105
Hi Apo Dios ya nan Tataguna* Heten psalm ya niddum hinan kalahin di psalm an ma'alih Hallel an Psalms ti hallel (unu hallelujah) di mahhun an mahapit hinan mahhun an nalammung an hapit unu hiyay angunuh an mahapit hinan angunuh an nalammung an hapit (verse 45).
(Gen. 37:18-36; 39:20; 40:1—41:43; 46:5-7; Ex. 1:7, 11-22; 7:14-24; 8:1-32; 9:13-35; 10:1-29; 11:1-10; 12:29-30, 35-36; 13:21-22; 15:26; 16:1-36; 17:1-7; 23:25; I Chron. 16:8-22)
1 Munyaman ayun Apo Dios,
ya munluwalu ayun Hiya,
ya ulgudonyu goh hinan Hentil hi abablubabluy nan ina'inatna!† I Chron. 16:8.
2 Ya ikantaanyu Hiya,
ya hay ikantayu ya nan a'al'alyana,
ya ipa'innilayun amin nan umipanoh'an inatna!‡ I Chron. 16:9.
3 Iyamlongyu nan me'gonan an ngadana,
ya iyamlongyuh puhuyuy nan pundayawanyun Hiya an Dios.§ I Chron. 16:10.
4 Ya hay hapulonyu ya hi Apo Dios ya nan pamaliwna,
ya Hiyay gunyu inaynayun an dayawon.* I Chron. 16:11.
5 Nomnomonyu nan umipanoh'a an inatna,
ya nan inatnan adi abalinan di tagun aton,
ya din inatna goh an nunhumalyan† I Chron. 16:12.
6 da'yun holag Abraham an baalna,
ya da'yun holag Jacob an pento'na.‡ I Chron. 16:13.
7 Hiyay Apu an Dios tu'u an manumalyah an amin hitun alutaluta,§ I Chron. 16:14.
8 ya nonomnomonah engga'enggana din intulagna an din intulagnah nan hinlibun aholaholag* I Chron. 16:15.
9 an hiyah ne din intulagnan Abraham,
ya din intulagna an inhapatanan Isaac,† I Chron. 16:16.
10 ya inhamadna an inyuldin goh ay Jacob
ta minaynayun an unudon nan i'Israel hi enggana.‡ I Chron. 16:17.
11 Ya inalinan diday,
“Idat'un da'yu nan babluy ad Canaan ta hiyay nahamad hi banohyu.”§ I Chron. 16:18.* Gen. 15:9-21.
12 Ya heden nangalyanan dida ya din a'itang di uyapda an tatagun Apo Dios,
ya bunagda an himpampun hi ni'hituwandad Canaan† I Chron. 16:19.
13 ya gunda nuntinnolman hinan numbino'ob'on an babluy,
ya nan babluy an nat'onat'on goh di nun'ap'apu.‡ I Chron. 16:20.
14 Mu agguy inyabulut Apo Dios an waday mangipaligligat ay dida,
at hay inatnan namaliw ay dida ya pinadanana nan a'ali§ I Chron. 16:21.
15 an inalinay, “Adiyu aton di nappuhih nan pento"un baal'u,
ya adiyu goh palewahan nan propeta'!”* I Chron. 16:22.
16 Ya bentel Apo Dios nan babluy ad Canaan,
at mi'id ahan ma'an hidi.
17 Mu waday ohan dida an nangun'unna an immuy ad Egypt
an hi Joseph di ngadana an din inihbutda ti inla'uda.† Gen. 37:18-36.
18 Ya imbaludda an binobodday hu'inah kanhel,
ya pinate'landay bagangnah gumo'‡ Gen. 39:20.
19 ta engganay un nipa'annung din nipa'innilan ma'at,
at nan hapit Apo Dios di nangipa'annung an makulug di aat Joseph.§ Gen. 40:1-41:36.
20 At nunhonag nan ali ta immuyna impibo'tan hi Joseph,
ya ta"on nan mumpapto' hinan tataguh nan abablubabluy ya impibuhu'na goh hinan baludan.
21 Ya indatnay haad Joseph ta hiyay nangipapto' hinan palasyu,
ya hiya goh di nangipapto' an amin hinan gina'un nan ali
22 ta hiyay nummandal hinan u'upihyal,
ya hiya goh di nangituduh inat nan nun'ala'eng an gun bimmadang hinan ali.* Gen. 41:37-43.
23 At immuy nan holag Israel an ni'hitud Egypt,
ya ni'hitu da Jacob an bunagdah dih nan babluy nan holag Ham.
24 Ya nunhologon Apo Dios nan tatagunan holag Israel hidi,
at dimmo'olda mahkay ya un nan i'Egypt an buhulda.† Ex. 1:7.
25 Mu inyabulutnay pamoholandah nan tataguna,
at hinahapitday atondah nappuhih nan baalna.‡ Ex. 1:11-22.
26 Mu hennagnah Moses an baalna,
ya ni'yuy hi Aaron an din pento'na
27 ta impattigda nan umipanoh'an impa'at Apo Dios ay didah nan tataguh ad Egypt,
at inatda nan adi abalinan di tagun aton hidih nan babluy ad Ham.
28 At impahelongnad Egypt ta hemmelong an amin nan babluyda,
ya manu ay inatnah ne ti agguy inunud nan i'Egypt nan immandalnah atonda.§ Ex. 10:21-29.
29 Ya numbalinonah dala nan danum an amin hinan wangwangda,
at nun'atoy an amin di numbino'ob'on hi ekan.* Ex. 7:14-24.
30 Ya limmuna goh di do'ol an tu'a' ta hino'napandan amin nan babluyda,
ya ta"on nan kuwaltun nan ali ya do'ol di mumpangahigup.† Ex. 8:1-15.
