125
Egvu, aagụje teke eeje Jerúsalemu
1 Ndu dakoberu Ojejoje
dụ l'ọ bụ Ugvu Záyọnu,
bụ 'enwubata enwubata.
Ọ bụ ugvu, a-nọ jeye
lẹ tutu yoyo.
lẹ tutu yoyo.
2 Ọ bụ ẹge-a, ugvu nọ-pheru Jerúsalemu
mgburumgburu-wa;
bụ ege Ojejoje a-nọ-pheje
ndibe iya;
tsube nta-a gbururu jeyewaru.
3 Ndu akirishi ta abugbukwaru ishi l'alị ono;
mbụ alị ono, e ketaru nụ
ndu doberu ẹka ndoo ono.
Ọdumeka bẹ ndu ono,
doberu ẹka ndoo ono
e-yekwa ẹka l'ome iphe dụ ẹji.
4 Nggụbe Ojejoje;
menuaru ndu ọma ọhuma;
mbụ ndu ono, obu gụru iphoro ono.
5 Ọ bụ l'iphe bụ ndu eshi ụzo,
ẹ-te vudodu nhamụnha
bẹ Ojejoje a-tụko ẹphe lẹ
ndu eme iphe dụ ẹji l'alị-a wofukota.
Tẹ ẹhu-agu bụkwaru kẹ Ízurẹlu.