1 Iyaw somarono a loti a nabōnot, ki dyira no trībo no Simeon sigon do kāda partīdos na. Iyaw pinakabinglay na a tana, ki myan do pinakabinglay a tana no trībo no Joda.* 19:1 Gen. 49:7 2 Iyaw tana na, ki nairāman Beerseba mana Seba, Molada, 3 Hasar-soal, Bala, Esem, 4 Eltolad, Betol, Hormah, 5 Siklag, Bet-markabot, Hasar-sosah, 6 Bet-lebaot, kan Sarohen. Asa poho kan tatdo no bidang no idiidi kontodo sīcho da saw.

7 Myan paw Ain, Rimmon, Eter, kan Asan. Apat no bidang no idiidi saya kontodo siraw sīcho da saw, 8 kan nairāman tabo sīcho da saw no nya saya idiidi a manda do kabawa no Baalat-beer mana Rama do Negeb. Nyaw pinakabinglay a tana no trībo no Simeon pati kāda partīdos na. 9 Iyaw pinakabinglay no trībo no Simeon, ki yapo do pinakabinglay no trībo no Joda. Ta iyaw pinakabinglay no Joda, ki nagsobra dyira. Dawa, rinawat no trībo no Simeon iyaw tana a pinakabinglay da a yapo do tanaw a pinakabinglay no trībo no Joda.

10 Iyaw chatatdo naw a loti a nabōnot, ki dyira no trībo no Sabalon sigon do kāda partīdos na. Iyaw payis naw no pinakabinglay na, ki manda do kabawa na do Sarid. 11 Do dāwri, nagpalāod a somonget do Maralah, as romnapit do Dabbeset, kan tinongtong na do dēkey a oksong do dayāen no Jokneam. 12 Yapo do Sarid, nagpadāya a lomongo do dadan araw a mangay do tana no Kislot-tabor, Daberat, as kan somonget do Japya. 13 Nagpadāya a mangay do Gat-heper kan Et-kasin, as tinongtong na do Rimmon kan naypachicho do Nea. 14 Yapo dawri, nagpaammyānan a kominwan do Hannaton. As no pachipandan na, ki do Payahosongan Iptahel. 15 Siraw idiidi a nairāman, ki Kattat, Nahalal, Simron, Idalah, kan Betlehem. Asa poho kan dadwaw bidang no idiidi kontodo siraw sīcho da saw. 16 Nya saya idiidi kan sīcho da sa, ki pinakabinglay a tana no trībo no Sabalon pati kāda partīdos na.

17 Iyaw chapat naw a loti a nabōnot, ki dyira no trībo no Issakar sigon do kāda partīdos na. 18 Iyaw tana na, ki nairāman Jesreel, Kesollot, Sonem, 19 Haparaim, Sion, Anaharat, 20 Rabbit, Kision, Ebes, 21 Remet, En-gannim, En-hadda, kan Bet-passes. 22 No payis na, ki romnapit do Tabor, Sahasoma, kan Bet-semes. As iyaw pachipandan na, ki Oksong Jordan. Asa poho kan anem no bidang no idiidi kontodo sīcho da saw. 23 Nya saya idiidi kan sīcho da saw, ki pinakabinglay no trībo no Issakar pati kāda partīdos na.

