4
Onəkakil meruh mətɨg narmɨn mɨn
1 Nɨkik mɨn, nəmə iətəmimi kəti tətəni məmə Narmɨn rəha Uhgɨn tətatɨg lan, matol in tətəni pətɨgəm rəhan nəghatiən, kəni təuvɨr pɨk məmə onəkoteruh vivi motakil mətɨg məmə narmɨn əha tətatɨg lan, in rəha Uhgɨn pəhriən, uə səniəmə rəha Uhgɨn.* Jer 29:8 Kitah okotəkeikei moteh vivi mətəu-inu iəni eiuə mɨn tepət kɨnohiet rəkɨs məutəghati e nəhue nɨftəni.† Mat 7:15; 1Jon 2:18 2 Tol lanəha, itəmah onəkotəhrun vivi məmə in Narmɨn Rəha Uhgɨn iətəm tətatɨg e iətəmimi kəti, inu, Narmɨn iətəm tətəni pətɨgəm məmə Iesu in Krɨsto iətəm Uhgɨn təməni məmə otahli=pa, kəni in təmuva e nɨpətɨn,‡ Jon 1:14; 1Jon 2:23 narmɨn əha in Narmɨn əhruahru rəha Uhgɨn.§ Jon təməni tol lanu mətəu-inu nətəmimi nətəm kəməutohtəu=pən Nostisisɨm, nəgətuniən rəhalah tətəni məmə Iesu, nɨpətɨn pəhriən tɨkə, mətəu in narmɨn əmə, kəni in təmos narmɨ iətəmi kəti. Mətəu nɨpəhriəniən, nɨpətɨn əha ikɨn. Nɨpəhriəniən, Iesu Krɨsto in iətəmimi pəhriən, kəni in mɨn Uhgɨn pəhriən.* 1Kor 12:3 3 Mətəu iətəmimi kəti iətəm təsəni pətɨgəmiən məmə Iesu in Krɨsto iətəm Uhgɨn təməni məmə otahli=pa, narmɨn rəha iətəmimi əha, səniəmə rəha Uhgɨn. Inəha, in narmɨn rəha tɨkɨmɨr rəha Krɨsto,† 1Jon 2:22; 2Jon 1:7‡ E Inglɨs, kətəni məmə “antichrist,” kəni nɨpətɨn u məmə in tɨkɨmɨr rəha Krɨsto. iətəm nəmotətəu rəkɨs məmə in otəpanuva, kəni rəueiu tɨnətatɨg rəkɨs e nəhue nɨftəni.§ 1Jon 2:18
4 Kəlkələh mɨn, itəmah nətəmimi rəha Uhgɨn mɨn, kəni nəmotəhgi rəkɨs iəni eiuə mɨn əha,* Jon 16:33 mətəu-inu Narmɨn iətəm tətatɨg e nɨkitəmah in tapirəkɨs narmɨn iətəm tətatɨg e nəhue nɨftəni u.† 2King 6:16; Rom 8:31 5 Ilah nətəmimi rəha nəhue nɨftəni u,‡ Jon 15:19; 17:14,16 tol lanəha, nəghatiən mɨn rəhalah kəutəni, ilah rəha nəhue nɨftəni əmə, kəni nətəm kəutətəlɨg e lah, ilah mɨn nətəmi rəha nəhue nɨftəni u. 6 Mətəu itɨmah rəha Uhgɨn. Tol lanəha, nətəmimi nətəm kotəhrun Uhgɨn, ilah kotətəlɨg e tɨmah. Mətəu nətəmimi nətəm ilah səniəmə rəha Uhgɨn, ilah kəsotətəlɨgiən e təmah.§ Jon 8:47 Kəni tol lanəha rəueiu, kitah okotəhrun əhruahru nətəmimi nətəm Narmɨn rəha nɨpəhriəniən tətatɨg e lah,* Jon 14:17 mɨne nətəmimi nətəm narmɨn rəha neiuəiən tətatɨg e lah.† Mak 13:5
Nolkeikeiən rəha Uhgɨn mɨne rəhatah
7 Nɨkik mɨn, pəh kitah kotəkeikei mautolkeikei itah mɨn,‡ 1Jon 3:11 mətəu-inu nolkeikeiən in tatsɨpən e Uhgɨn, kəni iətəm tatol nolkeikeiən, in təmair vi mɨn muva nati Uhgɨn kəti,§ Jon 1:15 kəni təhrun Uhgɨn.* 1Jon 2:4 8 Mətəu iətəmi u rəhan nolkeikeiən tɨkə, in təruru Uhgɨn, mətəu-inu Uhgɨn in nəukətɨ nolkeikeiən. 9 Uhgɨn təmol əpu rəhan nolkeikeiən kəm tah lanu, məmə in təmahli=pa Nətɨn nəuan kətiəh əmə,† Jon 1:18 tuva e nəhue nɨftəni, məmə kitah okotos nəmiəgəhiən ohni.‡ Jon 3:16,17; 1Jon 5:11 10 Nati u in nolkeikeiən pəhriən, səniəmə kitah kəmotolkeikei Uhgɨn, mətəu in təmolkeikei itah.§ Rom 5:8,10 Uhgɨn təmahli=pa Nətɨn tuva, kəni in təmol sakrifais aru e rəhan nəmiəgəhiən o rəhatah noliən tərah mɨn, məmə niəməha otəsol mɨniən Uhgɨn.* Rom 3:25
11 Piak mɨn, Uhgɨn təmolkeikei pɨk itah lanu,† Jon 3:16 kəni tol lanu lan, kitah mɨn okotəkeikei motol mɨn nolkeikeiən əha kəm tah mɨn.‡ Jon 15:12; 1Jon 3:11 12 Iətəmi kəti təsehiən Uhgɨn nian kəti mɨne.§ Jon 1:18 Mətəu nəmə kitah kotolkeikei itah mɨn, kəni Uhgɨn tatɨg e nɨkitah, kəni nolkeikeiən rəhan təmatɨg mɨnpi vivi pəhriən e nɨkitah.* 1Jon 4:17; 2:5
13 Kitah kotəhrun† 1Jon 2:3 məmə kitah kotatɨg lan, kəni in tətatɨg e tah, mətəu-inu tɨnəfa rəkɨs rəhan Narmɨn kəm tah.‡ 1Jon 3:24 14 Kəni itɨmah iəmoteruh rəkɨs məutəni pətɨgəm§ Jon 15:27 məmə Tatə Uhgɨn in təmahli=pa Nətɨn məmə in Iosmiəgəh rəha nəhue nɨftəni.* Luk 2:11; Jon 3:17 15 Iətəmimi iətəm tətəni pətɨgəm məmə Iesu in Nətɨ Uhgɨn, kəni Uhgɨn tətatɨg lan, kəni in mɨn tətatɨg=pən e Uhgɨn.† 1Jon 3:24 16 Kəni tol lanəha, kitah kotəhrun nolkeikeiən rəha Uhgɨn o tah, kəni məutarəriə lan.
