1 عَننَبِ عٍلِسٍ نُ بَرَ عَ قَلَ سُنَمِ فِنّ بّ، عَ نَشَن شَ دِ رَكٍلِ قَشّ مَ، «عِ تَن نُن عِ شَ دٍنبَيَ، وٌ تُنُ، وٌ شَ سِفَ يِرٍ فبّتّ، بَرِ مَ عَلَتَلَ قَمَ نّ كَامّ رَدِندٍ يِ بْشِ مَ هَن حّ سٌلٌقٍرٍ.» 2 نَ سُنَمِ فِنّ نَشَ عَ شُي سُشُ، عَ سِفَ قِلِسِتَ بْشِ مَ، عَ نُن عَ شَ دٍنبَيَ، عٍ لُ نَا حّ سٌلٌقٍرٍ. 3 نَ حّ سٌلٌقٍرٍ دَنفِ شَنبِ، نَ فِنّ نَشَ فبِلٍن عِسِرَيِلَ، كٍلِقٍ قِلِسِتَ بْشِ مَ. عَ نَشَ سِفَ مَنفّ يِرٍ، عَ عَ مَيَندِ عَ شَ عَ شَ بَنشِ نُن عَ شَ بْشِ رَفبِلٍن عَ مَ.

4 بٍينُن عَ شَ سٌ نَا، مَنفّ نُن عَننَبِ عٍلِسٍ شَ بَتُلَ فٍشَسِ نُ نَ سُمُنقٍ. مَنفّ نَشّ، «عَننَبِ عٍلِسٍ شَ كَابَنَكٌ قٍيٍ قَلَ ﭑ بّ.» 5 فٍشَسِ تٌ نُ نَ عَ قَلَقٍ عَ بّ، عَننَبِ عٍلِسٍ سُنَمِ فِنّ شَ دِ رَكٍلِ كِ نَشّ قَشّ مَ، نَ فِنّ قَن سٌ تّمُي نَن نَ كِ مَنفّ يِرٍ، عَلَكٌ عَ شَ عَ مَشَندِ عَ شَ بْشِ نُن عَ شَ بَنشِ مَ. فٍشَسِ نَشَ عَ قَلَ مَنفّ بّ، «نَ فِنّ يَتِ نَن يَ، عَ نُن عَ شَ دِ عَننَبِ عٍلِسٍ نَشَن نَكٍلِ قَشّ مَ.» 6 مَنفّ نَشَ نَ فِنّ مَشْرِن نَ قٍ مَ. سُنَمِ فِنّ نَشَ نَ بِرِن يَبَ عَ بّ. مَنفّ نَشَ فِنّ شَ قٍ سٌ عَ شَ وَلِكّ شُنفبٍ ندٍ يِ رَ، عَ عَ قَلَ نَشَن بّ، «وٌن شَ يِ فِنّ شَ سٍ بِرِن نَفبِلٍن عَ مَ، عَ نُن فٍينِ نَشَن بِرِن سْتْشِ عَ شَ بْشِ مَ كَبِ عَ كٍلِ تّمُي بٍ.»

7 عَننَبِ عٍلِسٍ تٌ بِيَاسِ رَبَ سِفَقٍ رَ دَ مَسِ، عَرَ مِ مَنفّ بٍن هَدَدَ نَشَ قُرَ. مِشِ ندٍ نَشَ عَ قَلَ مَنفّ بّ عَ عَننَبِ عٍلِسٍ نُ نَ دَ مَسِ. 8 مَنفّ نَشَ شَسَيٍلِ يَمَرِ، عَ نَشّ، «عِ شَ بُحَ ندٍ شَنِن عَننَبِ عٍلِسٍ شْن، عَلَكٌ عَ شَ عَلَتَلَ مَشْرِن ﭑ بّ، شَ ﭑ كِسِمَ يِ قُرٍ مَ؟»

