6
1 Lekin Pǝrwǝrdigar Musaƣa: — Əmdi sǝn Mening Pirǝwngǝ ⱪilidiƣanlirimni kɵrisǝn; qünki u ⱪudrǝtlik bir ⱪoldin mǝjburlinip, ularni ⱪoyup beridu, ⱪudrǝtlik bir ⱪolning sǝwǝbidin ɵzining zeminidin ularni ⱪoƣlap qiⱪiriwetidu, — dedi.
2 Andin Huda Musaƣa yǝnǝ sɵz ⱪilip mundaⱪ dedi: — Mǝn Pǝrwǝrdigardurmǝn. 3 Mǝn Ibraⱨimƣa, Isⱨaⱪⱪa wǝ Yaⱪupⱪa Ⱪadir-mutlǝⱪ Tǝngri süpitidǝ kɵründüm; lekin «Yaⱨwǝⱨ» degǝn namim bilǝn ularƣa axkara tonulmidim. □ «Yaⱨwǝⱨ» — muxu namni adǝttǝ «Pǝrwǝrdigar» dǝp tǝrjimǝ ⱪilimiz. «Yaⱨwǝⱨ» degǝn namim bilǝn ularƣa axkara tonulmidim» degǝn sɵzlǝr toƣruluⱪ «ⱪoxumqǝ sɵz»imizni kɵrüng. 4 Mǝn ular bilǝn: — «Silǝr musapir bolup olturƣan zeminni, yǝni Ⱪanaan zeminini silǝrgǝ berimǝn» dǝp, ular bilǝn ǝⱨdǝ baƣlixip wǝdǝ ⱪilƣanmǝn. 5 Əmdi Mǝn misirliⱪlar ⱪul ⱪilip zulum salƣan Israillarning aⱨ-zarlirini anglap, ⱪilƣan xu ǝⱨdǝmni esimgǝ aldim.
6 Xunga Israillarƣa mundaⱪ degin: — «Mǝn Pǝrwǝrdigardurmǝn; Mǝn Ɵzüm silǝrni misirliⱪlarning eƣir yükliri astidin qiⱪirip, ularning ⱪulluⱪidin azad ⱪilip, ⱪolumni uzitip ularƣa qong balayi’apǝtlǝrni qüxürüp, silǝrgǝ ⱨǝmjǝmǝt bolup ⱨɵrlükkǝ erixtürimǝn. □ «silǝrgǝ ⱨǝmjǝmǝt bolup ⱨɵrlükkǝ erixtürimǝn» —ibraniy tilida «gaal» degǝn bir peil bilǝnla ipadilinidu. Bu peil toƣruluⱪ «Tǝbirlǝr» wǝ «Ayup» 19:25 wǝ izaⱨatinimu kɵrüng. 7 Silǝrni Ɵz ⱪowmim boluxⱪa ⱪobul ⱪilimǝn wǝ Ɵzüm Hudayinglar bolimǝn; xuning bilǝn silǝr ɵzünglarni misirliⱪlarning yüklirining astidin ⱪutⱪuzup qiⱪarƣuqining Mǝn Hudayinglar Pǝrwǝrdigar ikǝnlikini bilisilǝr. 8 Mǝn xuning bilǝn silǝrni ⱪol kɵtürüp Ibraⱨimƣa, Isⱨaⱪⱪa wǝ Yaⱪupⱪa berixkǝ ⱪǝsǝm ⱪilƣan zeminƣa elip barimǝn; Mǝn u yǝrni silǝrgǝ miras ⱪilip zeminliⱪⱪa berimǝn; Mǝn Pǝrwǝrdigardurmǝn».
9 Bularning ⱨǝmmisini Musa Israillarƣa dǝp bǝrdi; lekin ular eƣir ⱪulluⱪ azabidin piƣanƣa qüxkǝn bolup, uningƣa ⱪulaⱪ salmidi.□ «piƣanƣa qüxkǝn bolup,...» — yaki «sǝwrsizliktin qidimay,...»
10 Andin Pǝrwǝrdigar Musaƣa yǝnǝ: — 11 Berip Misirning padixaⱨi Pirǝwngǝ: «Israillarning zeminingdin ketixigǝ yol ⱪoy», dǝp eytⱪin, dedi.
