1 عَسَ نَشَ قٍ قَنيِ رَبَ تِنشِنيِ كُي عَ مَرِفِ عَلَتَلَ يَ شْرِ. 2 عَ نَشَ سّرّشّبَدٍيٍ كَنَ يِرٍ عِتٍشِيٍ كُيٍ نُ بَتُمَ دّننَشّ. عَ مَن نَشَ كُيٍ فّمّيٍ نُن عَسٍرِ وُرِ مَسٌلِشِيٍ كَنَ. 3 عَ نَشَ عَ قَلَ يُدَ بْنسْي بّ عَ عٍ شَ عٍ بَبَيٍ مَرِفِ عَلَتَلَ قٍن، عٍ شَ عَ شَ سّرِيّ نُن عَ شَ يَامَرِيٍ رَبَتُ. 4 عَسَ نَشَ كُيٍ بَتُدٍ بِرِن كَنَ يُدَيَ بْشِ مَ، عَ نُن سّرّشّبَدٍيٍ سُرَيِ نُ فَنمَ دّننَشّ كُيٍيٍ بّ. عَ شَ مَنفّيَ لُ نّ بْحّسَ كُي عَ شَ وَشَتِ. 5 عَ نَشَ تَا مَكَنتَشِيٍ تِ يُدَيَ، بْحّسَ نُ نَ بْشِ بِرِن مَ. فٍرٍ يٌ مُ نُ نَ نَا نَ حّيٍ بُن مَ عَلَتَلَ سَابُي رَ. 6 عَسَ نَشَ عَ قَلَ يُدَيَكَيٍ بّ، «وٌن شَ يِ تَايٍ يَءِلَن عَلَكٌ عٍ شَ سّنبّ سْتْ. وٌن شَ تّتّيٍ نُن وُرٍ نَادّ تِ. هَن يَ يِ بْشِ قِندِشِ وٌن فبٍ نَن نَ، بَرِ مَ وٌن بَرَ وٌن مَرِفِ عَلَتَلَ قٍن. نَ بَرَ عَ نِيَ وٌن شَ لُ بْحّسَ كُي يِ وَشَتِ.» نَ كُي عٍ نَشَ بْنبْ وَلِ رَ، نَ بِرِن نَشَ سْونّيَ.

7 يُدَيَ سْورِ شّمّ وُلُ كّمّ سَشَن نُ نَ عَسَ يِ رَ. وُرٍ لٍقَ شُنفبٍيٍ نُن تَنبّيٍ نُ نَ عٍ يِ رَ. بُنيَمِن سْورِ شّمّ وُلُ كّمّ قِرِن تٌنفٌ سٌلٌمَسَشَن قَن نُ نَ. وُرٍ لٍقَ لَنمَدِيٍ نُن شَلِيٍ نُ نَ عٍ يِ رَ. عٍ بِرِن قِندِ فٍرٍ سٌ حَلَمَيٍ رَ.

8 سٍرَ كُسِكَ نَشَ مِنِ عٍ فٍرٍدٍ سْورِ فَلِ رَ. سْورِ رَفِسٍ كّمّ سَشَن نُ نَ عٍ يِ رَ. عٍ نَشَ سِفَ هَن مَرٍ سَ. 9 عَسَ قَن نَشَ سِفَ نَا عٍ فٍرٍدٍ. عٍ بِرِن نَشَ تِ فٍرٍ كِ مَ سّقَتَ فُلُنبَ مَرٍ سَ مَبِرِ. 10 عَسَ نَشَ عَ مَرِفِ عَلَتَلَ مَشَندِ، «عَلَتَلَ، عِ مَنِيّ مُ نَ نَشَن نْمَ سّنبّتَرٍ مَلِدٍ سّنبّمَيٍ يَ عِ. مُشُ مَرِفِ عَلَتَلَ، عِ شَ مُشُ مَلِ. مُشُ بَرَ مُشُ شَشِلِ تِ عِ رَ يِ فٍرٍ شُنفبٍ شَ قٍ رَ. عَلَتَلَ عِ تَن نَن نَ مُشُ مَرِفِ عَلَ رَ. عِ نَشَ تِن مِشِ يٌ شَ نْ عِ رَ.»

11 عَلَتَلَ نَشَ كُسِكَيٍ بْنبْ عَسَ نُن يُدَيَكَيٍ يَ شْرِ، عٍ نَشَ عٍ فِ. 12 عَسَ نُن عَ شَ سْورِ فَلِ نَشَ بِرَ عٍ قْشْ رَ هَن فٍرَرَ. كُسِكَ فبٍفبٍ نَشَ قَشَ. عٍ مُ نْ عٍ يّتّ سْتْدٍ سْنْن، بَرِ مَ عَلَتَلَ نُن عَ شَ سّنبّمَيٍ نُ بَرَ فّ عٍ شُن نَكَنَدٍ. يُدَيَكَيٍ نَشَ هَرِفٍ فبٍفبٍ شَنِن. 13 عٍ نَشَ تَايٍ بِرِن كَنَ فٍرَرَ رَبِلِنيِيٍ، بَرِ مَ مّننِكَيٍ مُ سُو سَ عَلَتَلَ يَ رَ. عٍ نَشَ هَرِفٍ فبٍفبٍ بَ عٍ يِ رَ بَرِ مَ بَننَيَ نُ نَ مّننِ كِ قَنيِ رَ. 14 عٍ نَشَ شُرُ سٍ كَنيِيٍ قَن سُشُ، عٍ شُرُ سٍيٍ نُن حْشْمّيٍ بَ عٍ يِ رَ، عٍ فبِلٍن دَرِ سَلَمُ.