16
Mbe mba harathɨgi thuuri, nta Fhe Bakɨmen ndav shirɨ bakɨme ki, mbe mba ndav shirɨ bakɨme sia sui.
1  Sng 69.24; Ais 66.6; Jer 10.25; Ese 22.31; Sef 3.8; VB 14.10; 15.1; 15.7; 16.17Gu mbara mbararagim, guma mbe kamthooŋ Fhe Bakɨme Phena vhen ka nzuai. Ana nzuav khɨrɨv, mba harathɨgi enserir kaav, khaŋ nzuai, “Nde mba harathɨgi thuuri Fhe Bakɨmen ndav shirɨ bakɨme ntan ki, nde nta siv, kha nuiana suri.”
2  Kis 9.10; Lo 28.35; VB 8.7; 13.12-17Ana maaŋ nzuaim, mba fharigi enser vov, won thuuŋ siav, nuiana suagi. Ana ana sia suagim, nzuur meeiŋ, nta mba ruaŋruaŋgi sɨgar tum kav, vhɨra anan tuma kargi bigɨna rotu mbui gumgi gum mbigir hegap shim, mbe ntan zaagi ndi.
3  Kis 7.17-21; VB 8.8-9Mba fharigi enser thɨgi enser won thuuŋ siav mbasɨga suagi. Ana ana siav, mbasɨga suagim, mbasɨk mbɨ gangan guma rimgim, ana vɨzɨn gɨmgi fara muuŋgi. Mbasɨk mba khesharav vɨzɨna gegi. Mba mbasɨgar ŋamki bigi, nta za vhɨzgi.
4  Kis 7.17-21; Sng 78.44; VB 8.10Mba fharigi enserni thɨgi enser, ana won thuuŋ siav, phara bakɨvi ga suav, phara ntogi ga suav, vhɨra mɨmɨr kav hi mbogi phara suagi. Mba phara gu mbogi phara za vɨzɨna gegi. 5  Sng 119.137; VB 1.4; 1.8; 11.17; 15.3Gu mbararagim, mba phara gari enser khaŋ nzuai,
 
“Fhe Bakɨme, ndu ntige khar ki, ndu fhum guarara ki.
Ndun tɨvi, nta guigira nzerav, guigira ŋgarigi.
Ndu kha gumgi gu mbigi ndu mben tɨvi, ndu za nta gangiap, ndu mben hɨrga bigi mbatɨgi, ndu nta nzuaim, nta mben hi.
Ndu nzuai buni, nta guigira za nzerigi.
6  Sng 79.3; Ais 49.26; Mt 23.34-35; VB 11.18; 13.15; 18.20Mba gumgi gu mbigi, mbe ndun kamthooŋ gumgi, mbe mbe shogim, mbe vhɨzgim, mbe vhɨra ndun gumgi gu mbigi shogim, mbe vhɨzgi.
Mbe mbe shogim, mbe vɨzi sia suegi.
Maaŋ muuŋgiap, ndu vɨzɨnan mba gumgi gu mbigi mbatɨgir nɨɨŋgim, mbe anan mbɨri.
Ne guigira, mbe muuŋgi tɨvi mbatɨgi ŋgarkarav nzerara maaŋ mbe mbui.”
 
7  Sng 19.9; VB 13.10; 15.3; 16.14; 19.2Gu wom mbararagim, mba ndɨga vhuuŋ hi ruina mpooi artarar guma mbe kamthooŋ khaŋ nzuai,
 
“Guma Bakɨme, ndu Guigira Ŋkasŋka Ki Fhe Bakɨme ma.
Ndu kha nuianan ki gumgi gu mbigi mbui tɨvi ga nzuav mbe nzuai guma ma.
Khueŋ vhɨra, ndu guigi guara, ndun tɨvi garav, mbe nzuav nzuai buni, nta guigi guarara, nta vhɨra za nzerigi.”
 
