1 Dokopa* Ais 14:12; Lu 10:18; Pa 20:1 enjele yuungi dokome baanya beto doko leamopa, kaitinya bui mende kondao isa yuunya kopo lea. Dopa piamopa yuli koo etete koko dokonya kii doko mendeme bui doko maiya. 2 Bui* Jen 19:28; Eke 19:18; Joe 2:2,10 dokome yuli dokonya kambu doko lumbapeamopa kena piamo doko ita andake tao kena pili pia. Dopa piamo dokome popotau doko kaita lyokao, niki tii doko sanga pyao iminjisia. 3 Dokopa* Eke 10:12-15 pauyombo mendapua kena kayapala isa yuunya mangeami. Mangeaminopa kanopato salenda dupa pupu lengemali pina lao mendeme pauyombo dupa pupu lasia. 4 Dokopa* Ese 9:4; Pa 7:3 mendeme dupa lamaiyoo, “Nyakamame ita tamopi, tanu tamopi, yuunya oo menda mendapi pyakalyingi dupa pitaka tamopi dupanya mende koyasala nayalapape. Dopaka doko, endakali langalu dupanya Gotenya kongali petae nakatenge dupa iki koyasalapape. 5 Nyakamame dupa tanda maiyoo kana yuungi katatamiaka doko, pyao kumasala nayalapape,” lea. Pauyombo dupame endakali nelyamopa kanopato salendame pyapae tanda pili pingi. 6 Kana* Jop 3:21; Jet 8:3; Lu 23:30; Pa 6:16 yuungi dutupanya endakali dupa kumamuali lao masetamiaka doko, kumala nayatami. Kiningi etete, kumawani kayatamiaka doko kumingi doko dupa-kisa naipata.

7 Nambame* Joe 2:4 pauyombo dupa kandeopa, yanda pyaanya mena osa dupa depa latae katengemali piami. Dokaitame balu golome wasepaele dupa manditae kateami. Dupanya lengelyaapi dupa endakali lengelyaapi jia. 8 Aiyomba* Joe 1:6 iti dupa endanya iti asili jia. Dupanya nenge dupa mena layone* layone Pa 4:7 doko kandape.nenge jia. 9 Sangali* Joe 2:5 dupanya yonge pee aeneme wasepaele dupa pee petae kateamopa, dupanya papa batau batau piamino dupa akali longome yanda pyaanya alo pingisa kii-kau lengeli pia. 10 Dupanya etenge puna dupa kanopato salenda etenge puna jepae dupanya endakali dupa kana yuungi koyasoo katapenge pupu lapae palea. 11 Yuli koo etete koko dokonya enjele doko pauyombo dupanya kiŋi joo katenge-pyaa. Doko Iputu pii lao baa kenge Apatone lenge. Gitiki pii lao baa kenge Apalyone† apalyone Kenge dokonya tenge doko koyasingi akali.lenge.

12 Kenda* Ese 7:5; Pa 8:13; 11:14 pipae wambao doko etapea. Dee lapoma silyamo dolapo tenda ipatana kanjepape!

13 Dee* Eke 30:1-3; Pa 8:3 enjele tokange dokome baanya beto doko leamopa, olata toko golome wasepae Gotenya enombatena katenge dokonya denge kitomende dutupanya kainanya pii mende leamo sio. 14 Pii* Pa 16:12 leamo dokome enjele tokange beto minatae kateamo doko lamaiyoo, “Enjele kitomende endaki andake Yupotisa matesa anjetae kalyamino dupa embame mokape,” lea. 15 Dopa* Pa 8:7-12 lateamopa baame enjele kitomende dutupa mokea. Enjele kitomende dutupame yuunya endakali dupa pitaka tepoma pyoo lita petala teponge doko pyao kumasalanya kilyoko giipi, koto giipi kanapi, ee kanapi dupa malisoo depa latae kateami. 16 Yanda singi amii mena osa maitanya pituu paenge dupanya itaki yaki doko milione kingi itaka kingi ita lapomana lea. 17 Dokopa* Jop 41:10-13 mena osapi, osa maitanya peteamino dupapi dupa kombea dokome kandeo. Osanya peteamino dupame yonge pee aeneme wasepae kate pyapaelepi, wene pyapaelepi, kakai pyapaelepi dupa petae peteami. Dee osa aiyomba dupa mena layone‡ layone Pa 4:7 doko kandape.aiyomba jiamopa itatepi, kenapi, kana itateme tao alupaepi§ kana tao alupae Kana tao alupae doko Gotenya imbu kaenge doko makande petae.dupa dokaitanya kambunya pyakaetae katea. 18 Kenda pipae tepoma pyakaetae kateamo dutupame endakali dupa tepoma pyoo lita petala teponge doko pyao kumasiami. 19 Doko, mena osa dutupanya pupu lapae dupa kambunya soo dee etengenya soaka pingi. Dupanya etenge kanopato aiyomba jepae dupame endakali koyasingima.

20 Kenda* Dit 32:15-17; Wee 115:4-7; 135:15-17; Ais 2:8,20; 17:8; Dan 5:4,23; Emo 4:6; 1 Ko 10:19-20; Pa 16:9,11 pipae tepoma dutupame endakali dokaita pyao kumaseteaminopa, yangi kateamino endakali dupame opale nyakamanya kingimi wasepae dupa maita maiya nayami. Dupame enjele koopi, opale golopi, silipapi, botonjapi, itapi, kanapimi gotena lao wasepae kapa pao lenge natao, pii nasoo, kaita napayao pipenge sambo gote dupa lao tama pyoo katao yakinala nayami. 21 Dopa pyoo pituu, endakali pyao kumasingipi, nemango lao oapi pingipi, endakalipi nyilya nyana pingipi pake nengepi, nyakamanya mana dupa maita maiya nayamiaka.