1 Mago nera Lasarusi'e nehza ne'mo kri eri'ne. Agra Betanitire, Maria ene nenunkna Matake nemni'a kumate nere. 2 Maria Ramofo mananentake masavenu agare frenteteno, anu azokateti ana aga eri ho'mu hu'nea a'mofo nesaro kria eri'ne. 3 Ana nanunkna'moke Jisasintega kea atrenteke, anage hu'na'e, Ramoka antahio, Kagrama avesima nentamo'a kri eri'ne. 4 Higeno Jisasi'a ana ke nentahino, anage hu'ne, Ana krimo'a fri kantera avreno ovugahie, na'ankure Anumzamofo ra agi ami'nigeno, ana zantetira Anumzamofo Mofavremo ra agi erigahie.

5 Jisasi'a Matane nenunknane, Lasarusine avesizamante'ne. 6 Lasarusi kri eri'ne nanekema hzageno nentahino'a, tare zge'gna anama mani'nea kumate mani'ne. 7 Ana huteno amage'nentaza disaipol nagaku huno, Judia kaziga ete vanu'ne huno zamasmi'ne. 8 Amage' nentaza disaipol nagamo'za anage hu'za asmi'naze, Hurami ne'moke (Rabbi), Jiu kva vahe'mo'za mensitfama have knonu kahenaku nehzarega, Kagra ete vu'za nehano? 9 Jisasi'a kenona zamire anage hu'ne, 12fu'a kna (aua) mago zgefina omne'nefi? Mago vahe'mo'ma zge ferupima vanuno'a agra traka osugahie, na'ankure ama mopafi msa agra nege. 10  Hu'neanagi mago'mo hanimpima vanuno'a ome traka hugahie, na'ankure msa agripina omne'ne. 11 Anagema huteno, mago'ene Jisasi'a anage hu'ne, ronetimo Lasarusi'a avu mse'ne, hianagi menina Nagra ome azeri otigahue. 12 Amage nentaza disaipol nagamo'za anage hu'naze, Ramoka, agra avu'ma mse'nesuno'a, knare hugahie. 13 Jisasi'ma hu'neana, Lasarus ko fri'nea zanku hu'neanagi, zamagrama antahizana amne avu mse'zanku nehie hu'za antahi'naze. 14 Jisasi'a anante huama huno zamasmi'ne, Lasarusi'a ko fri'ne, 15  Tamagri tamaza hanigu Nagra muse nehu'na, ana kumatera omni'noe, e'ina hanigeta tamagra tamentinti hugahaze. Hianagi erinketa agritega vamneno. 16 E'ina hianagi Tomasi (Didimasi'e hu'neana kugavezare) nehaza ne'mo, magoka Jisasi amage nentaza disaipol nagaku huno, tagranena erinketa vuta Agrane ufri'maneno hu'ne.

17 Jisasi ana kumate uhnatino, ome antahiana Lasarusina ko kerifi asentageno, 4'a zgegna evu'ne. 18 Betani kumara Jerusale tva'onte 3 kilo mitanaza me'ne. 19 Rama'a Jiu vahe'mo'za e'za Matane Maria kiznia, neznasaro fri'negeza e'za zname rentinti hu'naze. 20 Jisasi ne-e hia kema Matama nentahino, kantega ome kenaku vu'ne. Hianagi Maria'a nompi mani'ne. 21 Mata'a, Jisasina ome keno anage huno asmi'ne, Ramoka, Kagrama amafima mani'nantesina, nensaro Lasarusi'a ofrisine. 22 Hianagi meninena nagra antahi'noe, na'anku'ma Anumzamofo antahige'sankeno'a, Anumzamo'a anazana kmigahie. 23 Jisasi'a kenona huno asmi'ne, negsaro Lasarusi'a ete otino asimu erigahie. 24 Mata'a amanage huno Jisasina asmi'ne, nagra antahi'noe, henkama otisaza zupa vgare knarera, agra otino asimu erigahie. 25 Jisasi'a amanage huno Matana asmi'ne, Fripinti otino asimu erino mani'zamofo agafa'a Nagra mani'noe, iza'o Nagrite'ma amentinti hanimo'a, frigahianagi asimu erino manigahie. 26  Maka vahe'mo'za mani'neza Nagrite zamentinti hanazana, ofri'tfa hugahaze. Amama nehua kegura kagra kmentintia nehampi? 27 Mata'a anage huno asmi'ne, izo Ramoka, nagra namentinti hue, Kagra Kraisige, Anumzamofo mofavre'moka Kagra ama mopafi erami'nane.