12 Lekin Musa Pǝrwǝrdigarning aldida: Mana, Israillar manga ⱪulaⱪ salmiƣan yǝrdǝ, Pirǝwn ⱪandaⱪmu mǝndǝk kalpuki hǝtnǝ ⱪilinmiƣan bir adǝmgǝ ⱪulaⱪ salsun? — dedi.□ «kalpuki hǝtnǝ ⱪilinmiƣan» — bu sɵzlǝr bilǝn Musa ɵzining aƣzi kalwa bolupla ⱪalmay, yǝnǝ (ɵzining 4:10-17dǝ hatirilǝngǝn Hudaƣa bolƣan ⱪaⱪxaxlirini ǝslǝp) ɵzining Hudaning aldida heli nalayiⱪ ixlarni ⱪilƣanliⱪini, gǝp-sɵzdǝ gunaⱨi bar adǝm ikǝnlikinimu kɵrsǝtmǝkqi.
13 Əmma Pǝrwǝrdigar Musa wǝ Ⱨarunƣa sɵzlǝp, ularning Israillarƣa wǝ Misirning padixaⱨi Pirǝwngǝ Israillar toƣruluⱪ: — «Ular Misir zeminidin elip qiⱪirilsun» degǝn ǝmr yǝtküzüxini buyrudi.
Musa bilǝn Ⱨarunning ǝjdadliri, nǝsǝbnamisi
14 Tɵwǝndikilǝr jǝmǝt baxliⱪliri: — Israilning tunji oƣli bolƣan Rubǝnning oƣulliri Ⱨanuⱪ, Pallu, Ⱨǝzron wǝ Karmi. Bular bolsa Rubǝnning nǝsilliri idi.■ Yar. 46:9; Qɵl. 26:5; 1Tar. 5:3
15 Ximeonning oƣulliri: — Yǝmuǝl, Yamin, Oⱨad, Yaⱪin, Zoⱨar wǝ ⱪanaanliⱪ ayaldin bolƣan Saullar idi; bular Ximeonning nǝsilliri idi.■ Yar. 46:10; Qɵl. 26:12; 1Tar. 4:24
16 Lawiyning oƣullirining isimliri, nǝsǝbnamilirigǝ asasǝn: Gǝrxon, Koⱨat wǝ Mǝrari; Lawiyning ɵmrining yilliri bir yüz ottuz yǝttǝ yil boldi.■ Yar. 46:11; Qɵl. 3:17; 26:57; 1Tar. 6:1-30
17 Gǝrxonning oƣulliri aililiri boyiqǝ: — Libni wǝ Ximǝy.■ 1Tar. 6:2; 23:7
18 Koⱨatning oƣulliri: — Amram, Yizⱨar, Ⱨebron bilǝn Uzziǝl. Koⱨat bir yüz ottuz üq yil ɵmür kɵrdi.■ 1Tar. 6:3; 23:12
19 Mǝrarining oƣulliri: — Maⱨli wǝ Muxi. Bular nǝsǝbnamiliri boyiqǝ Lawiyning nǝsilliri idi.■ 1Tar. 6:4; 23:21
20 Amram ɵz ⱨammisi Yokǝbǝdni hotunluⱪⱪa aldi, Yokǝbǝd uningƣa Ⱨarun wǝ Musani tuƣup bǝrdi. Amram bir yüz ottuz yǝttǝ yil ɵmür kɵrdi.□ «Amram ɵz ⱨammisi Yokǝbǝdni hotunluⱪⱪa aldi» — xu qaƣda ɵz ⱨammisini hotunluⱪⱪa elix mǝn’i ⱪilinƣan ǝmr («Law.» 18:12-23) tehi Israilƣa berimligǝnidi. ■ Mis. 2:1; Qɵl. 26:59
