1 Jisasi'ma mono kuma'ma atreno nevige'za, amage'ma nentaza disaipol nagamo'za ra mono nontami eme averisagu e'naze. 2 Hianagi zamagriku anage Jisasi'a hu'ne, amama me'nea nontamina negazafi? Nagra tamage hu'na neramasmue, mago havemo'e huno mago havemofo agofetura omanetfa hugahie. Ana miko'mo'a tagnavazi ramigahie.

3 Olivi agonarema vuno unemnige'za amage'ma nentaza disaipol nagamo'za, zmagra'agu e'za Jisasina eme antahige'za, nazupa kema hanazana fore hugahifi tasamio. Kagrama eku'ma nehnankeno'ene, ama mopama vgareku'ma hanigeno'a, nankna avame'za fore hugahie? Hu'za hu'naze. 4 Jisasi'a ke'nona zamirera anage hu'ne, mago'a vahe'mo'za havi kante tmavare'za vuzankura kva hiho. 5  Na'ankure rama'a vahe'mo'za, Nagri nagihe'za, tagra kraisigate nehu'za rama'a vahe'zga zmazeri savri hugahaze. 6  Ha'mofo nanekea nentahitma, ha'mofo agigenkea antahigahazanagi tamagra korera osiho. Na'ankure amanahu'zana amne fore hugahie. Hianagi mopa vgarekna zahufa ne-e. 7  Na'ankure mago rankuma nagamo'za, oti'za mago rankuma nagara ha' huzmantenkeno, mago kini ne'mofo nagamo'za otino mago kini nemofo nagara hara huzmantenkeno, agate'zamo ene iminkomo hakare kaziga tusi'za hugahie. 8  Hianagi ana maka zama fore haniana, mofavre ksenteku'ma eneria kna ataza ama erigafa nehie.

9  Henka'a, ha' vahete tmagrira tamavare'za vnage'za tamata neramiza tamahe frigahaze. Hakare kuma'mo'za tusi'za hu'za zmavesra huramantegahaze. Na'ankure Nagri nagireku hu'za ana huramantegahaze. 10  Ana knafina hakare'mo'za zmentintia atre'za vu'za, komoru ohunte ahunte nehu'za, zamavesra ohunte ahunte nehu'za, 11  hakare havi kasnampa vahetami fore hu'za mika vahera havigante zmarentegahaze. 12  Hagi na'ankure ke ontahi'zamo'a ame'namepi agatereno marenerinkeno, hakare vahe'mofo avesinte avu'avazamo zasi hugahie. 13  Hu'neanagi aza'o amentintifima oti hampo'nama huno atupare'ma vanimofona aguvazigahie. 14  Anumzamofo kuma'mofo knare musenkea mopane mopane huama hutesageno, hagi vgarekna egahie.

15  Hianagi tusi'a haviza'mo'ma ruotge hu'nesia kumapima efreno knare'zama ahe fnane nehnigetma negesutma ksanampa ne' Danieli hunte'neazamo'e nehuta, atrenke'za hamprisamo'za antahi ama hiho. (Dan 9:27, 11:31, 12:11) 16  Hagi Judiama mni'namo'za fre'za agonarega viho. 17  Aza'o nomote mni'nesimo'a, uramino noma'afintira mago'zana e'orino. 18  Hagi hozafima mni'nesimo'a ruvahe huno nakre ku'a ome e'orino. 19  Zamu'ene hu'naza a'nene, mofavre aminuntage ana knafi hanaza a'nemo'za, tusi'a knaza fore hugahianki kva hiho. 20  Nunamu nehinkeno fretma vuzamo'a, zasi knarero manifruhu knazupa (sabat) fore osino. 21  Na'ankure ana knafima fore'ma hania knazamo'a, ese'ma mopa fore'ma huneregati fore osu'nea knaknaza tusi'a knaza fore hanigeno, henka'a anahu knazana fore osugahie. 22  Hanki ana knamo atupama osanigeno'a, magomo'e huno omanigahie. Hu'neanagi huhampri zmante'nea vaheku huno knamofona eritupa hugahie. 23  Mago'mo'ma tamagriku huno, keho, Kraisi'a amananki huge, Agra antune hania kerera tamentinti osiho. 24  Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie. 25  Hagi antahi ankereho, korapa Nagra fore hugahie hu'na tmasmi'noane. 26  Hagi henka'ma mago'mo kagriku hunoma, Agra ka'ma kopi eanki ko hanigenka ovutfa huge, ko, antu hunaraginte nompi mni'ne huno hanigeta, tamentinti osiho. 27  Na'ankure kopsi'namo zge hanatitegati zge fretega tevenefa tagivazu huno viankna nehanigeno, Vahe'mofo mofavrea egahie. 28  Na'ankure frino kasrine'niazama me'nesirega, anantega tumpa nmamo'za utru hugahaze.

