1 Sambasa* Dit 23:25 gii mendenya Jisasame wiisa ee kaina mendenya kaita peamopa, baanya disaipele dupame wiisa dii mendapua kii lao nyepapu kuka pinya nepata napa* napa Juta dupanya mana mendeme wiisa ee kainanya kaitini singi dupanya kaita endakali dupa payao pituu wiisa dii dupa kii lao nyoo napa pyoo paengema-pyaa.pyoo peami-pyaa. 2 Dopa* Eke 20:10; 23:12; Dit 5:14; Jo 5:10 piaminopa Patasi mendapuame lao pituu, “Aipuma nyakamame mana setapae dupa nepao Sambasa gii dokonya daa latae singi mana doko minilyamipi?” leami-pyaa. 3-4 Jisasame* 1 Sam 21:1-6* Lep 24:5-9 pii doko yanu pyao, “Nyakamame Dapitimi piamo doko pepanya itaki pyala nayamipi? Baapi baa-pipa awapa kateamino akali dupapimi lopo kayapala Gotenya losuu anda dokonya kolandatala betesa Gotenyana lao setapae pitisa dupame iki napenge dupa nyepala baa-pipa awapa kateamino dupa maiyoo nea-pyaana,” lea-pyaa. 5 Dopa latala Jisasame dokaita lamaiyoo, “Endakalinya Ikiningi dokome Sambasa gii doko isoo kalyamona,” lea-pyaa.

6 Dee* Lu 13:10-17; 14:1-6 Sambasa gii mendenya Jisasame Jutamanya losuu anda mendenya kolandatala endakali dupa mana lamaiyoo kateamopa, akali kingi tolae-kaita kumapae mende petea-pyaa. 7 Peteamopa mana setapae masingi akalipi dee Patasipi dupame Jisasa kosimi lamana lao masetala baame endakali yaina pyapae mende Sambasa gii dokonya mee injisilyape daape lao baa isokondape pyoo peteami-pyaa. 8 Dopa* Lu 5:22; 9:47 lao masoo peteamino doko kandatala Jisasame akali kingi kumapae doko lamaiyoo, “Emba sakatatala ipao kaina dakenya toya kata!” lea-pyaa. Akali doko sakatatala toya katea-pyaa. 9 Dokopa Jisasame dokaita lamaiyoo, “Nambame nyakama pii mende pisilyo. Mana setapae dupame naima langyoo aipa lelyape? Sambasa gii dokonya koo pipenge doko kapa pelyape, pande epe pipenge doko kapa pelyape? Endakali mende pyao kumasepenge doko kapa pelyape, pande pyoo nyepenge doko kapa pelyape?” lea-pyaa. 10 Dopa latala baame endakali pitaka kandayoko lao kandatala akali doko lamaiyoo, “Embanya kingi doko tinoka!” lea-pyaa. Akali dokome Jisasame leamoli piamopa kingi doko dee auu pia-pyaa. 11 Dopaka* Lu 11:53 doko, Patasipi mana setapae masingi akalipi dupame etete imbumi kumapala lao pituu, “Naimame Jisasa doko aipa pimape?” lao nyakamalapo leami-pyaa.

12 Gii* Lu 3:21; 5:16; 9:18,28; 11:1 dokopa Jisasame manda mendenya loma salanya pyakalyia-pyaa. Pyakalyetala Gote lao loma soo katao yuu kuisetala yongasia-pyaa. 13 Yuu* Jo 6:70 yongateamopa* Ap 1:13 baame baanya disaipele dupa epena latala akali kingi ita-kisa dee lapoma dutupa yapao nyia-pyaa. 14-16 Akali Saimone doko Jisasame kenge mende Pita leamo dokopi, Saimonenya kaiminingi Endutu dokopi, Jemesapi, Jonepi, Pilipapi, Batolomyupi, Matyupi, Tomasapi, Jemesa lenge Aopiasa ikiningi dokopi, Saimone† saimone Kenge Saimone doko Iputu pii lao Saimone Kenanayosa lenge. Gitiki pii lao Saimone Selote lenge. Kenge dolaponya tenge doko baame Gotepi Gotenya mana makandepi etete watao minawanimi kumingi. Mt 10:4 doko kandape.kenge mende Selote lenge dokopi, Jutasa lenge Jemesa ikiningi dokopi, Jutasa Isaketiote lenge Jisasa enge nyiamo akali dokopi dutupa yapao nyepala kenge aposele lea-pyaa.

