1 Hagi amanage hu'na nehue, Anumzamo'a Agra'a vahera avesra huzmantenefi? I'o anara osugahie. Na'ankure nagranena Israeli nere, Benjamini nagapinti Abrahamu negehone. 2 Anumzamo'a Agra'a vahe korapa huhampri'zmante'nea vahekino ozmatre'ne. Ontahi'nazafi mono Avontafe'moma kasnampa ne' Ilaijanku'ma hu'neana? Ilaija'a Israeli vahekura amanage huno Anumzamofontega nunamuna hu'ne, 3  Ramoke, kasnampa vahe'ka'a zmahe nefriza, kre'sramna vu itaraminka'a tgana vazinetre'za, nahe frinaku nagrake mni'noge'za nehakraze. (1 Kin 1:10) 4 Hu'neanagi na'ane huno Anumzamo'a ke nona'a huntene? 7 tauseni'a vahera, Bali havi anumzantera zmarena reza mono huonte'namokizmia zmazeri frakuge'za mni'naze. (1 Kin 19:18)

5 E'inahu kna menina hu'ne. Maka Israeli vahe'mo'za Anumzamofona zmagena humizafinti, osi'a naga Anumzamo'a asuragi zmanteno huhampri zmantenemo'za mni'naze. 6 Hagi Anumzamo'ma asunku huzmanteno huhamprima zmantene'sniana, e'i eriza enerizazante anara osu'ne. Hagi eri'za enerizazantema huhamprima zmante'simpga asuntagizamo'a, asuntagizana omnesine.

7 Hagi na'a fore hu'ne? Israeli vahe'mo'za fatgo vahe manisune hute'za ana'ana hu'za vu'nazanagi, fatgo vahera osenazanagi, huhamprima zmante'nea vahe'mo'za fatgo vahera sazageno, ruga'amokizmia zmarimpamo'a hanavetige'za, Anumzamofo kea ontahi'naze. 8 Avontafepi krenteneana, Anumzamo'a zamazeri zmavutoko hu avamu nezmino, zmavua onke'sazegu reso nehuno, ke ontahisazegu zmagesa renknirege'za, ontahiza manime e'za ama knare ehanati'naze. (Diu-Kas 29:4, Ais 29:10) 9 Hagi Devitia amanage huno hu'ne, Zmatrenkeno rama'a ne'zama ne tratema eri atru huno nezamo'a, kukomo zmazeria kna nehuno, zmagigo zmi havere tanafa hazankna nehina mizazmia eriho. 10  Zmatregeno zmurgamo'a hanintiri nehinke'za nonkeza, zmagenamo fagagina pri hute'zage maka kna mniho. (Sam-Zga 69:22-23)

11 Mago'ane zmantahinegoe, Israeli vahe'mo'zama tanafa hu'za traka hu'nazana ete oraotinaku traka hu'nazafi? I'o trakama hu'nazana otigahaze. Hu'neanagi Anumzamofo zmefi humiza nona'a, Anumzamo'a megia vahe'mokizmia havi avu'ava'zampintira zmaresige'za, Israeli vahe'mo'za megi'a vahera knive rezmantegahaze. 12 Hagi Israeli vahe'mo'za kumi'ma hu'nazazamo, kokankoka vahetega marerisa asomura vu'ne. Trakama hu'naza zamo'a marerisa asomura megi'a vahe'mokizmia huzmantene. Hu'neanagi Israeli vahe'mo'za Anumzamofoma zmefima huomizasina, inanknahu asomu kokankoka vahe'mo'za erizasine.

13 Ana maka kema nehuana, megi'a vahe'mota tamagriku nehue. Anumzamo'a megi'a vahe'mokizmi aposol manio huno huhampri'nantenegu ama ana eri'zamo'a nagripina kota eri'zani'a me'ne. 14 Mago'a kankamumpinti megi'a vahe'mota tamagripi eri'zani'a enerisugeno, Jiu vahe'nimo'za kniveneresageno, zmahoke ahesiegu nehue. 15 Na'ankure Israeli vahe'mo'za Anumzamofo zmefi humiza zamo, kokankoka vahera Agrane zmazeri mago zmarimpa hu'ne. Hagi inankna hugahie Israeli vahe'ma Anumzamo'ma ete zmaresnia zamo'a, e'i fripinti oti'za zmasimu erizankna hugahaze! 16 Bretima krenaku heru'ma anteneza anampintima esera refko hu'za kre'za Anumzamofoma nemisageno'a, ana maka herunte'naza bretimo'a ruotage hugahie. Zafa'mofo rafunamo'ma ruotgema hu'nenkeno'a, ana maka azankunamo'enena ruotge hugahie.

