Luk tiratna Kam Wembaŋ Laŋ
Outna kam
Na Luka tiratna kam wembaŋ laŋa aia watrenanna, Iesusa ma Iudana meikramtaɨrapa Iudana meikramtaɨr wanaiŋmo, mac nda aŋgɨna ramoot. Na an mɨnna Iesusa ndona aiŋa moatnanna, ma meikramtaɨrmo aindopatna, Ŋeroŋ Ratta manmo aoca ŋgepca ma Raraŋ Aetaniacna kamb laiŋmo meikramtaɨr ndaekpembmo wiwitirina sapta 4 wes 18na inikca wat. Na anna gidik ŋgoin, gan timbigta kapca Luka Iesusmo meikramtaɨra ainta makukar mbukca eacrenanmo kakadmaiapa ma minmo moa laiŋga moatna ninini wɨtta moatna.
Na Iesus moatna reikca anna mana wiwitmo moca mina manmo toŋtoŋ ŋgoin. Na an mɨnna Maria manmo mɨratnanna, meikramtaɨra toŋgorina sapta 1 wes 42 taŋca wes 48, na sapta 2 wes 10na inikca wat, na gan timbigta kapna mamamaia, Iesusa tamuŋna auŋ nagacatna mɨnna, mana iŋa raŋgairena ramtaɨra toŋtoŋ ŋgoin sapta 24 wes 52na inikca wat.
Na Luka Iesusna gan tiacarpaik ndeacri, moatna reik ndeidta nininiar tiratna. Na an kamna kamb ndeidta kabena timbigta kapca mba eacreke. Luka ndo an mɨnna Iesusa gan tiacarpaik ndeacri, ma reik wɨtta moatna ninini tiratna. Na Luka ndo ŋgoinna, an Samariana ramootta taupca tɨkca gɨrgɨr aŋgɨatna ramootmo otacatna kam roorapa, nuoca ndona aet tɨkcarica taŋga tɨpemb ŋgorikta makukara mona kam roorapa, na Iesusna kabena kam roor toco, ma ninia tiratna. Na ma ndoa an kitcartukar iurena ramoot, Sakiasmo laruatna reikta ninini mamoat.
Na reik ndeida Luka mina kam wɨtap, anna mbendeia gagarna tɨp kirarapa, Ŋeroŋ Ratna aiŋapa, Raraŋ Aetaniaca meikramtaɨrta tɨpemb ŋgorikta makukarmo mo kecarina tɨp kirarap. Na meikpitikca moatna reikca Luk toco, anna kam wɨtap niniatna.
Na Lukna kamma gan timbigta kapca mba mairi, wanaiŋ. Na Luka ndo kabea an Iesusna Up Aŋgɨrena Ramtaɨrta Aiŋna Nininina Timbigta Kapca ma tiratnan. Na an timbigta kapna inikca ma Iesusa tamuŋna auŋ nagacatna kɨdrɨkna kam ndopatna, na anna iŋmbaia mana up aŋgɨrena ramtaɨra moatna reikta ninini toco moatna.
1
Luka gan Iesusna kam wembaŋ laŋna nininina kam tirca Tiopilusa neaŋ ndopca tiratna
1 Up 1.1Ramoot paŋan Tiopilus, ŋgaua Raraŋ Aetaniaca aina kɨdrɨkca tɨkca moatna aiŋa, ramtaɨr wɨtta mina anna watca ŋgepca ndorita paɨr puŋga towaia tiratna. 2 In 15.27, na Ib 2.3, na 1 Pi 5.1, na 1 Io 1.1Ainda moca mina an ŋgaua mandeb ŋgepatna reikta kambca, an meikramtaɨra ndorita lamnik puŋga watatnan ndiŋa raŋgaica tiratna. An meikramtaɨr, mina Raraŋ Aetaniacna aiŋna meikramtaɨra moca mori, mina aimo an kam wembaŋ laŋ wiwitiri, na mina aimo an kam wembaŋ laŋa anna niniatna. 3 Up 1.1, na 11.4Aintik auk toco, aku ndomo gan reikta nininiara ŋgaua mandeba ŋgepatnanmo, timbigta kapca tɨk ndopca, aku an reikta kambta mɨniŋta moca, memetmbac ŋgoinna digia orea taŋ, taŋga, anna mɨniŋta garacatna mbatca. Mandeaca aku umo wandoŋ ŋgoinna an reik laruatna kirar ŋgoinna timbigta kap matɨkri. 4 An reikta nininia, u wat te, u an reikmo lamŋina, mina umo ŋgaua riptiatna nininina kirar, an nininiar anna gidik ŋgoin.