8  VB 8.12; 14.18Mba fethɨgi enser, ana wo thuuŋ siav ra suagim, Fhe Bakɨme fhura ra garim, ana shirɨ guigira shigap, mba gumgi gu mbigi, ana guigira mbe tui. 9  Dan 5.22-23; VB 9.20-21; 11.13; 14.7; 16.21Mba ran vhava bakɨme, ana guigira shirɨ mbatɨga muuŋgiap, guigira tu mbatɨgar mba gumgi gu mbigi ga mbui. Mbe Fhe Bakɨme zɨ zitav, ana nzɨɨv, buni mbatɨgir ana nzuai. Mba Fhe Bakɨme, ana mben hi bigi mbatɨgi gari ŋkasŋka ki. Ana maaŋ mbe mbuim, mbe ndavi domdorav ana zɨ ndi vun kuamkuagi fhu. 10  Kis 10.21-22; Ais 8.22; VB 9.2; 9.20-21; 11.10; 13.2; 16.21Mba meeŋthɨgi enser, ana won thuuŋ siav, mba ruaŋruaŋgi sɨgar ŋgui vhɨrve gari guman pan pigi mpirmpirɨga suagi. Ana ana sia suagim, gɨngɨn bakɨme mba ruaŋruaŋgi sɨgar ŋkasŋkar piin ki ŋgun ki gumgi gu mbigi vharigi. Mbe guigira zaa mbatɨga guarara ndi. Mbe maaŋ mbuav, mbe wari won zeri ga biav, nta gori. 11 Mbe mba ndi zaagi ga ndɨkndɨgap, mbe vhɨra mbe fhavir ki nzuu, mbe nta ndɨkndɨgap, mbe Hevenan ki Fhe Bakɨme, mbe ana nzɨɨv, buni mbatɨgir ana nzuai.
12  Ais 11.15; 41.2; 41.25; Jer 50.38; VB 9.14Mba mporathɨgi enser won thuuŋ siav, Ufretis mbɨ bakɨme suagi. Ana ana siav, ana suagim, mba mbɨ za mbaagiap, shaa rɨgi. Ana shaa rɨgap, mbu ra ndai fhain ki ŋgui vhɨrve gari gumgir pani ga nzuav tuav ga muuŋgi. 13  1 Zo 4.1-3; VB 12.3; 12.9; 19.20; 20.10Gu mbara garav, gu ŋina mbatɨga phuni khegene garim, nta khivi gangana mbuav hegi. Nta hegap, mbevi mba kuruga bakɨme kamthoon kim, mbevi mba ruaŋruaŋgi sɨga kamthoon kim, mbevi mba Fhe Bakɨmen kamthooŋ guman wo shɨkshɨgip fhura gumgi gu mbigi guiguigi guman kamthoon ki. a Mba bigi guiguigi kamthooŋ guma, ana mba fharigi ruaŋruaŋgi sɨgɨra thɨgi ruaŋruaŋgi sɨk ma. Ana mba fharigi ruaŋruaŋgi sɨgar kamthooŋ guma ma. Ana mba fharigi ruaŋruaŋgi sɨgar tuma kargi bigɨna rotur muun zav mba gumgi gu mbigi ga suaŋgi. Ndu Vhagi Buni 13.11 kegɨp, ganɨ ŋgɨp, 16 thɨgɨri. 14  2 Te 2.9; 1 T 4.1; Ze 3.15; VB 16.7; 17.14; 19.6; 19.15; 19.19-20Mba ŋiniŋgi mbatɨgi guarira, nta mbarkɨrga mirikori ga mbuav, za kha ŋgui bakɨvir za kha nuianan mba ŋgui vhɨrve gari gumgir panin haa ruav, mbe mbui. Mbe mben muuŋrim, mbe wari won ntari ga mbui gɨɨtɨvi fukfugɨp, mbe bevahɨrga, mbe ntara khavɨrga. Mbe za kha ŋkasŋkagi ki Fhe Bakɨme, za kha nuianan ki gumgi gu mbigi muuŋgi tɨvi gangiap, mbe suanga tuga bakɨmen, mbe ana phorgɨ shogɨrga.
