1 Ana kna mni fruhu knazupagino (sabat), Jisasi'a witi hozafi nevige'za, Agri amage nentaza disaipol nagamo'za zmaga'atege'za witimofo rga'a taniza ne'naze. 2 Hianagi Farisi vahe'mo'za, anama hazaza nezmage'za, anage hu'za asmi'naze, ko! Kagri kamage nentaza disaipol nagamo'za, kasegemo osuo hu'neaza mni fruhu knarera nehaze. 3 Hianagi Jisasi'a anage huno zamasmi'ne. Deviti ene magokama vu'naza nagamo'za zmagamatege'za hu'naza zana hampritma ontahinazo? 4  Zamagrama Anumzamofo nompi mareriza ruotge hu'nea bretima omeri'za ne'nazana, kasegemo huno prisi vahe'moke negahie hu'nea bretia? (1 Sam-Zga 21:1-6) 5  Hifi kagra kasegefina hamprinka onke'nano, prisi vahemo'za mni fruhu kna rufutagiza havizana nosaze? 6  Hianagi Nagrama neramasmuana, mono noma agtere'neazana ama me'ne. 7  Tamagrama amana kemofo agafa'ama antahiama hanutma, Nagrima navesiana vaheku'ma asuraginte zanku navesianki, kresramna vuzankura nave'osie hu'ne. (Hos 6:6) Ke'a omne vahera tamagra huhaviza huozmantegahaze. 8  Na'ankure Vahe'mofo Mofavremo mni fruhu knamofona Rana mani'ne.

9 Ananteti Jisasi'a atreno osi mono nozimifi (Sinagok) vu'ne. 10 Mago aza sti'nea ne' mni'negeno, zamagra Jisasi keaga hunte kanku nehake'za, Jisasina antahige'za, kasegemo'a vahera mni fruhu knazupa azeri knare huo hunefi? hazageno, 11 Jisasi'a zamagriku huno, amu'no tamifintira ina ne'moka sipisipi afukamo mni fruhu knarera kerifi uramisigenka avazuhu anaga otregahano? 12  Vahe'mofo kna'amo'a inankna higeno, sipisipimofo kna'amo'a inankna hu'ne, e'ina hu'negu manifruhu (sabat) knarera vahera amne aza hugahane. 13 Anante aza sti'nea nera anage huno asmi'ne, Kzana ru fatgo huo! Higeno azana ru fatgo higeno, mago kaziga azamo hu'neaza huno fatgo hu'ne. 14 Hianagi Farisi vahe'mo'za atre'za atinerami'za, ahesaza kanku hakeza keaga huge antahige hu'naze.

15 Jisasina ahenaku nehzageno nentahino, anampinti atreno nevige'za, rama'a vahe'mo'za amage avaririza nevzageno, Agra mika kri'zmia zmazeri knare hunezmanteno, 16 anage huno zmasmi'ne, Agra inanka ne' mni'nefi vahera ozmasmiho huno hanavetino zmasmi'ne. 17 Ama'i Aisaia kasnampa ne'mo hu'nea kemofo nena'a fore hu'ne. 18  Keho Nagri eri'za vaheni'a huhamapri ante'noana, Nagra navesi nentogeno nagu'amo muse agrikura nehie. Nagra avamu ni'a agripi ante'sugeno, agra fatgo zamofona huama megi'a vahete hugahie. 19  Agra fra ovazino, ranke osuno, ranke huno kampina vano osugahie. 20  Hakea erifu otagigahie, tevemo'a tegege vazigahianagi tesura osanigeno, agra fatgo'zamo agateregahie. 21  Agri agifi megi'a vahe'mo'za zmentinti'a hugahaze. (Aisa 42:1-4)

22 Anante hankro'mo agu'afi fre'nea ne'mofona avurga asu higeno kea nosia ne' avre'za Jisasinte vzageno, Agra eriknare huntegeno kea nehuno avua ke'ne. 23 Miko vahe kevumo'za antri nehu'za anage hu'naze, Agra ama Nera David nemofopi? 24 Hianagi Farisi vahe'mo'za ana ke nentahi'za anage hu'naze, ama ne'mo hankro'ma hunte'neana, hankro'mofo kagota kva Belsebul hanavefi hunte'ne hu'naze. 25 Jisasi'a antahintahizmi refako huno nezmageno anage huno zmasmi'ne, mago mago rankumapi vahe'mo'za amu'nompinti refakoma hanuza, zamagrazmi zmazeri haviza hugahaze. Hagi mago rankumamo'o, nomo o refako osnu'za hanavetigahaze. 26  Ana hu'neanagi Satama, Satanima humegi atesiana, agra'a ha' arentegahie. Inankna huno agri rankumamo'a megahie. 27  Nagrama hankromofo kva Belsebul hihamure, hankroma hunentanena, iza hihamure tmagri mofavremo'za hunentaze? E'ina agafare tmagrira refako hurmantegahie. 28  Hianagi Nagrama Anumzamofo hanavefi hankro'ma hunentanena, Anumzamofo kumamo'a tmagrite ko e'ne. 29  Inankna huno mago ne'mo'a hanave vahemofo nompina vuno miko'zama'a erigahie. Anara osuneno kota'zana ana nera azerino kina renteteno, anante noma'afi mrerino kumzafa nese. 30  Nagranema omni'nenamo'za ha' Nagrira renenantaze. Hagi iza'zo Nagrane atru huza omni'namoza, fragu vaziza vuza e'za hugahaze. 31  E'ina hu'negu Nagra amanage hu'na neramasmue. Mika azanavankene kumi'ma vahe'mozama hanazana, Anumzamo'a atre zmantegahie. Hianagi Ruotge Avamumofo azanava ke huntesazana, Anumzamo'a kumi zmia atre ozmantegahie. 32  Iza'o Vahe'mofo Mofavregu mago kema huhaviza hunte'sazana, Agra kumizmi'a atre zmantegahie. Hianagi iza'o Ruotge Avamumofonku huhaviza huntesaza vahera menine, henka'anena kumi zmi'a atre ozmantegahie.

