1 Ninkutangola mwiu nkati mumwe Klistu hangunashang'apa shinu, makumbukililo angu amuntima aumya ushuda kwangu nangu nkati mu Imumu Wanashwe 2 kenga ninkuvanavo shipalodi shikumene na mauvilo ákamalilika muntima mwangu. 3 Mwaa ndikandilota ata nene nimwene ngupate dilana na ngwapukanangenavo Klistu kwamwaa wavanung'unumunu vàvele vakwetu kwashimunu. 4 Vanavo ni vanaishilaeli; vyavanavo ni kuva vanamunu, lishangelo, dimbodi, kupata kwalilamulo, kulipudya mwing'ande yake pamo na vyakulivikila. 5 Kwavanavo vanyakalamunu vàve na kwashimunu ni kwálakadile aijá Klistu, aijá ávele pashanya pavinu uti, Nnungu átumbyangilika ngwengwe! Ame.

6 Kanji napanelo i do lilove lyake Nnungu lindikoweka mwaa i uti udukulu umwe Ishilaeli ni vanaishilaeli, 7 na ata i pakuva udukulu umwe Abulaamu vanavo uti vankuva vanavake kanji, “Kwaindila imwe Ishaki vandashamegwa kuva udukulu wako.”* Lola Kutunduvanga 21:12. 8 Kwashitangodi shinji, i vana vashimunu ni vanavake Nnungu kanji ni vana vakulivikila vavalangilígwa muudukulu 9 mwaa lilove lyakulivikila ni ali, “Muwakati wowo au mwakaluno ndaida kavili na Shalaa andavanavo mwana nnume.”† Lola Kutunduvanga 18:10. 10 I avi gweka kanji Labeka momo paimite shitumbo shavana vavili na nnume jumo, tatagwetu Ishaki, 11 vana vo vakanava kuvalekwa na ata vakanava kutenda wambone kwali wakunyata, mwenu pakulota shabaa yake Nnungu yakutandola yuke mushu i kwamwaa washimadengo kanji kwamwaa umwe aijá áshema, 12 nae vandímwaulila, “Nang'olo anantumika ndyoko.”‡ Lola Kutunduvanga 25:23. 13 Kenga indyandikigwa, “Yakobo ninnagwaledya kanji ninnyatila Ishau.”§ Lola Malakiya 1:2, 3.

14 Napane tuushidashi? Da Nnungu jo ni waungave-shaliya? Ata padyoko vela! 15 Mwaa nae animwaulila Musha doni, “Namwanangila shididi aijá waninnota nimwanangile shididi na nantanana aijá waninnota nintanane.”** Lola Kuma 33:19. 16 Napavedoni, ashi shinkunanapela i kwa aijá álota kwali kwa aijá álikanyalidya kanji kwa aijá áanangila shididi, Nnungu. 17 Mwenu, Maandiko andimwaulila Palao, “Ni ashi shingutadídye ndikukwedye wako kwambangidya dashi nkati mwako ngulodye dimongo dyangu na pakulota livalangangigwe lina lyangu mushilambo uti.”†† Lola Kuma 9:16. 18 Napavedoni aijá wannota nae, ankumwanangila shididi na aijá wannota nae, ankunnanopya ntima.

19 Napane unangudya doni, “Mwaa shani Nnungu mpaka ambi ankutupa makosha? Da nyani álota kutaukanga malotelo ake?” 20 Leka apo, wako umunu unyani wakutaukananga namu Nnungu? Da inkuululika ashilá shavaumbile kutwala kumwaulila aijá áumbile doni, “Mwaa shani unguumbile doni?” 21 Da nkúmba havenavo aki yaulongo, mulikamu lyolyo kumba shombo shaishima kwali shíkave ishima?

22 Napane ilota kuva dashi ikava kenga Nnungu palota kulilodya shitundi na palota dimongo dyake dimanyike andilipililila kwaupole kwa avilá vyombo vyamushitundi shake vyapanganienge kwambangidya dashi vibamalegwe 23 pakulota uumbala walishangelo lyake umanyike kwavyombo avilá vyamushididi shake vyapanganienge kaladavo kwalishangelo, 24 ata mpaka wetu momo túshamagwidye i gweka pakati pavayuda kanji namomo pakati pavamidi. 25 Amu ni kenga mwatangaladile nkati mu Osheya:

30 Napane tuushidashi? Doni vamidi vákashivingilidya kuvalangiligwa ishaliya vandipata kuvalangiligwa ishaliya, ishaliya yoyo yalakéla kwaindila yalikulupililo 31 kanji vanaishilaeli váshoodedya lilamulo pakulota vavalangiligwe ishaliya, havapatile. 32 Mwaa wanyamani? Mwaa havashoodedya kwalikulupililo kanji vashoodedya kenga paikavéle kwashimadengo. Vanavo vandilikuvala mulijanga lyakulikuvala. 33 Kenga mwatangalela Maandiko,