15  Mt 24.43-44; Ru 12.39-40; 2 Ko 5.3; 1 Te 5.2; 2 Pi 3.10; VB 3.3; 3.18Guma Bakɨme khaŋ nzuai, “Nde mbarara! Gu vhemkora kɨɨi guma kɨmɨn za zi farar muuŋgip nden hɨgɨrga. Maaŋ muuŋgiap, guma ana kui fhu, ana wo shagi ndi won hara suegap ki ana ndikndigɨri. Ne khaŋ muuŋgi, ana fhura mbugumra ŋgɨgɨrim, kha gumgi gu mbigi ana fhava ndera gangirga, ana nen mberɨrga tuktɨgi fhuvara.”b Mba ves 15 ki kameŋ, ne Zisas Krais nduara suaŋgi kameŋ ma.
16  Het 5.19; Sek 12.11; VB 19.19Mba ŋiniŋgi mbatɨgi mba ŋgui vhɨrve gari gumgir panin kov zav, mba ŋanen zegap, mbe wari fugi. Mbe mba wari fugi ŋaneŋ, mbe Hibruiŋ kaman kha zitɨr mba ŋaneŋ ga mbui, Armagedon. c Kha zɨ Armagedon, ana khaŋ muuŋgi, “Megido Mbɨkshɨm ma.” Fhum Isrerir pana gumgi, mbe phorga shogap, mbe ŋgui vhɨrve gari guman pan Zosaia mbe Megido ŋgu bakɨme han ana shogim ana rimgi. Ndu 2 King 23.29 kegɨp ganɨ ŋgɨp 30 thɨgɨri. Ndu vhɨra 2 Stori 35.20 kegɨp ganɨ ŋgɨp 24 thɨgɨri. Maaŋ muuŋgiap, bigi kaŋgi gumgi mbari kha ndɨkndɨga mbui. Kha zɨ ana guigira Megido nzuai fhuvara. Mbe kha ndɨkndɨga mbui. Ana bigɨn mueŋ vhunama sav Megido ŋgu vhunama dagi. Mba ntari ga mbui gɨɨtɨvi, mbe mba ŋgun ŋgɨp, mba za mbatɨgip za fhɨri regɨrga.
17  VB 16.1Mba harathɨgi enser wo thuuŋ siav, buiva suagi. Ana ana sia suagim, Hevenan Fhe Bakɨme Phenan ŋgui vhɨrve gari guman pana pigi mpirmpirɨgar guma kamthooŋ mbe khɨrɨv kaav khaŋ nzuai, “Mba bigi vhɨzgi.” 18  Dan 12.1; VB 4.5; 8.5; 11.13; 11.19Ana maaŋ nzuaim, mba buip vhekvhegap, fhura shɨkshɨga ndogi, khɨkhɨɨ bakɨvi him, buip phɨrerim, khɨmkhɨk bakɨme kha nuianan mbui. Mba khɨmkhɨk, ana guigira kɨvgi. Fhe Bakɨme fhara guarara kha nuiana muuŋgi tugen kegap zav ntige khar ki tugen ki, gumgi gu mbigi, mbe maaŋ muuŋgi khɨmkhɨga the garim, ana muuŋgi fhuvara. 19  Ais 51.17; Jer 25.15-16; VB 14.8-10; 17.18; 18.5Mba khɨmkhɨk mbuim, Babiron ŋgu bakɨme rɨgɨra shɨgeregap, fɨga mpuani khegene ga gegi. Kha nuianan ki ŋgui bakɨvi za mbatɨgi. Fhe Bakɨme mba Babiron ŋgu bakɨme muuŋgi tɨvi ga ndɨrgap, ana Babiron ŋgu bakɨme muuŋgim, ana won wain mbɨ thama pi. Mba wain mbɨn tham, ana guigira Fhe Bakɨmen ndav shɨrɨ bakɨ guar ma. 20  VB 6.14Mba khɨmkhɨk mbuim, mba rɨgɨkɨrivige, nta za mbar vegi. Mbɨkshɨɨ, nta vhɨra wom ki fhu. 21  Kis 9.23-24; VB 11.19; 16.9-11Ais bakɨme mbok fara muuŋgiap zeri. Mba aisan simtɨk 50 kirogram fara muuŋgi. Mba ais zerav mba gumgi gu mbigi, ana guigira mben farfagi. Maaŋ muuŋgiap, mbe mba ais mben farfagi ne nzuav, Fhe Bakɨme nzɨɨi buni mbatɨgir Fhe Bakɨme suaŋgi.