17 Jisasame* Mt 5:1-2* Mk 3:7-12 akali dutupa-pipa yuu lama mendasa lanao ipupala baanya disaipele longopi, Jutia yuu doko pitakanya endakali etete longo epeamino dupapi, Jetusaleme tangepi, solowata pete andake dokonya lembanya yuu singi Taya tangepi, Saitone tangepi dupa awapa kateamiaka-pyaa. 18 Dokaitame Jisasanya pii doko salanya ipao pituu dee baame nyakamanya yaina dupa mee injisekena lao epamiaka-pyaa. Enjele koo dupame endakali kenda pisiamo dupa epeaminopa Jisasame dupanya enjele koo paleamo dupa watao nepakamaiyoo mee injisakamaiya-pyaa. 19 Jisasanya* Mt 9:21; 14:36; Mk 5:30; Lu 5:17; 8:45-46 pupu lapae dokome endakali auu pisiamosa endakali pitakame baa kingimi watandalanya ipata piami-pyaa.

20 Dokopa Jisasame baanya disaipele dupa kandatala lao pituu,

22 “Endakali* Jo 6:2; 9:22; 15:19; 1 Pi 4:14 dupame nyakama kandao imbu kaengyowapi dee nyakama maka kayapala pii koo lawaka nyakamanya lao nambonambo pyowapi pitaminopa, dokaitame Endakalinya Ikiningi doko daa lao masetala dopa pilyaminona lao nyakama mona yaepao katatami. 23 Endakali* 2 Ktl 36:16; Ap 7:52 dupame nyakama kandao dopa lataminopa, nyakamame nyakamanya yole etete andake kaiti-kisa silyame lamona lao masoo mona yaepao lyoo katatami. Dupanya yumbange dupame potopesa dupa kandao dopaka piami daape!

27 “Dopana,* Lo 12:17; 1 Ko 6:7 nyakama nambanya pii silyamino dupa dapa lao langilyo: nyakamame nyakamanya yandapipi dupa-pipa auu kayao kalyepape. Nyakama kandao imbu kaengelyamino endakali dupa nyakamame mana epe lamaiyepape. 28 Nyakama* 1 Pi 3:9 koyasalanya pii lelyamino endakali dupa auu pyoo katena lao Gote lao loma sakamaiyepape! Dee nyakama minakasoo kenda pisilyamino endakali dupa lao masetala Goteme kondo kaena lao loma salapape! 29 Akali* Pot 21:26 mendeme embanya wakena yangi takyoo pia kandeno dokopa, embame kapilyetala yangi etete pina lapeaka. Akali mendeme embanya yonge pee pingi kisa doko nyia kandeno doko, isa pingi doko awapa daa laa naenya nyina kayapeaka. 30 Endakali* Lu 12:33 dupame oapi mende emba-kisa tee latamino doko embame maipi. Akali mendeme embanya oapi mende nyia kandeno doko, embame yanu pyekena laa nayape. 31 Endakali* Mt 7:12 dupame nyakamanya pyakapimili lao masetamili pyoaka nyakamame dupanya pyakamaiyepape.

32 “Nyakamame* Lu 14:12-14 endakali nyakama auu kayatamino dupa iki auu kayatamino kandao doko, apimi nyakamanya mana doko ‘Yaka minilyaminona,’ lakatape? Endakali koo mana minao paenge dupame dokaita auu kayatamino endakali dupaka auu kaengema daape. 33 Endakali nyakama auu pisingima dupa iki itingi auu pisatamino kandao doko, apimi nyakamanya mana doko ‘Yaka minilyaminona,’ lakatape? Endakali koo mana minao paenge dupame dokaita auu kayamailyamino endakali dupaka auu kayamaingima daape. 34 Nyakamame* Pot 21:26 nyakamanya oapi mende yanu pyapenge endakali dupa iki maitamino kandao doko, apimi nyakamanya mana doko ‘Yaka minilyaminona,’ lakatape? Mana koo minao paenge endakali dupame dopale yango dupa oapi maitala dopaka pyoo yanu nyemana lao masingima daape. 35 Dopana,* Lep 25:35-36; Mt 5:9 nyakamame nyakamanya endakali yandapipi dupa auu kayalapape! Nyakamame dupa auu kayao oapi mende maitala yanu pyakatamina lao masala nayalapape. Nyakamame dopa pitaminopa etete epe mende nyakama-kisa seta. Dee nyakama Etete Ketae Katenge dokonya ikiningi katatamiaka. Epe nyilyamino dupanya tange doko lao masala naenge endakali dupapi koo pingi endakali dupapi dupa kandao Goteme kondo kaenge. 36 Nyakamanya* Lu 15:1-7 Takange kaitinya katenge dokome nyakama kondo kaengeli pyoo nyakamame endakali dupa kondo kayalapape.