An reikta nininiar laruatna mɨn ŋgoinna Elisabetta kɨtac puk neaŋrena ramoot Ionna mɨratke, Maria toco Iesus mamɨrat
(1.5—2.52)
Raraŋ Aetaniacna mbaiŋna aiŋa morena ŋeroŋa, Sekaraiamo aind mambopat, Elisabetta Ionmo mɨrnande
5 1 Nin 24.10An mɨnna Erot, ma Iudiana gagrirta ramoot paŋan ndeacri, na taup ndamoot ian, mana ia Sekaraia. Ma Abaiananta barna ramoot. Na mana meaca ma Aronna barnan, mana ia Elisabet. 6 RL 17.1, na 1 GRP 9.4, na Up 23.1, na Pil 3.6Ri, maniŋa matau ŋgoinna Raraŋ Aetaniacna toŋgorina kirarirta iro ŋgoinna gainda raŋgairina. Na Kacootna kamma mataua waraca, mana tɨpemb koinda mataua raŋgairina. 7 Na maniŋa mombonik kocor, Elisabetta kopica, maniŋa aind ndeaca bagaraica mombonik kocor.
8 1 Nin 24.19, na 2 Nin 8.14, na 31.2Karica oit ianna Sekaraiana barnanda, mina taŋga taup ndamtaɨrta aiŋa mori. Na Sekaraia toco, ma taŋga Raraŋ Aetaniacna Kaca mbukca ndona memetmbaca morina kirar mamori. 9 NA 30.7-8, na 1 Sml 2.28, na 2 Nin 29.11Na taup ndamtaɨrta tɨpemb kirarira gaind, mina matɨp rocot ŋgacrina gegerei nagereica watna moca, mandaia ndo Raraŋ Aetaniacna Kacna inikca mbukca gɨmbamba moca rotacekna tacna tuorna iŋpai laŋ ŋgoin gana. Ainda moca mina moca wattatnanna, Sekaraia ndo anna mbuknande. 10 TN 16.17, na KIEK 8.3-4Ri, an mɨn mbuŋa, ma gɨmbamba mona moca Raraŋ Aetaniacna Kacna inikca mbukca an iŋpai laŋna tactuora moatke. Meikramtaɨr wɨt aniaca kɨpca an Raraŋ Aetaniacna Kacmo kocnaia paria aŋgɨca, Raraŋ Aetaniaca mbendeiri, eacri. 11 Na Kacootna mbaiŋna aiŋa morena ŋeroŋ ianna kɨpca laruca, Sekaraiana an gɨmbamba moca iŋpai laŋ larurena taupmo, gagar umbaina waŋga wɨtɨkca eacri. 12 RP 6.22, na Dan 10.8, na Lk 1.29, na Up 10.4Ainda moca Sekaraia an mbaiŋna aiŋa morena ŋeroŋa watca dumrikica ma mananambiat. 13 Na mbaiŋna aiŋa morena ŋeroŋa mamo aindopatna, “Sekaraia, u rugutta kai mo teac. Raraŋ Aetaniaca una mbendeirina kamma, ma mawaracri. Una meac Elisabet, ma nuocna mooŋnuoc ianna mɨrnande. Mana imo Ion tɨk. 14 Na una meaca mana mɨr te, una iro u mba ŋateitndai, u manmo toŋgo te, meikramtaɨr wɨt aniac toco manmo toŋgonande. 15 Ndu 6.3, na RP 13.4, na Ier 1.5, na Gal 1.15Aintik ma Kacootna lamnɨac ŋgoutmo mana ia aniac ndarunande. Ainda moca ma mba wainapa puk gargarmo, ma mba amitndai. Na Ion, ma aemna nikinik ndeacraŋ te, Ŋeroŋ Ratta mana iro inikmo mbuki mɨnna tɨknande. 16 Mal 4.5-6Na ma Israelna meikramtaɨr wɨtmo, moi iroar inkar uriraca, mina ndorita Kacoot Raraŋ Aetaniac, ndambuŋa mac nda kɨpnande. 17 Mal 3.1, na 4.5-6, na Mt 11.14, na 17.11-13, na Mk 9.12Te, ma Elaiana ŋeroŋna kirarirta gargar toc ndaruca, ma Kacootmo outmbaica taŋca aeterapa mombonikmo, aŋgɨri iro kabea tɨk te. Ma an kam mbarac ŋgocorta meikramtaɨrta iroarmo, moi iro laŋ kabe ndaruca, mina an meikramtaɨr wandoikta iroarta kirarir toc ndaruca minmo aŋgɨri kocroca mina Kacootna kɨkɨpna ndabina moca.”
18 RL 18.11Karica Sekaraia an mbaiŋna aiŋa morena ŋeroŋmo aindopatna, “Titoca mo te, aku una an kammo rɨpacit? U wat, aku bagar ŋgoin, na aukna meac toco bagar.”
19 Dan 8.16, na 9.21, na Mt 18.10, na Ib 1.14Ri, an mbaiŋna aiŋa morena ŋeroŋa gaind mambopat, “Aku Gabriel, aku Raraŋ Aetaniacna lamnɨac ŋgoutca wɨtɨkca eacrena ramoot, ma ndo aukmo mbagɨrica, aku umo an kam wembaŋ laŋ aŋgɨra kɨprina. 20 Esi 3.26, na 24.27, na Lk 1.45U warac, kaica u gan kam wembaŋ laŋmo, aku aŋgɨa kɨprinanmo, u rɨpac ŋgocor, aintik mandeaca una upa mɨkca u kam ndopna mɨnna wanaiŋ, u aind ndeaci, taŋi an ra aku baburina reikca min laruna ra, Raraŋ Aetaniac ma malamŋireke. An ra ŋgoinna tɨk te, an reikca mina larunande.”