21 Yizⱨarning oƣulliri: — Koraⱨ, Nǝfǝg wǝ Zikri idi.
22 Uzziǝlning oƣulliri: — Mixaǝl, Əlzafan wǝ Sitri idi.
23 Ⱨarun bolsa Naⱨxonning singlisini, yǝni Amminadabning ⱪizi Elixebani hotunluⱪⱪa aldi. U uningƣa Nadab bilǝn Abiⱨuni, wǝ Əliazar bilǝn Itamarni tuƣup bǝrdi.■ Qɵl. 3:2; 26:60; 1Tar. 5:29; 24:1
24 Koraⱨning oƣulliri: — Assir, Əlkanaⱨ wǝ Abi’asaf; bular Koraⱨlarning nǝsilliri idi.
25 Ⱨarunning oƣli Əliazar Putiǝlning ⱪizlirining birini hotunluⱪⱪa aldi; u uningƣa Finiⱨasni tuƣup bǝrdi; bular bolsa ɵz nǝsǝbi boyiqǝ ⱨǝmmisi Lawiylarning jǝmǝt baxlⱪliri idi.
26 Pǝrwǝrdigarning: — Israillarni ⱪoxunlardǝk top-topi bilǝn Misir zeminidin elip qiⱪinglar, degǝn ǝmrini tapxuriwalƣuqilar dǝl muxu Ⱨarun bilǝn Musa idi. 27 Israillar Misirdin qiⱪirilsun, dǝp Misirning padixaⱨi Pirǝwngǝ sɵz ⱪilƣanlar dǝl bu kixilǝr, yǝni muxu Musa bilǝn Ⱨarun idi.
Ⱨarunning Musaƣa wakalitǝn sɵzlixi
28 Pǝrwǝrdigar Misirning zeminida Musaƣa sɵz ⱪilƣan waⱪtida 29 Musaƣa: «Mǝn Pǝrwǝrdigardurmǝn. Sanga eytⱪinimning ⱨǝmmisini Misirning padixaⱨi Pirǝwngǝ degin», dǝp ǝmr ⱪildi.
30 Lekin Musa Pǝrwǝrdigarning aldida: — Mǝndǝk kalpuki hǝtnǝ ⱪilinmiƣan bir kixigǝ Pirǝwn ⱪandaⱪmu ⱪulaⱪ salsun?» — dǝp jawap bǝrgǝnidi.■ Mis. 6:12; Mis. 4:10
□6:3 «Yaⱨwǝⱨ» — muxu namni adǝttǝ «Pǝrwǝrdigar» dǝp tǝrjimǝ ⱪilimiz. «Yaⱨwǝⱨ» degǝn namim bilǝn ularƣa axkara tonulmidim» degǝn sɵzlǝr toƣruluⱪ «ⱪoxumqǝ sɵz»imizni kɵrüng.
□6:6 «silǝrgǝ ⱨǝmjǝmǝt bolup ⱨɵrlükkǝ erixtürimǝn» —ibraniy tilida «gaal» degǝn bir peil bilǝnla ipadilinidu. Bu peil toƣruluⱪ «Tǝbirlǝr» wǝ «Ayup» 19:25 wǝ izaⱨatinimu kɵrüng.
□6:9 «piƣanƣa qüxkǝn bolup,...» — yaki «sǝwrsizliktin qidimay,...»
□6:12 «kalpuki hǝtnǝ ⱪilinmiƣan» — bu sɵzlǝr bilǝn Musa ɵzining aƣzi kalwa bolupla ⱪalmay, yǝnǝ (ɵzining 4:10-17dǝ hatirilǝngǝn Hudaƣa bolƣan ⱪaⱪxaxlirini ǝslǝp) ɵzining Hudaning aldida heli nalayiⱪ ixlarni ⱪilƣanliⱪini, gǝp-sɵzdǝ gunaⱨi bar adǝm ikǝnlikinimu kɵrsǝtmǝkqi.
■6:14 Yar. 46:9; Qɵl. 26:5; 1Tar. 5:3
■6:15 Yar. 46:10; Qɵl. 26:12; 1Tar. 4:24
■6:16 Yar. 46:11; Qɵl. 3:17; 26:57; 1Tar. 6:1-30
□6:20 «Amram ɵz ⱨammisi Yokǝbǝdni hotunluⱪⱪa aldi» — xu qaƣda ɵz ⱨammisini hotunluⱪⱪa elix mǝn’i ⱪilinƣan ǝmr («Law.» 18:12-23) tehi Israilƣa berimligǝnidi.
■6:23 Qɵl. 3:2; 26:60; 1Tar. 5:29; 24:1