33  Zafa azeri knare hanankeno, knare rga'a regahie. Hagi havi zafama azeri haviza hanankeno'a, rgamo'enena haviza hugahie. Na'ankure rgare negenka zafamofona ke'ankeregahane. 34  Tamagra ha' osifave'mofo mofavre kevu mni'naze, havizama nehana vahe'moka, inankna hunka knare'zana hugahano? Na'ankure krimpafi me'nea kea kagi'mo nehie. 35  Knare vahe'mo'a knare'zama rimpafi erinte'neaza, agimo'a eriama nehie. Havi vahemo'a havizama rimpafi erinte'nea agi'mo'a eriama nehie. 36  Hianagi Nagra amanage hu'na nermasmue, Anumzamo'ma vahe'ma refakoma huknarera, miko'a havigema nehaza kere, tamagenoka huzmante'gahie. 37  Naneke hunante fatgo hu'nane huno refako hugantegahie. Naneke hunenante haviza hu'nane huno refako hugantegahie.

38 Anante mago'a kasegere ugagota hu'naza vahe ene Farisi vahe'mo'za anage hu'za asmi'naze, Rempi Hurami ne'moka, mago avame'za Kagra hananketa kesunegu nehune. 39 Hianagi Jisasi'a kenona anage huno zmasmi'ne, ama knafi vahe'mo'za kefoza nehu'za zmentinti nosaza vahe'mo'za avame'za kenaku nehazanagi, mago avame'zana onkegahaze, kasnampa ne' Jona avame'zanke kegahaze. (Jona 1:17) 40  Anahu kna huno, Jona tagufa zgegi tagufa haninki huno nozamemofo rimpafi mase'neankna huno Vahe'mofo Mofavremo tagufa zgegi, tagufa haninki huno mopa agu'afi masegahie. 41  Ninive vahe'mo'za Anumzamoma refakoma hania knarera, ama knafi vahe ene magoka oti'za, keaga hurmantegahaze. Na'ankure Jona'ma huama hia kere zmagu'a rukrahe hu'naze. Hagi keho Jonama agatere'neana ama'ne. 42  Hanki Seva'a sauti kazigati kuini a'mo Anumzamo'ma refakoma hania knarera otino, ama knafi vahe'motma keaga hurmantegahie. Na'ankure afete moparegati eno Solomoni knare antahintahi antahinaku e'ne. Sagi ko, Solomonima agtere'neazana ama me'ne.

43  Hagi havi avamu'mo, vahema atreno vuno, noma manisia kumaku hagege kokampi ome hakeana kefore osu'ne. 44  Ana huteno anage hu'ne, ko'ma mni'nena atre'na e'nofi umanisue nehuno, eno eme keana hrafi huno eri antefatgo hu'negeno ke'ne. 45  Eteno vuno 7ni'a havi avamu tmimo'ma agri'ma agtere'nea ome zmavreno ege'za ufre'za mni'naze. Henkama mni'nea mni'zamo'a, pusama mni'nea mni'zana agtereno havi zantfa hu'ne. E'inahu avu'avaza ama knafi havi zmavu'zmava nehaza vahetera fore hugahie.

46 Jisasi'a ana naneke atru hu'naza vahe kevumokizmi nezmasmige'za, Nerera ene agnahe'za Agri'ene keaga hunaku megi'a emani'naze. 47 Mago'a vahe'mo Agrira asmino, negrera'ene kagnahe'za Kagrane keaga hunaku megi'a emani'naze higeno, 48 anama asmi'mofonku anage huno asmi'ne, Nagri nenrera ene nagnahe'za izaza mni'naze? 49 Ana nehuno amage nentaza disaipol naga'a mni'narega azanu zmerino anage hu'ne. Ko, nenrera ene naganahe'za ama mni'naze. 50  Iza'o monafi mni'nea Nenfa avesi'zama amage'ma antesimo'a, agra nenagna'ene nensarozane, nenreraza mni'naze.