24 Iyaw chadadima naw a loti a nabōnot, ki dyira no trībo no Aser sigon do kāda partīdos na. 25 Iyaw tana na, ki nairāman Helkat, Hali, Beten, Aksap, 26 Allammelek, Amad, kan Misal. Do laōden a payis na, ki romnapit do Karmel kan Sihor-libnat. 27 Sinpangan na, naypachicho a nagpadāya do Bet-dagon,† 19:27Myan asa Bet-dagon do trībo no Joda (Jos. 15:41). Dagon, ki dyos dan taga Penisya, kan myan timplo a napatnek para dya do matatarek saw a loglogar do Kanaan. romnapit do idi a Sabalon kan iyaw Payahosongan Iptahel, as nagpaammyānnan a mangay do Bet-emek kan Neiel. Tinongtong no payis naw nagpaammyānan a mangay do Kabol, 28 Ebron, Rehob, Hammon, kan Kana a manda do kabawa na do Magdindināmag a Sidon. 29 No payis na, ki naypachicho a lomongo do Rama, kan nakarapit do naahadan a syodad a Tiro. Do dāwri, naypachicho a lomongo do Hosah. As no pachipandan na, ki do Mediterranean a Tāw a masngen do Mahalab, Aksib, 30 Ommah, Apek, kan Rehob. Dadwa poho kan dadwaw bidang no idiidi kontodo siraw sīcho da saw. 31 Nya saya idiidi kontodo sīcho da saw, ki pinakabinglay no trībo no Aser pati kāda partīdos na.

32 Iyaw chanem naw a loti a nabōnot, ki dyira no trībo no Naptali sigon do kāda partīdos na. 33 Iyaw payis na, ki yapo do Helep do rakohaw a kayo a logo do Saanannim, kan homabas do Adami-nekeb kan Jabneel a manda do Lakkom. As no pachipandan na, ki do Oksong Jordan. 34 Do dāwri, nagpalāod a nangay do Asnot-tabor kan nakarapit do Hokkok. No payis na, ki romnapit do pinakadyira daw no trībo no Sabalon do abagātan, kan trībo no Aser do lāod, as kan Oksong Jordan do dāya. 35 Siraw naahadan saw a idiidi a nairāman do nya tana, ki Siddim, Ser, Hammat, Rakkat, Kinneret, 36 Adamah, Rama, Hasor, 37 Kedes, Edrei, En-hasor, 38 Yiron, Migdal-el, Horem, Bet-anath, kan Bet-semes. Asa poho kan sasyam no bidang no idiidi kontodo siraw sīcho da saw. 39 Nya saya idiidi kontodo sīcho da saw, ki pinakabinglay no trībo no Naptali pati kāda partīdos na.

40 Iyaw chapapito naw a loti a nabōnot, ki dyira no trībo no Dan sigon do kāda partīdos na. 41 Iyaw tana a pinakabinglay na, ki nairāman Sora, Estaol, Ir-semes, 42 Saalabbin, Aidyalon, Itla, 43 Elon, Timna, Ekron, 44 Elteke, Gibbeton, Baalat, 45 Jehod, Bene-berak, Gat-rimmon, 46 Me-harkon, kan Rakkon kontodo tana a somalap do Joppa.

47 Ki do dyi daw a nakasākopan no trībo no Dan so tana daw, nangay sa nagraot do Lesem.‡ 19:47 “Lesem” mana “Laish.” Nadiman dana si Joswe do nakaparinaw no nya. Ok. 1:34-35; 18:1-31 Do nakasākop daw so Lesem, diniman da saw omyan daw, as naybadiw danaw trībo no Dan omyan daw. Tinadyan daw ngaran naw so Dan a iyaw ngaran kapoonan da. 48 Nya saya idiidi kontodo sīcho da saw, ki pinakabinglay no trībo no Dan pati kāda partīdos na.

49 Do nakatayoka daw no Israelitaw a napaychakarwa so tanaw dyirad kāda trībo, intoroh da di Joswe a pōtot ni Non pinakabinglay naw a tana do dyira daw. 50 Akmas inbilinaw ni ĀPO, intoroh daw idyaw a inakdaw na a Timnat-sera do katokotokonan do tana no Epraim. Pinirwa ni Joswe a pinatnek iyaw idyaw, kan minyan daw.

51 Siraw nyaw pinakabinglay a tana a bininglay da Eleasar a pādi, Joswe a pōtot ni Non, kan siraw pangpangōlo dan tabo trībo no Israel. Pinarin daw nya maynamot do nakapagbibinōnotan da do Silo do salapen ni ĀPO do asdepan no Tolda a Pachibayabayatan.§ 19:51 Jos. 18:1 Komwan nakatayoka da napaychakarwa so tanaw.