121
Yennu-e tee ti guutɔɔ
1 N got jɔjaana paak; n sommir saa nyi lee ki baari?
2 N sommir saa nyi Yennu nba nan sanpaak
nan tiŋ na boore ki baar.
3 U kan te fan baa; a guutɔɔ yɔɔ nyɔie, ki ki tiŋit.
4 Israel teeb guutɔɔ ki tiŋit koo ki gɔɔnti.
5 Yennu sii goriia; u be a boor ki sii guua.
6 Yonpeeuŋ kan paana daŋ yonnu ni,
ki ŋmaarik mun kan paana daŋ nyiɔku.
7 Yennu saa nyinna ninbɔŋ kura ni;
u saa dia-a nan laafia.
8 U saa guura, a nyinu nan a kɔɔnu kur ni,
mɔtana nan yoo nba kur waa.