1 Mmanung'unumunu, malotelo amuntima mwangu na kujugwa kwangu kwaninjugwa Nnungu ni kulota vanavo vaambwalegwe. 2 Mwenu, nangu ninkumya ushuda kwavanavo kenga vankuvanavo dukuduku kwa Nnungu kanji dukuduku yave hainava shinu yalimanyilo 3 mwaa vàvele mukutikinanga ishaliya yake Nnungu na valambela vabuni ishaliya yavo vo vene havalivikile mwina mwaishaliya ailá ya Nnungu. 4 Doni, mwisho walilamulo ni Klistu kwambangidya ipagwe ishaliya kwa aijá uti ákulupila.

5 Mwenu, Musha ankwandika kwaing'ano yaishaliya yalakéla mulilamulo, “Munu átandedya vinu avi, andanama kwaindila yavyanavo.”* Lola Valawi 18:5; Neemiya 9:29; Eshekieli 20:11, 13, 21. 6 Kanji ishaliya yalakéla mulikulupililo inkushidoni, “Haunatangole shintimatima, ‘Nyani álota kukwela kuwa?’ ” yani amwidenavo Klistu pai 7 kwali, “ ‘Nyani álota kushuluka kulitavaleva?’ ” yani amwidenavo Klistu pashanya 8 kanji inkushidashi? “Lilove linkupagwa pepi namu wako, linkupagwa nkanywa mwako na muntima mwako,”† Lola Kumbukumbu 30:11-14. Nnungu pavapele lilamulo vanaishilaeli andívaulila kenga “Hamunatangole doni, ‘Nyani álota kukwela kwali kwamboka imanga kuka ndatwala lilamulo?’ ” Shatangaladile davo mwaa nae andívapa lilamulo tayali. Apa Paulu ankutangola shinu shosho doni, kulingana kenga mo mwaumididye lilamulo Nnungu, apa andimumya Klistu. yani lilove lyalikulupililo lyatuvalanganga. 9 Mwaa ikava kenga wako undaang'ula kwaikanywa yako kenga Yesu ni Umu na undakulupila kwantima wako kenga Nnungu anindyuwa pakati pavakupela, undaambwalegwa. 10 Doni, kwa wo ntima, munu anakulupila kutwala kupata ishaliya na kwa yo ikanywa, munu andaang'ula kutwala kwambolegwa. 11 Kenga mwatangalela Maandiko, “Aijá ánkulupila nae, hatutala.”‡ Lola Ishaiya 28:16. 12 Mwaa hakupali kuvilingananga pakati pavayuda na vamidi pakuva Umu jojo ni Umu wavanu uti avaalaliya uti avalá vantambulánga nae 13 mwaa “uti aijá átambulanga lina limwe Umu, andaambwalegwa.”§ Lola Yoweli 2:32.

14 Napane valota kuntambulanga dashi aijá wávakankulupidile? Na valota kunkulupila dashi aijá wávakamwigwite vammalanganga? Na valota kwigwa dashi akapali munu ávavalangangidile? 15 Na valota kuvalanganga dashi vakatumigwidye? Kenga indyandikigwa, “Kwalala dashi madodo a avalá vavalangánga ntenga wavinu vyambone!”** Lola Ishaiya 52:7; Naumu 1:15. 16 Kanji i uti vaigwilíla ntenga wambone mwaa Ishaiya ankushidoni, “Umu, da nyani ákulupidile dyabali dyetu?” 17 Nadoni likulupililo linkwaloka mukwigwa na kwigwa kunkwalakela kwaindila yalilove lyake Klistu. 18 Kanji nangu ninkudya, da vanavo havaigwite? Elo, vandigwa.