Uhgɨn in nolkeikeiən.‡ 1Jon 4:8 Iətəmi tətatɨg e nolkeikeiən, tətatɨg=pən e Uhgɨn, kəni Uhgɨn mɨn tətatɨg lan.§ 1Jon 3:24 17 Nian kəutatɨg lanəha e Uhgɨn, kəni nolkeikeiən rəhan təmatɨg mɨnpi vivi pəhriən e nɨkitah,* 1Jon 4:12; 2:5 məmə kitah kəsotəgɨniən† Efəs 3:12 e nian Uhgɨn otakil itəmi, mətəu-inu e nəhue nɨftəni u rəhatah noliən təhmen e Krɨsto. 18 Iətəmi u təriauəh e nolkeikeiən, ko təsəgɨniən e Uhgɨn. Mətəu-inu nolkeikeiən pəhriən u, iətəm tɨnatəuə rəkɨs e nɨkitah, tətəhgi rəkɨs nəgɨniən.‡ Rom 8:15 Nətəlɨgiən rəha nosiən nalpɨniən tatol itah kəutəgɨn, kəni nati u tətəgətun məmə rəhan nolkeikeiən pəhriən təsəuə əhanəhiən e nɨkitah.
19 Kitah kotolkeikei itah mɨn mɨne Uhgɨn mətəu-inu Uhgɨn təmaupən molkeikei itah. 20 Mətəu nəmə iətəmi kəti təni məmə, “Iəu iəkolkeikei Uhgɨn,” mətəu tətəməki əhanəh e pian u tətəhatətə mɨn e Krɨsto,§ 1Jon 2:9 in ieiuə,* 1Jon 1:6; 2:4 mətəu-inu iətəmi təsolkeikeiən pian u in tateh e nəhmtɨn,† 1Jon 3:17 ko təsolkeikeiən Uhgɨn, iətəm in təsehiən.‡ Rəhatah noliən tətəgətun əhruahru nati nak tətatɨg e nɨkitah. Nəmə iətəmimi kəti in tolkeikei pɨk Uhgɨn, nolkeikeiən rəha Uhgɨn tatɨg e nɨkin, kəni ko in otolkeikei mɨn nətəmimi, kəni in otol noliən təuvɨr mɨn əmə kəm lah. Mətəu nəmə kitah kəsotolkeikeiən Uhgɨn, kəni ko kitah kəsotolkeikeiən mɨniən nətəmimi. Kəni nəmə kitah kəsotolkeikeiən nətəmimi, tətəgətun məmə kəsotolkeikeiən Uhgɨn§ 1Jon 4:12; Jon 1:18 21 Kəni in təməfa rəhan nəghatiən kəm tah məmə: iətəmimi pəh tolkeikei Uhgɨn in otəkeikei molkeikei mɨn pian.* 1Jon 2:7,9
*4:1 Jer 29:8
§4:2 Jon təməni tol lanu mətəu-inu nətəmimi nətəm kəməutohtəu=pən Nostisisɨm, nəgətuniən rəhalah tətəni məmə Iesu, nɨpətɨn pəhriən tɨkə, mətəu in narmɨn əmə, kəni in təmos narmɨ iətəmi kəti. Mətəu nɨpəhriəniən, nɨpətɨn əha ikɨn. Nɨpəhriəniən, Iesu Krɨsto in iətəmimi pəhriən, kəni in mɨn Uhgɨn pəhriən.
‡4:3 E Inglɨs, kətəni məmə “antichrist,” kəni nɨpətɨn u məmə in tɨkɨmɨr rəha Krɨsto.
‡4:20 Rəhatah noliən tətəgətun əhruahru nati nak tətatɨg e nɨkitah. Nəmə iətəmimi kəti in tolkeikei pɨk Uhgɨn, nolkeikeiən rəha Uhgɨn tatɨg e nɨkin, kəni ko in otolkeikei mɨn nətəmimi, kəni in otol noliən təuvɨr mɨn əmə kəm lah. Mətəu nəmə kitah kəsotolkeikeiən Uhgɨn, kəni ko kitah kəsotolkeikeiən mɨniən nətəmimi. Kəni nəmə kitah kəsotolkeikeiən nətəmimi, tətəgətun məmə kəsotolkeikeiən Uhgɨn