9 شَسَيٍلِ نَشَ دَ مَسِ بْشِ سٍ قَنيِيٍ بَكِ حْشْمّ تٌنفٌ نَانِ قَرِ، عَ عَ شَنِن عٍلِسٍ شْن سَنبَسٍيٍ رَ. عَ تٌ سٌ عَ يِرٍ، عَ نَشَ تِ عَ يَ عِ، عَ عَ قَلَ عَ بّ، «عِ شَ دِ بٍن هَدَدَ، عَرَ مِ مَنفّ نَن ﭑ شّيشِ عِ شْن مَ، ﭑ شَ عِ مَشْرِن شَ عَ يَلَنمَ يِ قُرٍ مَ؟» 10 عٍلِسٍ نَشَ عَ يَابِ، «سَ عَ قَلَ عَ بّ، ‹عِيٌ، عِ يَلَنمَ.› كْنْ عَ نْندِ كِ مَ، عِ شَ عَ كٌلٌن عَ عَلَتَلَ بَرَ عَ قَلَ ﭑ بّ، عَ مَنفّ قَشَمَ نّ.» 11 عَلَ شَ مِشِ عٍلِسٍ نَشَ عَ يَ بَنبَن عَ رَ، عَ مُ عَ مَفِرَ مَ، هَن شَسَيٍلِ قَ يَافِ. نَ تّمُي عٍلِسٍ نَشَ سٌ وَقٍ. 12 شَسَيٍلِ نَشَ عَ مَشْرِن، «عِ نَ وَقٍ مُنقٍ رَ؟» عٍلِسٍ نَشَ عَ يَابِ، «ﭑ نَ وَقٍ نّ بَرِ مَ ﭑ عَ كٌلٌن، عِ قَمَ نّ قٍ حَاشِ دْشْدٍ عِسِرَيِلَكَيٍ مَ. عِ قَمَ نّ عٍ شَ يِرٍ مَكَنتَشِيٍ فَندٍ، عِ عٍ شَ قٌنِكٍيٍ قَشَ سَنتِدّفّمَ رَ، عِ عٍ شَ دِيْرّيٍ مَبٌرٌن، عِ عٍ شَ قُرُفِنّيٍ قُرِ رَبْو.» 13 شَسَيٍلِ نَشَ عَ مَشْرِن، «ﭑ تَن مِشِ شُرِ نْمَ نَ قٍ مْولِ شُنفبٍ رَبَدٍ دِ؟» عٍلِسٍ نَشَ عَ يَابِ، «عَلَتَلَ بَرَ عَ مَسٍن ﭑ بّ عَ عِ قَمَ نّ قِندِدٍ عَرَ مِ مَنفّ رَ.»

14 شَسَيٍلِ نَشَ كٍلِ عٍلِسٍ شُن مَ، عَ فبِلٍن عَ شَ مَنفّ يِرٍ. نَ نَشَ عَ مَشْرِن، «عٍلِسٍ مُنسٍ قَلَشِ عِ بّ؟» عَ نَشَ عَ يَابِ، «عَ عَ قَلَشِ نّ عَ عِ يَلَنمَ.» 15 نَ كُيٍ عِبَ، شَسَيٍلِ نَشَ سَدٍ دُفِ تٌنفٌ، عَ عَ رَ سِن يٍ شْورَ، عَ عَ دُ سُ مَنفّ يَتَفِ شُن نَ، عَ قَ عَ مَدٍكُن هَن عَ قَشَ. نَ دَنفِ شَنبِ، شَسَيٍلِ نَشَ تِ مَنفّ رَ بٍن هَدَدَ حْشْي رَ.

16 عَكَبُ شَ دِ يٌرَ مِ شَ مَنفّيَ حّ سُولِ ندٍ رَ عِسِرَيِلَ شُن مَ، يٍهٌسَقَتِ شَ دِ يٍهٌرَ مِ نَشَ قِندِ يُدَيَ مَنفّ رَ. 17 عَ نُ قِندِ مَ مَنفّ رَ تّمُي نَشّ، عَ حّ تٌنفٌ سَشَن نَن نُ عَ رَ. عَ نَشَ مَنفّيَ شَنِن دَرِ سَلَمُ حّ سٌلٌمَسَشَن. 18 عَ نَشَ عَ حّرّ عِسِرَيِلَ مَنفّيٍ شَ كِرَ شْن مَ، عَلْ عَكَبُ نُن عَ بْنسْي عَ رَبَ كِ نَشّ، بَرِ مَ عَكَبُ شَ دِ فِنّ ندٍ نَن نُ دْشْشِ عَ شْن مَ. عَ نَشَ قٍ حَاشِيٍ رَبَ نَشٍيٍ مُ رَقَن عَلَتَلَ مَ. 19 كْنْ عَلَتَلَ مُ نُ وَ مَ يُدَيَ سْنتْقٍ، مَنفّ دَوُدَ شَ قٍ رَ، عَ عَ قَلَ نَشَن بّ عَ مَنفّيَ لُمَ نّ عَ تَن نُن عَ بْنسْي يِ رَ عَبَدَن.