16:1 Sng 69.24; Ais 66.6; Jer 10.25; Ese 22.31; Sef 3.8; VB 14.10; 15.1; 15.7; 16.17

16:2 Kis 9.10; Lo 28.35; VB 8.7; 13.12-17

16:3 Kis 7.17-21; VB 8.8-9

16:4 Kis 7.17-21; Sng 78.44; VB 8.10

16:5 Sng 119.137; VB 1.4; 1.8; 11.17; 15.3

16:6 Sng 79.3; Ais 49.26; Mt 23.34-35; VB 11.18; 13.15; 18.20

16:7 Sng 19.9; VB 13.10; 15.3; 16.14; 19.2

16:8 VB 8.12; 14.18

16:9 Dan 5.22-23; VB 9.20-21; 11.13; 14.7; 16.21

16:10 Kis 10.21-22; Ais 8.22; VB 9.2; 9.20-21; 11.10; 13.2; 16.21

16:12 Ais 11.15; 41.2; 41.25; Jer 50.38; VB 9.14

16:13 1 Zo 4.1-3; VB 12.3; 12.9; 19.20; 20.10

a16:13 Mba bigi guiguigi kamthooŋ guma, ana mba fharigi ruaŋruaŋgi sɨgɨra thɨgi ruaŋruaŋgi sɨk ma. Ana mba fharigi ruaŋruaŋgi sɨgar kamthooŋ guma ma. Ana mba fharigi ruaŋruaŋgi sɨgar tuma kargi bigɨna rotur muun zav mba gumgi gu mbigi ga suaŋgi. Ndu Vhagi Buni 13.11 kegɨp, ganɨ ŋgɨp, 16 thɨgɨri.

16:14 2 Te 2.9; 1 T 4.1; Ze 3.15; VB 16.7; 17.14; 19.6; 19.15; 19.19-20

16:15 Mt 24.43-44; Ru 12.39-40; 2 Ko 5.3; 1 Te 5.2; 2 Pi 3.10; VB 3.3; 3.18

b16:15 Mba ves 15 ki kameŋ, ne Zisas Krais nduara suaŋgi kameŋ ma.

16:16 Het 5.19; Sek 12.11; VB 19.19

c16:16 Kha zɨ Armagedon, ana khaŋ muuŋgi, “Megido Mbɨkshɨm ma.” Fhum Isrerir pana gumgi, mbe phorga shogap, mbe ŋgui vhɨrve gari guman pan Zosaia mbe Megido ŋgu bakɨme han ana shogim ana rimgi. Ndu 2 King 23.29 kegɨp ganɨ ŋgɨp 30 thɨgɨri. Ndu vhɨra 2 Stori 35.20 kegɨp ganɨ ŋgɨp 24 thɨgɨri. Maaŋ muuŋgiap, bigi kaŋgi gumgi mbari kha ndɨkndɨga mbui. Kha zɨ ana guigira Megido nzuai fhuvara. Mbe kha ndɨkndɨga mbui. Ana bigɨn mueŋ vhunama sav Megido ŋgu vhunama dagi. Mba ntari ga mbui gɨɨtɨvi, mbe mba ŋgun ŋgɨp, mba za mbatɨgip za fhɨri regɨrga.

16:17 VB 16.1

16:18 Dan 12.1; VB 4.5; 8.5; 11.13; 11.19

16:19 Ais 51.17; Jer 25.15-16; VB 14.8-10; 17.18; 18.5

16:20 VB 6.14

16:21 Kis 9.23-24; VB 11.19; 16.9-11

© 2001 PBT