29  Tusi'a knazama evutesigeno'a, ana knafina ame huno zagemo'a tusi'a haninkisigeno, ikamo'a tavira ontesigeno, ofuzgamo'a monafintira atafriramisigeno, hagi monamofo hankavemo'a kogekoge hugahie. (Joel 2:31, Rev-Huf 6:12, 13) 30  Ana hanigeno Vahe'mofo Mofavremofo avame'zana monare fore hanige'za, mika kazigati nagate nofite vahe'mo'za zmasunku nehu'za negesageno, Vahe'mofo Mofavre'a tusi'a hanave' ane masazama'afi mona hamponte eramigahie. 31  Hagi ankero vahe'zga'a huntesige'za ufena nere'za, mopa omete emete huneregati'ma Agrama huhampri'ma zmante'nemokizmi, monamofo mago agentega vuno mago agentegatira zmavare atru hugahaze.

32  Fiki zafareti fronka kea rempi hunka antahio, knare huno amena'mo vuno eno huno ani'nama erimarena, zgegna egofta nehie hutma hiho. 33  Anahu kna kante, tamagra ma ama ana zantmima negesutma, Agrama esia knamo'a kofta huno kafantfante me'ne hutma tamagesa antahiho. 34  Tamagerafa hu'na Nagra neramasmue. Ama knafima mni'naza vahera ofrita mni'nesageno, ana mika'zana fore hugahie. 35  Monane mopanena fanane hugahie. Hianagi Nagri nanekemo'a fanane osu mevava hugahie.

36  Hu'neanagi anama esia knane zgenena, mago nemo'a ontahi'tfaza hu'ne. Monafinka ankeromo'zane Nemofo'enena ontahine. Hagi Nenfake'za antahi'ne. 37  Na'ankure Noa knafi hu'nazankna avu'ava'za nehnageno Vahe'mofo Mofavrea egahie. (Jen-Agf 6:5-8) 38  Na'ankure tina ohage'nege'za, ana knafina, vahe'mo'za nezana nene'za, aka tina nene'za, a'nea e'neriza, ara masi omiami nehazage'no, Noa'a ventefina umreri'ne. 39  Zamagra mago zankura ontahi'za mni'nageno tinko'mo hageno eme zmaheno refite vgare'ne. Vahe'mofo mofavrema enaku'ma hanigeno'a, e'inahu'za fore hugahie. (Jen-Agf 7:6-24) 40  Hagi tare ne'trena hozafi tragote'ne mni'nesnakeno mago'mofo netreno, mago'mofona avregahie. 41  Tare a'tremoke'a witi rga neganesakeno, mago'mofona netreno mago'mofo avregahie. 42  E'ina hu'negu kavua ketenka manio, na'ankure kagri Ramo'a nanknare egahio, kagra ontahi'nane. 43  Hianagi ama'na kea antahi ankerenka antahio, nomofo nefa'ma musufa ne'mo kenagepima ne-esia knama antahi ankere'nesuno'a, agra kvahu ankere'ne'no atresigeno noma'a tapagana vazino uofregahie. 44  E'ina hu'negu tamagra nena trotra hiho, na'ankure Vahe'mofo mofavremo'a tamagra egahie hutma antahi omisaza knazupa egahie.

45  Aza'o ke amage'anteno knare antahintahine kazokzo eriza ne'ma mni'nesiana, kva'amo noma'afi vahete kva hunte'nesigeno, ruga'a kazokzo eriza vahera knafatgorera ne'zana zamigahie. 46  Kazokzo eriza ne'mo kegva huno mni'nesigeno, kva'amo eno emegesimo'a muse hino. 47  Tamage hu'na Nagra neramasmue, kva'amo eri'za nera huntesigeno, miko zama'arera kegva hugahie. 48  Hu'neanagi ana havi kazokzo eriza nemo'ma agragu'ma huno, Nagri kva ne'mo'a hago zaza kna umanie nehuno, 49  agra agafa huno, magoka eri'za e'neriza kazokzo eri'za vahe nezmaheno, aka ti ne'za neginagi nehaza vahe'ene ne'zane, tinena ne'ne. 50  Anante ana kazokzo eri'za ne'mo kva'agu omegahie huno, keno antahino osnia knare'ma esuno'a, 51  aheno rutnerare huteno, huntenkeno tavre vahe'mofo kumapi umanigahie. Ana kumate zavike nehuno, ave' aninkreki hugahie.