20 يٍهٌرَ مِ شَ مَنفّيَ كُي، عٍدٌن بْشِ نَشَ يُدَيَ شَ مَنفّيَ مَتَندِ، عٍ قَ عٍ يّتّ شَ مَنفّ دْشْ. 21 يٍهٌرَ مِ نَشَ سِفَ سَيِرِ نُن عَ شَ سْورِ رَفِسٍيٍ بِرِن نَ. عَ نَشَ كٍلِ كْي رَ، عَ عٍدٌنكَيٍ فٍرٍ. نٍيٍ نَشَ عَ شَ سْورِ فَلِ رَبِلِن، عٍ نْ عٍ رَ. نَ كُي عِسِرَيِلَ شَ سْورِيٍ نَشَ فبِلٍن عٍ شْنيِ. 22 هَن تٌ عٍدٌنكَيٍ مُ لُ يُدَيَ شَ يَامَرِ بُن مَ. لِبِنَ قَن يُدَيَ شَ يَامَرِ مَتَندِ نَ تّمُي نّ.

23 يٍهٌرَ مِ شَ تَرُشُي دْنشْي نُن عَ قٍ نَشٍيٍ بِرِن نَبَ، نَ سّبّشِ يُدَيَ مَنفّيٍ شَ تَرُشُي كُي. 24 عَ نَشَ لَاشِرَ، عٍ قَ عَ رَفَتَ عَ بٍنبَيٍ قّ مَ دَوُدَ شَ تَا كُي. عَ شَ دِ عَشَسِيَ نَشَ قِندِ مَنفّ رَ عَ حْشْي رَ.

25 عَكَبُ شَ دِ يٌرَ مِ شَ مَنفّيَ حّ قُ نُن قِرِن ندٍ رَ عِسِرَيِلَ شُن مَ، يٍهٌرَ مِ شَ دِ عَشَسِيَ نَشَ تِ مَنفّ رَ يُدَيَ. 26 عَشَسِيَ شَ سِمَيَ نُ نَ حّ مْشْحّن نُن قِرِن عَ قِندِ مَنفّ رَ تّمُي نَشّ. عَ نَشَ مَنفّيَ حّ كٍرٍن نَبَ دَرِ سَلَمُ. عَ نفَ نُ شِلِ نّ عَتَلَيَ، عِسِرَيِلَ مَنفّ عٌمِرِ شَ دِ فِنّ. 27 عَ تٌ كٍلِشِ عَكَبُ بْنسْي نّ، عَ نَشَ عَ حّرّ نَ كِرَ شْن، عَ قٍ رَبَ نَشَن مُ رَقَن عَلَتَلَ مَ.

28 عَ تَن نُن عَكَبُ شَ دِ يٌرَ مِ نَشَ سِفَ عَرَ مِ مَنفّ شَسَيٍلِ فٍرٍدٍ رَ مٌتِ، فَلَدِ بْشِ مَ، كْنْ عَرَ مِكَيٍ نَشَ نْ عٍ رَ. 29 مَنفّ يٌرَ مِ نَشَ فبِلٍن يِسِرٍيلِ، عَ شَ عَ دَندَن، بَرِ مَ عَرَ مِكَيٍ نُ بَرَ عَ مَشْنْ فٍرٍ كُي رَ مَ، عَ تٌ نُ عَرَ مِ مَنفّ شَسَيٍلِ فٍرٍقٍ. يُدَيَ مَنفّ يٍهٌرَ مِ شَ دِ عَشَسِيَ نَشَ فٌرٌ يِسِرٍيلِ عَكَبُ شَ دِ يٌرَ مِ شْنيِ، بَرِ مَ عَ نُ قُرَشِ.