٍ بٌورٍ فٍرٍ مَ. عَلَ نَن نَ تْورّ مْولِ بِرِن نِيَشِ عٍ رَ. 7 كْنْ وٌ تَن، وٌ وٌ سّنبّ سٌ، وٌ وٌ تُننَبّشِ، بَرِ مَ وٌ شَ وَلِ سَرٍ قَمَ نّ رَفبِلٍندٍ وٌ مَ.»

8 مَنفّ عَسَ تٌ عَننَبِ عٌدٍدِ شَ نَمِحْنمّ مَسٍنيِ مّ، عَ نَشَ لِمَنِيَ، عَ قَ كُيٍ بِرِن كَنَ يُدَيَ نُن بُنيَمِن بْشِ مَ، عَ نُن عَ تَا نَشٍيٍ مَسْتْ عٍقِرَ مِ فٍيَ يِرٍ. عَ مَن نَشَ عَلَتَلَ شَ سّرّشّبَدٍ يَءِلَن، نَشَن نُ نَ هْرْ مْبَنشِ يَ رَ. 9 عَ نَشَ يُدَيَكَيٍ نُن بُنيَمِنكَيٍ بِرِن مَلَن، عَ نُن شْحّ نَشٍيٍ كٍلِشِ عٍقِرَ مِ، مَنَسِ، نُن سِمٍيْن بْنسْييٍ شَ بْشِيٍ مَ. كَبِ عٍ نَشَ عَ تٌ مَرِفِ عَلَتَلَ نُ نَ نٍيٍ سّيتِ مَ، شْحّ فبٍفبٍ نَشَ كَقُ عٍ مَ كٍلِقٍ عِسِرَيِلَ بْشِ مَ. 10 نَ مَلَنيِ رَبَ دَرِ سَلَمُ نّ كِكٍ سَشَن ندٍ عَسَ شَ مَنفّيَ حّ قُ نُن سُولِ ندٍ رَ. 11 نَ لْشْي عٍ نَشَ شُرُ سٍ شُنفبٍ كّمّ سٌلٌقٍرٍ نُن شُرُ سٍ لَنمَ وُلُ سٌلٌقٍرٍ بَ سّرّشّ رَ عَلَتَلَ بّ. عٍ نٍيٍ سْتْ نَ فٍرٍ نَن كُي. 12 عٍ نَشَ نَتّ تٌنفٌ عٍ شَ عٍ بَبَيٍ مَرِفِ عَلَتَلَ قٍن عٍ بْحّ نُن عٍ نِي بِرِن نَ. 13 مِشِ يٌ تٌندِ عِسِرَيِلَ مَرِفِ عَلَتَلَ قٍندٍ، نَ كَنيِ لَن نّ عَ شَ قَشَ، دِ مّدِ يٌ، قٌرِ يٌ، شّمّ يٌ، شَ نَ مُ فِنّ. 14 عٍ نَشَ عٍ رَكَلِ عَلَتَلَ رَ عٍ شُي عِتٍشِ رَ، عٍ قَ سَرَيٍ نُن قٍرِ قٍ. 15 يُدَيَكَيٍ بِرِن نَشَ سّيوَ يِ مَرَكَلِ رَ، بَرِ مَ عٍ عَ رَبَشِ عٍ بْحّ بِرِن نَن نَ. عٍ نُ بَرَ عَلَتَلَ قٍن سْوبّ رَ، عَ تَن نَن بَرَ تِن عٍ شَ عَ تٌ. عَلَتَلَ نَشَ بْحّسَ لُ عٍ شَ بْشِ بِرِن مَ.

16 مَنفّ عَسَ مَن نَشَ عَ مَمَ مَاكَ تِدٍ مَفٌرٌ، بَرِ مَ عَ نُ بَرَ عَسٍرَ كُيٍ يَءِلَن. عَسَ نَشَ عَ شَ كُيٍ يٍنسٍن، عَ قَ عَ فَن سٍدِرٌن فُلُنبَ كُي. 17 كْنْ هَلِ عَسَ تٌ نُ بَرَ عَ يّتّ قِ عَلَتَلَ مَ عَ شَ سِمَيَ بِرِن كُي، عَ مُ فّ كُيٍ بَتُدٍيٍ بِرِن كَنَدٍ عِسِرَيِلَ فٍيَيٍ قَرِ. 18 عَ نَشَ فبٍتِ، شّيمَ، نُن سٍ فبّتّيٍ رَ سٌ عَلَ شَ بَنشِ كُي، عَ تَن نُن عَ بَبَ نَشٍيٍ قِشِ عَلَ مَ. 19 فٍرٍ يٌ مُ لُ عِسِرَيِلَ بْشِ مَ، هَن عَسَ شَ مَنفّيَ حّ تٌنفٌ سَشَن نُن سُولِ ندٍ.