17 Hu'neanagi olivi zafa'mofo mago'a azankuna'aramina hantgi zmatreno, tmagrira afi olivi zafa'mofo azankuna'a mni'nazageno, tmavreno olivi zafare rukamrermantegeta amunozmifi mni'neta, zamagrane knare msavena agafafinti enerize. 18 Hu'negu tamagra azankuna'a mni'none hutma rantmagia e'oriho. Na'ankure tamagra rafunamofona aza nosazanki, arfunafinti tmaza hu'zana enerize. 19 Tamagra anage hugahaze, tagri rukamre'rantesnigu azankuna'aramina hantgi zmatrene. 20 E'i tamage, Jiu vahe'mo'za zmentinti osazagu hantgi nezmatreno, megi'a vahe'mota tamentinti hzagu tmazeri rukamre rmantene. Tamagra'agura antahisga osutma, Anumzamofonku koro hunteho. 21 Na'ankure Anumzamo'ma olivi zafamofo azankuna'a eri hantgima zmatrenesuno'a, tamagri enena tmatresigeta omnigosaze. 22 E'ina hu'negu Anumzamofo fru avu'ava ene hihamu avu'ava'anenku tamagesa antahiho. Trakama hzamokizmia Anumzamo'a zmazeri haviza neheie. Hianagi tamagrira fru avu'ava hurmantegahie. Tamagrama Anumzamofo fru avu'avazma huta ovnageno'a, ru tamagri enena ana zanke huno hantgi tamatregahie. 23 Hagi Israeli vahe'mo'za zmentinti osu zmavuzmavapinti zmagu'a rukrehe hanageno'a, ete Anumzamo'a ana azankunara erino zafarera rukamregahie. Na'ankure Anumzamo'a amne anara huga hu'neankino, amne anara hugahie. 24 Na'ankure tamagra afi olivi zafamofo azankuna'a mni'nazageno, taga huno olivi zafa fatgore rukamreramanteneakino, Olivi zafa azankuna'a erino ete olivi zafa fatgorera rukamre zmantesigeno'a, knarezantfa hugahie.

25 Nafuhetane nasaraheta, ama oku kea antahini hnazegu nagrira nave'nesie. Antahi'zantmifina antahizane vahe' mni'none huta rantmagia e'oriho. Mago'a Israeli vahe'mokizmi zmarimpamo'a erigineankino, mani'nenageno Anumzamo'a megi'a vahera zmavregahie hu'neama'a efregahaze. 26 Anumzamo'a ana maka Israeli vahera eteno zmavregahie, Anumzamofo avontafepi krentenea kante, Vahe'ma knazampintima zmavre nera, Saioniti egahie. Agra Jekopu nagapintira Anumzane tragoteno omni avu'avazana emeri atregahie. 27  Koma Nagrama huvempa huhagerafi kema huzmante'noa kemofo amage antena, kumi'zmia eritre zmantegahue hu'ne. (Ais 59:20-21)

28 Israeli vahe'mo'za Anumzamofo ha' vahekna hu'nazageno, knare musenkemo'a megi'a vahemotarega ne-e. Hianagi zamagrira huhampri zmante'neankino, zmesizmentene. Na'ankure zmagehemofonku huno zmesizmantene. 29 Na'ankure Anumzamo'ma muse'zama zmi'nea vahepintira, ete ana zana e'origahaze. 30 Korapara tamagrama megi'a vahe'mota Anumzamofo kea amagera ontenazanagi, Anumzamofo kema Israeli vahe'mo'za menina ontahizageno, Anumzamo'a tmagrira asuragi tmantene. 31 Ana hu'negu Jiu vahe'mo'za Anumzamofo kea amagera ontazageno, Anumzamofo rimpa fruzamo'a megi'a vahe'mota tmagrite e'neankino, ana hukna huno tamagritera ete vugahie. 32 Anumzamo'a maka vahe'mokizmi asuragizmantenaku ana maka'mokizmi zmatrege'za ke ontahi avu'avazamifi, kina hu'za mani'naze.

33 Iza Anumzamofo marerisa fenozama'agi, antahizama'agi, knare antahintahizama'a refko huno kegahie? Anumzamofo knare antahintahizama'ane avu'avazama'a refako huta antahiamara huga osu'none.

34  Iza Ramofo antahi'zana antahino keno hu'ne? Hifi iza antahintahi'amo agaterenesigeno Ramofona antahintahia amigahie? 35  Hagi iza Ramofona esera agatereno razana ami'nesigu, ete Ramo'a nona huno mizasentegahie? (Jop 35:7)

36 Na'ankure Agripinti ana maka zamo'a fore nehuno, Agri hankavefi mikozamo'a me'ne. Miko zupa Ragi Agra erivava hanie, Tamage.