28 Mata'a anage huteno, vuno nenunkna Mariana sumi huno agesafi asmi'ne, Hurami ne'mo ne-eno kagriku ke nehie, huno asmi'geno, 29 ana kema nentahino'a, ame' huno Jisasinte vu'ne. 30 Jisasi'a ana kumapina uofreno, kantega Matama omege'nere mani'negeno, Maria'a emege'ne. 31 Anante Jiu vahe'mo'za Maria'ene nompi ame rentinti hu'za mani'nareti, kageno'ma agra ame' huno otino megi'a vige'za, zamagra amage nevu'za, keri'are zvi ome ate'naku nevie hu'za antahi'naze. 32 E'ina higeno, Maria'a Jisasi mani'nere eno eme negeno, agiafi emaseno, anage huno asmi'ne, Ramoka Kagrama amafi mani'nantesina, nensaro Lasarusi'a ofrisine. 33 Jisasima kegeno zavi'ma netegeno'a, ana a'ene e'naza Jiu vahe'mo'zane zvi atageno, Jisasi'a nezmageno avamupina tusi'za huno rimpamo'a kna nehigeno, 34 Jisasi'a zamantahigeno, inantega ana nera asente'naze? Zamagra kenona hu'za Agrira asmi'naze, Ramoka enka emego. 35 Jisasi'a zvi' ate'ne. 36 Zamasuma ragiku'ma e'naza Jiu vahe'mo'za anage hu'naze, Keho agrira tusi'za huno avesinte'ne! 37 Hianagi mago'amo'za anage hu'naze, ama ne'mo avu suhu ne' eri hari hunte'neankino, Agra Lasarusina mago'a zana huntegeno ofrino manisimpi?

38 Anante Jisasi mago'ene, rimpamo'a kna nehigeno ana ne'mofo kerire uhanati'ne. Havega me'nege'za ufrekantera have eri'za runkani re'naze. 39 Jisasi'a hunoana have rezahe hutreho, higeno fri'nea ne'mofo nesaro Mata anage huno asmi'ne, Ramoka, menina kno hi'mana vugahie, na'ankure 4'a zgegna ko mani'ne. 40 Jisasi'a anage huno ana ara asmi'ne, Ko kasmi'noe, kagrama kmentinti hnunka Anumzamofo hankve'a (glori) kegahane hu'na kasmi'nofi? 41 Nentahi'za ana have rezahe hutre'naze. Anante Jisasi'a kesga hunagamuteno, anage hu'ne, Nenfaga, Nagra muse hugantoe, Kagra ke'nia antahi nami'nane. 42  Nagra antahi'noe, hakare zupa keni'a nentahine, hianagi kema nehuana ama oti'za mani'naza vaheku hu'na Nagra nehue, Kagra hunantake'na e'noe hu'za zamagra zamentinti hanagu nehue. 43 Jisasi'a anagema huteno'a, kezatino Lasarusiga, atiraminka eno! 44 Higeno fri'nea ne'mo atiramino e'ne, agiane, azanena, tavrave nofi'nu ana'neki'za, avugosa tavravenu anovazinageno Jisasi'a zamasmino, Tavarave'a vakneta eri atrenkeno vino.

45 E'ina hige'za, rama'a Jiu vahe Maria'ene e'namo'za, Jisasi'ma hiaza nege'za, Agrite zamentinti hu'naze. 46 Hianagi mago'amo'za vu'za Farisi mono vahete uhnati'za, Jisasi'ma hu'nea zamofo naneke ome zamasmi'naze. 47 E'ina higeno, vugota mono vahe'ene (Sanhedrin), Farisi vahe'mo'za magopi eme atru hu'za anage hu'naze, Na'a menina hugahune? Ama ne'mo'a rama'a kaguvaza nehie. 48 Atresnunkeno anazanke huno Agra vaniana, maka vahe'mo'za Agrite zamentinti hanageno, Romu vahe'mo'za e'za ra mono nontine, mopatinena tarega hanaregahaze. 49 Anante mago'zmimo, Kaiafasi ra mono kva (hai pris) ana kafufina mani'nea ne'mo, anage huno zamasmi'ne, tamagra mago'za antahintahitamifina nontahize. 50 Na'a hanigeno maka kumatine, mopatia eri havizana hugahie? Atrenkeno magoke'mo miko vahekura frisnie. 51 Kazafasi'a agra antahi'zampinti ama kea osu'ne, hianagi ana kafufina ran mono kva (hai pris) mani'neno, kasnampa ke huno Jisasima frino maka Jiu vahe zamaza hania zanku hu'ne, 52 Nehuno Jiu kuma vaheke Agra zamaza osugahie, e'inama hanuno'a hazagre'za vu'za e'za hu'naza vahera zamazeri mago hanige'za Anumzamofo mofavre manigahaze. 53 E'i ana knareti erigafa hu'za, Jisasi ahe frisaza ke retro hu'naze.

54 E'inama hazazanku Jisasi'a mago'ene Jiu vahe zamurera kana onte'ne. Hianagi atreno vuno mago ka'ma kokampi me'nea rankuma kaziga Efraimie nehazarega amage' nentaza naga'ane umani'naze.

55 Menina Anumzamo Jiu vahe kinafinti zamare'nea knare (Pasova) ne'za ne kna atupa nehige'za, rama'amo'za kuma'zmi atre'za Jerusale mreri'za, ne'za nesagu zamagrazmi zmazeri agru huza retro hu'naze. 56 Ana nehu'za ra mono nomofo (tempol) kumapi oti'za mani'neza Jisasinku nehakre'za, zamagra zamagra anage hunaze. Na'ane hutma tamage'sa nentahize? Agra ama (Pasova) nezantera egahifi, omegahie? 57 Vugota hu'naza prisi vahe'ene, Farisi vahe'mo'za, anage hu'za rama'a vahepi hu'naze, iza'o Jisasima kesimo'a, eme tasamisigeta tagra azerisune hu'naze.