1 Doko etapeamopa enjele pupu lapae mende kaitinya katao isa epeamo kandeo. Dokonya kopame yonge pee petae kateamopa, baanya aiyomba dokonya lipa kepa sia. Dopa piamopa baanya lengelyaapi doko niki tele petala, moko dolapo anda paka tao katele pia. 2 Dokopa* Ese 2:10 buku yakane mende baanya kinginya lyangapae siamopa moko tolae-tena solowata pete dokonya katatala koya-tena yuunya katea. 3 Baame* Wee 29:3-9; Jet 25:30; Emo 3:8 puu lao mena layone* layone Pa 4:7 doko kandape.kyaa lengeli pyoo pii leamopa, kaiti toka kalange leamo dutupame baanya pii yanu piami. 4 Kaiti* Dan 8:26; 12:4,9 toka kalange dutupame lateaminopa pepa pyalanya pio. Dopa piwaka doko kaitinya katao pii mende leamo dokome lao pituu, “Kaiti toka dutupanya pii lelyamo doko embame yalo petala pepa napyape,” lea.

5-6 Enjele* Dit 32:40; Dan 12:7* Jen 14:19,22; Eke 20:11; Nia 9:6; Wee 146:6 solowata petepa yuupanya kateamo dokome baanya kingi tolae-tena kaiti-kisa pyalyetala lao pituu, “Gote lete etete katawaka katenge dokome kaitipi, kaitinya silyamo dupapi, yuupi, yuunya silyamo dupapi, solowata petepi, solowata petenya silyamo dupapi, dupa wapuiyamo doko mauwana, kiningi etete gii doko etalanya pilyamo. 7 Enjele* Ese 12:28; Dan 9:6,10; Emo 3:7; Sak 1:6 kalange dokome baanya beto doko laanya pitamopa, wamba Goteme pitona lao yalo pyoo masetala baanya kalai pingi potopesa dupa lamaiyamo doko panao angi jetana,” lea.

8 Kaitinya katao pii epeamo sio dokome deaka namba langyoo, “Embame enjele solowata petepa yuupanya kalyamo dokonya kinginya buku lyangapae silyamo doko nyala puu,” lea. 9 Dokopa* Ese 2:8; 3:1-3 namba enjele doko kateasa pupala baa lamaiyoo, “Embame buku yakane doko namba dii,” leo. Dopa leopa baame namba langyoo, “Embame buku dake nyepala naa. Natenopa kambunya wapaka tambu tendu pili pyaapomoaka doko, mona kuii salapomona,” lea. 10 Dopa leamopa nambame buku yakane enjele kinginya siamo doko nyepala neo. Neopa nambanya kambunya wapaka tambu tende pili piamoaka doko, nao goee lateopa mona kuii sia.

11 Dokopa* Jet 1:9-10; 25:30; Dan 3:3-4 mendapuame namba langyoo, “Endakali yonge waka waka katengepi, pii wakale wakale lengepi, yuu dupa pitakanya endakali tata dupapi, kiŋi longo dupapi, dupa kandao Goteme pii lelyamo doko embame dee lamaipina,” leami.