2
Üqinqi alamǝt kɵrünüx — ɵlqǝx tanisini tutⱪan yigit
1 Andin mǝn beximni kɵtürüp, mana ⱪolida ɵlqǝm tanisini tutⱪan bir adǝmni kɵrdüm 2 wǝ uningdin: «Nǝgǝ barisǝn?» dǝp soridim. U manga: «Mǝn Yerusalemni ɵlqigili, uning kǝngliki wǝ uzunluⱪini ɵlqǝp bilgili barimǝn» — dedi.
3 Mana, mǝn bilǝn sɵzlixiwatⱪan pǝrixtǝ qiⱪti; yǝnǝ bir pǝrixtǝ uning bilǝn kɵrüxüxkǝ qiⱪti 4 wǝ uningƣa mundaⱪ dedi: — Yügür, bu yax yigitkǝ sɵz ⱪil, uningƣa mundaⱪ degin: — «Yerusalem ɵzidǝ turuwatⱪan adǝmlǝrning wǝ mallarning kɵplükidin sepilsiz xǝⱨǝrlǝrdǝk bolidu. □ «Yügür, bu yax yigitkǝ sɵz ⱪil, uningƣa mundaⱪ degin: — «Yerusalem ɵzidǝ turuwatⱪan adǝmlǝrning wǝ mallarning kɵplükidin sepilsiz xǝⱨǝrlǝrdǝk bolidu» — demǝk, kǝlgüsi Yerusalem naⱨayiti qong bir xǝⱨǝr bolƣaqⱪa, uning aⱨalisi bǝribir ⱨǝrⱪandaⱪ sepilning iqigǝ patmaydu; demǝk, muxu yigitning uning «kǝnglikini, uzunluⱪi»ni ɵlqixi bikar ix bolmamdu?! 5 — wǝ Mǝn Pǝrwǝrdigar uning ǝtrapiƣa ot-yalⱪun sepili, uning iqidiki xan-xǝripi bolimǝn. 6 — Ⱨoy! Ⱨoy! Ximaliy zemindin ⱪeqinglar, — dǝydu Pǝrwǝrdigar, — qünki Mǝn silǝrni asmandiki tɵt tǝrǝptin qiⱪⱪan xamaldǝk tarⱪitiwǝtkǝn, dǝydu Pǝrwǝrdigar».□ «Mǝn silǝrni asmandiki tɵt tǝrǝptin qiⱪⱪan xamaldǝk tarⱪitiwǝtkǝn» — «tɵt tǝrǝptin qiⱪⱪan xamal» ibraniy tilida: «asmandiki tɵt xamal» deyilidu — xǝrⱪ, ƣǝrb, ximal, jǝnub tǝrǝplǝrdin qiⱪidiƣan xamallar.
7 «— Ⱨǝy! I Babil ⱪizi bilǝn turƣuqi Zion, ⱪaqⱪin! □ «— Ⱨǝy! I Babil ⱪizi bilǝn turƣuqi Zion, ⱪaqⱪin !» — Babil imperiyǝsi Zǝkǝriyaning bexaritidin 20 yil ilgiri wǝyran ⱪilinƣanidi. Xunga biz muxu sɵzlǝr wǝ keyinki altǝ ayǝtni ahirⱪi zamanni kɵrsitidu, dǝp ⱪaraymiz. Biraⱪ xu qaƣdiki Yǝⱨuda wǝ Yerusalem bexarǝtlǝrdin heli ümid alalaydu, qünki bexarǝtlǝr Hudaning ularƣa bolƣan mǝnggülük mǝⱪsǝtlirining ⱨeqⱪaqan ɵzgǝrtilmigǝnlikini tǝstiⱪlaydu. 8 Qünki samawi ⱪoxunlarning Sǝrdari bolƣan Pǝrwǝrdigar mundaⱪ dǝydu: — Ɵz xan-xǝripini dǝp U Meni silǝrni bulang-talang ⱪilƣan ǝllǝrgǝ ǝwǝtti; qünki kim silǝrgǝ qeⱪilsa, xu Ɵzining kɵz ⱪariqoⱪiƣa qeⱪilƣan bolidu. □ «Ɵz xan-xǝripini dǝp U Meni silǝrni bulang-talang ⱪilƣan ǝllǝrgǝ ǝwǝtti» — baxⱪa tǝrjimiliri: «Xan-xǝrǝp ayan ⱪilinƣandin keyin, U Meni silǝrni bulang-talang ⱪilƣan ǝllǝrgǝ ǝwǝtti», yaki «Xǝrǝp-ⱨɵrmǝtkǝ erixtürülginimdin keyin, U... Meni ǝwǝtti». Ⱪaysi tǝrjimisi toƣra boluxidin ⱪǝtiiynǝzǝr, oⱪurmǝnlǝr diⱪⱪǝt ⱪiliduki, Pǝrwǝrdigar Ɵzi «Samawi ⱪoxunlarning Sǝrdari bolƣan Pǝrwǝrdigar»ni ǝwǝtidu (9-ayǝt, 6-bab, 15-ayǝt, 10-bab, 12-ayǝtlǝrdimu ohxax ixni kɵrǝlǝymiz). Biz ǝmdi Injildin qüxinimizki, Huda dunyaƣa ǝwǝtkǝn Ⱪutⱪuzƣuqi-Mǝsiⱨning ɵzi Hudaliⱪ tǝbiitididur, u Hudaning ǝzǝldin bolƣuqi mǝnggülük «Kalami»dur. Xübⱨisizki, muxu ayǝttiki «Samawi ⱪoxunlarning Sǝrdari bolƣan Pǝrwǝrdigar» bolsa, «Hudaning Kalami», Mǝsiⱨdur (Tǝwrat, «Yǝx.» 48:16nimu kɵrüng).  ■ Zǝk. 2:9; 6:15; 10:12; Yǝx. 48:16; Yⱨ. 11:42; 17:21 9 Qünki mana, Mǝn Ɵz ⱪolumni ularning üstigǝ silkiymǝn, ular ɵzlirigǝ ⱪul ⱪilinƣuqilarƣa olja bolidu; xuning bilǝn silǝr samawi ⱪoxunlarning Sǝrdari bolƣan Pǝrwǝrdigarning Meni ǝwǝtkǝnlikini bilisilǝr.
10 Nahxilarni yangritip xadlan, i Zion ⱪizi; qünki mana, keliwatimǝn, arangda makanliximǝn, dǝydu Pǝrwǝrdigar, ■ Law. 26:12; Əz. 37:27; 2Kor. 6:16 11 — wǝ xu künidǝ kɵp ǝllǝr Pǝrwǝrdigarƣa baƣlinidu, Manga bir hǝlⱪ bolidu; arangda makanliximǝn wǝ silǝr samawi ⱪoxunlarning Sǝrdari bolƣan Pǝrwǝrdigarning Meni ǝwǝtkǝnlikini bilisilǝr; 12 xuningdǝk Pǝrwǝrdigar Yǝⱨudani Ɵzining «muⱪǝddǝs zemini»da nesiwisi boluxⱪa miras ⱪilidu wǝ yǝnǝ Yerusalemni talliwalidu.
13 Barliⱪ ǝt igiliri Pǝrwǝrdigar aldida süküt ⱪilsun! Qünki U Ɵzining muⱪǝddǝs makanidin ⱪozƣaldi!»
 