31 Ya limmun goh Apo Dios nan do'ol an lalog‡ Ex. 8:20-32.
ya imu' ta hino'napandan amin nan babluy ad Egypt.§ Ex. 8:16-19.
32 Ya impa'udana, mu un o"ongol an dalallu nan nun'agah hinan babluyda,
ya gunna goh impa'ila'ilat hinan abablubabluy hidi.
33 At numpa"inan amin nan greyp ya nan ayiwda an figs,
ya nun'aluhluhan an amin di tubun nan ayiw hinan babluydad Egypt.* Ex. 9:13-35.
34 Ya himmapit goh, ya nalmuy nidugah an do'ol an dudun ya battat an adi ahan ma'yap,
35 at nun'a'andan amin di tubun nan malgom an himmangaw,
ya ta"on nan nihabal an himmangaw hinan lutada.† Ex. 10:1-20.
36 At numpatoynan amin din papangpangullun linala'in holag nan hinohhan pamilyan nan i'Egypt.‡ Ex. 11:4-10; 12:29-30.§ Anaad nin ta nan nangitudo' ya agguyna iniddum nan duwan ligat an impa'dam Apo Dios hinan i'Egypt hinan intudo'na an (1) nan atata'ot an pihtin di a'animal (Ex. 9:1-7), ya (2) nan poghah nan a'animal (Ex. 9:8-12)? Mid mapto' ya umda nan walun ligat ta waday mangipa'innilah nan temana.
37 Ya impanguluna nan tataguna ta nakakdad Egypt,
ya waday nun'ita'indah silver ya balitu' hi nun'idat nan tataguh di,* Ex. 11:1-3; 12:35-36.
ya mun'abi'ahda goh an mi'id ah himpangapuh nundogoh ay didan amin.† Ex. 15:26; 23:25.
38 Ya nidugah di immamlongan nan i'Egypt hi nakakanda
ti nidugah di timma'tandah nan holag Israel.
39 Ya heden nakakanda ya liniduman Apo Dios didah nan ma'ugtul an bunut hidin pundaldallanandah nan mapatal,
ya nan mahdom ya waday ongol an apuy an pundilagdan mangipangpanguluh nan owonda.‡ Ex. 13:21-22.
40 Ya unat goh numbagadah dotag hi ihdada ya indatnay nidugah an do'ol an bagit,§ Ex. 16:1-12.
ya indatna goh di do'ol an tinapay an ma'alih manna an nalpud abuniyan.* Ex. 16:13-36.
41 Ya binhina goh nan daplah ta bimmuhu' nan do'ol an danum,
ya ay wangwang an umayuh an umuy hinan mapulun ta way ininumda† Ex. 17:1-7.
42 ti ninomnomna din me'gonan an ni'tulagana ay Abraham an baalna.
43 At heden nangekakanah nan tataguna ya nidugah di nun'am'amlonganda,
ya imbugawdan nangikantah immamlonganda.
44 At indatnan dida nan lutan di udumnan tatagu
ta diday nangngal hinan bungan di intanom nan udum an tatagu.
45 Ya manu ay umat hinay na'at ya ta way aton nan tatagunan mangunud hinan Uldina,
ya ta gunda goh aton an amin nan immandalna.
Madayaw hi Apo Dios!‡ Hete ya hapit di Hudyu an hallelujah.
*^ Heten psalm ya niddum hinan kalahin di psalm an ma'alih Hallel an Psalms ti hallel (unu hallelujah) di mahhun an mahapit hinan mahhun an nalammung an hapit unu hiyay angunuh an mahapit hinan angunuh an nalammung an hapit (verse 45).
†105:1 I Chron. 16:8.
‡105:2 I Chron. 16:9.
§105:3 I Chron. 16:10.
*105:4 I Chron. 16:11.
†105:5 I Chron. 16:12.
‡105:6 I Chron. 16:13.
§105:7 I Chron. 16:14.
*105:8 I Chron. 16:15.
†105:9 I Chron. 16:16.
‡105:10 I Chron. 16:17.
§105:11 I Chron. 16:18.
*105:11 Gen. 15:9-21.
†105:12 I Chron. 16:19.
‡105:13 I Chron. 16:20.
§105:14 I Chron. 16:21.
*105:15 I Chron. 16:22.
†105:17 Gen. 37:18-36.
‡105:18 Gen. 39:20.
§105:19 Gen. 40:1-41:36.
*105:22 Gen. 41:37-43.
†105:24 Ex. 1:7.
‡105:25 Ex. 1:11-22.
§105:28 Ex. 10:21-29.
*105:29 Ex. 7:14-24.
†105:30 Ex. 8:1-15.
‡105:31 Ex. 8:20-32.
§105:31 Ex. 8:16-19.
*105:33 Ex. 9:13-35.
†105:35 Ex. 10:1-20.
‡105:36 Ex. 11:4-10; 12:29-30.
§105:36 Anaad nin ta nan nangitudo' ya agguyna iniddum nan duwan ligat an impa'dam Apo Dios hinan i'Egypt hinan intudo'na an (1) nan atata'ot an pihtin di a'animal (Ex. 9:1-7), ya (2) nan poghah nan a'animal (Ex. 9:8-12)? Mid mapto' ya umda nan walun ligat ta waday mangipa'innilah nan temana.
*105:37 Ex. 11:1-3; 12:35-36.
†105:37 Ex. 15:26; 23:25.
‡105:39 Ex. 13:21-22.
§105:40 Ex. 16:1-12.
*105:40 Ex. 16:13-36.
†105:41 Ex. 17:1-7.
‡105:45 Hete ya hapit di Hudyu an hallelujah.