37 “Nyakamame* Eke 34:6-7; Mt 6:14; Je 2:13 endakali mende koo epe lao yapala nayalapape! Dokopa Goteme nyakama koo epe lao yapala nayataka. Nyakamame endakali mende-kisa tenge setamopa kenda pisala nayalapape! Dokopa Goteme nyakama kenda pisala nayataka. Nyakamame dokaitanya koo pingi yanu dupa kayalapape! Dokopa Goteme nyakamanya koo dupa kunanya nepakata. 38 Nyakamame* Pot 12:14; Mk 4:24; Ap 20:35 nyakamanya epe dupa endakali dupa maiyepape. Dopa pitaminopa Goteme epe dupa nyakama dita. Baame eteteaka longo dupa dyoo tumbasetala minao lyanda lyanda lao tuu lanya pyandatamopa eteteaka tumbao kai lala pupenge jeta. Dopa pyoo Goteme nyakama oapi dupa sanga pyata. Nyakamame endakali dupa maitaminoliaka pyoo Goteme nyakama ditana,” lea-pyaa.

39 Dopa* Mt 15:14 latala Jisasame pii dokonya waipa soo dee kongali mende dokaita lamaiyoo, “Akali lenge koo mendeme lenge koo yango mende kapa pao kaitini laitaka pitape, pande lapota yuli mendenya pyakatambipi? Dolapo yulinya pyakatambi daape! 40 Dee* Mt 10:24-25; Jo 13:16; 15:20 disaipele mendeme baa mana lamaingi dokonya alyasale joo nakatenge. Dopaka doko, baa mana nyoo etapala baa mana lamaingi dopale jeta.

41 “Aipuma embame emba tangenya lenge dokonya ita waiyepae andake silyamo doko nakandenya embanya endakali yango mendenya lengenya kuni silyamo doko kandakamaiyoo kalyepe? 42 Embame emba tangenya lenge dokonya ita waiyepae andake silyamo doko kandala naeleno doko aipa pyoo embanya endakali yango doko kandao, ‘Kaimia, embanya lengenya kuni silyamona nyakatoo,’ latepe? Emba sambo akali epe jili pyoo kalyeno! Wambao embanya lengenya ita waiyepae andake silyamo doko nyoo nepao embanya lenge takondape petala endakali yango mendenya lenge kuni silyamo doko kapa pao nyoo nepakamaitina,” lea-pyaa.

43 “Ita* Je 3:11-12 epe dupame dii koo namandenge. Ita koo dupame dii epe namandengeaka. 44 Ita* Mt 12:33 mendenya dii mandelyamo dupa endakali dupame wambao kandatala ita angi doko dopale lamo lao masingima. Endakali mendeme makua ita mendenya kapa pao anga lyao nanyingi. Dee ikililyambu kende mendenya kopi lyao nanyingiaka daape. 45 Endakali* Mt 12:34; Mk 7:20 epe mendeme baanya monanya mana epe palelyamo dokoaka miningi. Dee endakali koo mendeme baanya monanya mana koo palelyamo dokoaka miningi. Endakali monanya palelyali pyoo kambunya pyakalyingina,” lea-pyaa.

46 “Nyakamame* Mal 1:6; Mt 7:21 namba kandao, ‘Kamongo, Kamongo,’ lelyaminoaka doko, aipuma nambanya pii doko watao minala naelyamipi? 47 Akali* Je 1:22-25 mende namba-kisa ipao nambanya pii soo latoli pitamo akali doko dapalena lao langilyona salapape! 48 Akali dokome baanya anda pyaanya muku minapala yuu kyoto mendasa anda pia-pyaa. Dopa peteamopa maitakao endaki andake lyiamopa anda doko takyalanya piamoaka doko, baame anda doko kyoto joo piamo dokonya emapi mende napia-pyaa. 49 Dopaka doko, endakali mendeme nambanya pii doko sepala watao minala naenge akali doko dapale: baame baanya anda piamo doko muku minala naenya mee yuunya piamosa maitakao endaki lyepala anda doko yapa takyepala etete koya-pyaana,” lea-pyaa.