123
Yenmiaru nba jiin ninbatinu po
1 Yennu, n gorii fine, n goriia yendɔuŋ ni,
siaminba ki a naangbouŋ be na.
2 Ti Yomdaanɔ Yennu,
daabjak nba gaa u chanbaa paak biaŋinba,
ki daabpook mun gaa u naa paak biaŋinba na;
nnae ki ti mun maa a paak
nan faa tan saa tinit ninbaauk yoo nba.
3 Ii mɔk ninbatinu ti paak; Yennu, ii mɔk ninbatinu ti paak;
ti mantik la diabiiuk bonchiann.
4 Mɔkita na mantik sarikitit ki li wei bonchiann,
ki karinbaandamm mantik biirit.