 

□2:4 «Yügür, bu yax yigitkǝ sɵz ⱪil, uningƣa mundaⱪ degin: — «Yerusalem ɵzidǝ turuwatⱪan adǝmlǝrning wǝ mallarning kɵplükidin sepilsiz xǝⱨǝrlǝrdǝk bolidu» — demǝk, kǝlgüsi Yerusalem naⱨayiti qong bir xǝⱨǝr bolƣaqⱪa, uning aⱨalisi bǝribir ⱨǝrⱪandaⱪ sepilning iqigǝ patmaydu; demǝk, muxu yigitning uning «kǝnglikini, uzunluⱪi»ni ɵlqixi bikar ix bolmamdu?!

□2:6 «Mǝn silǝrni asmandiki tɵt tǝrǝptin qiⱪⱪan xamaldǝk tarⱪitiwǝtkǝn» — «tɵt tǝrǝptin qiⱪⱪan xamal» ibraniy tilida: «asmandiki tɵt xamal» deyilidu — xǝrⱪ, ƣǝrb, ximal, jǝnub tǝrǝplǝrdin qiⱪidiƣan xamallar.

□2:7 «— Ⱨǝy! I Babil ⱪizi bilǝn turƣuqi Zion, ⱪaqⱪin !» — Babil imperiyǝsi Zǝkǝriyaning bexaritidin 20 yil ilgiri wǝyran ⱪilinƣanidi. Xunga biz muxu sɵzlǝr wǝ keyinki altǝ ayǝtni ahirⱪi zamanni kɵrsitidu, dǝp ⱪaraymiz. Biraⱪ xu qaƣdiki Yǝⱨuda wǝ Yerusalem bexarǝtlǝrdin heli ümid alalaydu, qünki bexarǝtlǝr Hudaning ularƣa bolƣan mǝnggülük mǝⱪsǝtlirining ⱨeqⱪaqan ɵzgǝrtilmigǝnlikini tǝstiⱪlaydu.

□2:8 «Ɵz xan-xǝripini dǝp U Meni silǝrni bulang-talang ⱪilƣan ǝllǝrgǝ ǝwǝtti» — baxⱪa tǝrjimiliri: «Xan-xǝrǝp ayan ⱪilinƣandin keyin, U Meni silǝrni bulang-talang ⱪilƣan ǝllǝrgǝ ǝwǝtti», yaki «Xǝrǝp-ⱨɵrmǝtkǝ erixtürülginimdin keyin, U... Meni ǝwǝtti». Ⱪaysi tǝrjimisi toƣra boluxidin ⱪǝtiiynǝzǝr, oⱪurmǝnlǝr diⱪⱪǝt ⱪiliduki, Pǝrwǝrdigar Ɵzi «Samawi ⱪoxunlarning Sǝrdari bolƣan Pǝrwǝrdigar»ni ǝwǝtidu (9-ayǝt, 6-bab, 15-ayǝt, 10-bab, 12-ayǝtlǝrdimu ohxax ixni kɵrǝlǝymiz). Biz ǝmdi Injildin qüxinimizki, Huda dunyaƣa ǝwǝtkǝn Ⱪutⱪuzƣuqi-Mǝsiⱨning ɵzi Hudaliⱪ tǝbiitididur, u Hudaning ǝzǝldin bolƣuqi mǝnggülük «Kalami»dur. Xübⱨisizki, muxu ayǝttiki «Samawi ⱪoxunlarning Sǝrdari bolƣan Pǝrwǝrdigar» bolsa, «Hudaning Kalami», Mǝsiⱨdur (Tǝwrat, «Yǝx.» 48:16nimu kɵrüng).

■2:8 Zǝk. 2:9; 6:15; 10:12; Yǝx. 48:16; Yⱨ. 11:42; 17:21

■2:10 Law. 26:12; Əz. 37:27; 2Kor. 6:16

© 2010 Mukeddes Kalam - Uyghur Bible Translation Committee