1 Hanki kini trate mani'nea Ne'mofo tmaga azampine agu'afine amefiga'anena, avo krente'nea avontafera, 7ni'a fukinu rekamrentenegena ke'noe. 2 Ana higena kogeno hanavenentake ankeromo ranke huno anage hu'ne, Iza knarera hu'nenimo, ama fukima rekamrentenea avontafera erignopeno erivaka regara hu'ne? 3 Hanki monafi mni'nesimo'o, mopafi mni'nesimo'o, mopa agu'afi mni'nesimo'a, mago'mo'e huno ama ana avontafera erivaka orege, agu'afina erivakareno kegara osu'ne. 4 Ana hige'na krafage hu'na zavira ate'noe, na'ankure mago'mo'e huno ana avontafera eri vaka orege, agu'afina kegara osu'negene. 5 Ana 24'a elda kva vahepinti mago'mo anage huno nasamine, zavira otenka ko! Juda naga'nofipinti Deviti negeho ha'ma agaterenea Laionimo, Agra 7ni'a fukina eriganopega hu'neankino ana avontafera erivakarega hu'ne.

6 Anante kogeno mago sipisipi anentamo'a kini tramofone, 4'a kasefa hu'za zmasimuma ante'za mni'naza zgaramimofo amunompi oti'nege'za, 24'a elda kva vahe'mo'za regorave hunte'naze. Ana sipisipi anentara korapa ahenaza sipisipi anenta kna hu'ne. Ana sipisipi anentamofona 7ni'a pazive huntegeno, 7ni'a avurga hunte'neankino, e'i ana avurgamo'a Anumzamofo 7ni'a avamutaminkino, maka kaziga mopafi huzmantege'za nevaze. 7 Hagi Agra vuno tratema mni'nemofo tamaga azampintira avontafera omeri'ne. 8 Hagi ana sipisipi afu anentamoma avontafe'ma omenerige'za, 4'a zmasimu eri'za mni'naza zgaraminki, 24'a elda kva vahe'mo'za, sipisipi anentamofo agafi zmarenare'za magoke magoke'mo'za zavena (harp) erine'za, zmente zmente mananentake'zama kre sramnavu'za mevite'nea korire zuompa erinazana, e'i anazana Anumzamofo nagamofo nunamune. 9 Hagi zmagra kasefa zgame nehu'za anage hu'naze, Kagra avontafera erinka rekamrente'naza fukintamina eriganopega hu'nane. Na'ankure Kagrira kahe frizagenka koranka'anu, mika nofi nagapinti'ene, zmagerupinti'ene, vahepinti'ene, mopafi vahera mi'za sezmante'nane. 10 Kagraka'a kumaka'afi huhampri zmantanke'za, kinimofo prisi vahe tro huza manizankiza, zamagra ama mopafi veara kegva hu'za manigahaze. 11 Anantera nege'na nentahugeno, rama'a ankero vahe'mo'za kini tramofona regagine'za, kasefa hu'za mni'naza zgamo'zane, 24'a elda kva vahe'mo'zane, tusi'a hampriga osuga'amo'za, 12 ranke hu'za anage hu'naze, Agri'ma ahazageno fri'nemo, hanavene so'e feno'zane, knare antahizane, himamu hanavene, husga huno ra agia ami'zana Agrake erigahie. 13 Hanki maka'zama tro huzmantege'za zamasimu ante'za monafine, mopafine mopamofo agu'afi mni'naza zgamo'zane, hagerimpi mani'naza zgamo'za, nentahuge'za anage hu'za, Kini trate'ma mani'nemo'ene sipisipi anentamo'a asomu'ene ra agine, kegvamahu hanavemo'a, Znagrite mevava hugahie hu'za hu'naze. 14 Kasefa hu'za mni'naza 4'a zgamo'za tamage hu'za huvava nehazageno, 24'a elda kva vahe'mo'za zmarenare'za mono huznante'naze.