21 Ri, an kɨdrɨkca meikramtaɨra mana moca raekmbai ndabiri, mina aindoprina, “Titoca moca Sekaraia Raraŋ Aetaniacna Kacna inikca mbukapeknanna, eaca rocot ŋgoin.” 22 Karica ma nda laruatnanna, kam ndopna mɨnna wanaiŋ, ma aintan ndeacri, minmo par mbuŋa ŋgagoatke. Mina malamŋiat, ma Raraŋ Aetaniacna Kacna inikca tɨkca manmbɨanmemraŋna tamram ian mawattat. Ainda moca ma aintan ndeacri, mimo ma reikta ŋgagatracmo par niŋgik mbuŋ maŋgagori. 23 1 Nin 9.25Karica ma ndona taup ndamootna aiŋa moa maiatke, ma ŋgepca ndona auŋ mac nda mataŋgat. 24 Iŋmbaia an kɨdrɨkar maiatke, mana meac Elisabetta nik tɨkca kac inik nakauka eaca karwira parmbai mamoat. 25 RL 30.23, na Ais 4.1, na 54.1, na 54.4Ri, Elisabetta, aindopatna, “Kacootta ma aukna nakadmaica mandeaca ma aukmo an reaca ainda moapeke. Meikramtaɨrta lamnik puŋga ma aukna numbirmo moa kecamacarica.”
Mbaiŋna aiŋa morena ŋeroŋa Mariamo aindopatna, u Iesusmo mɨrnande
26 Karica an karwira parmbaiapa mbut kabena mɨnna, Elisabetta niktan ndeacri, Raraŋ Aetaniaca ndona mbaiŋna aiŋa morena ŋeroŋ, Gabriel mbagɨrica ma Galilina inikna auŋ teker ian mataŋgat. An auŋna ia Nasaret. 27 Mt 1.18, na Lk 2.5Ma an auŋna mooŋ ŋgam ian ndambuŋa taŋgatna, an mooŋa mina manmo nuoc ŋgam ian laŋgona babuca eacrina, an nuoc ŋgamma, gagrirta ramoot paŋan Dewitna racaindpaikna ramoot, mana ia Iosep. Na an mooŋ ŋgamna ia Maria. 28 RP 6.12, na Dan 9.23, na 10.19Ainda moca an mbaiŋna aiŋa morena ŋeroŋ Gabriel, ma taŋga an meac ndambuŋ ndaruca manmo aindopatna, “Ra laŋ, Maria. U iro inik wetwet laŋ ndeac, Kacootta unap eac te, unmo otaca u toŋtoŋ bagaraniacap eacraŋnande.” 29 Aindopatke, Maria an kam mbaraca, tamtam ndamŋica gaindopatna, “Anna titna kambca aintan, aku anna mɨnɨŋa mba lamŋiapeke?”
30 Ri, an mbaiŋna aiŋa morena ŋeroŋa Mariamo gaindopatna, “U kai nanambi teac, Raraŋ Aetaniaca una toŋtoŋ aniacap tik, ma unmo otacnande. 31 Ais 7.14, na Mt 1.21, na Lk 2.21Aintik u nik tɨkca nuocna mooŋnuoc ianna mɨrnande, an nuoc, u mɨr te, mamo i Iesus tɨk. 32 Ŋap 132.11, na Ier 23.5, na Mk 5.7 2 Sml 7.12-16, na Ais 9.7Te, ma irembta ramoot aniac ian ndaru te, mina mamo Tamuŋna Raraŋ Aetaniacna Nuoc ŋgacnande. Te, Kacoot Raraŋ Aetaniaca mamo moi gagrirta ramoot paŋan ndaruca ma ndona ŋgamaɨr Dewitna kirar toc ndarunande. 33 Dan 2.44, na 7.14, na 7.27, na Mai 4.7, na In 12.34, na Ib 1.8Te, ma Iakopna rɨmbnarapa ŋgamrirta gagrirta ramoot paŋan ndeac te, min aŋgɨri bubuoc te, mina mana kaŋgaukca iarwar ndeacraŋnande. Na mana an gagrirta i mananna mba mac maiitndai.”
34 Aindopri Maria manmo gaindopatna, “Aku ramootap ŋgogoa lamŋi ŋgocor an kirara titoc ndaruit.”
35 Mt 1.20, na 14.33, na In 1.34Ri, an mbaiŋna aiŋa morena ŋeroŋa Mariamo aindopatna, “Ŋeroŋ Ratta kɨpca unap eac te, Raraŋ Aetaniacna tamuŋna gargara umo wɨŋi kɨtac te, iŋmbaia u mooŋnuoca mɨrnande. Na an mooŋnuoca ma Raraŋ Aetaniacna lamnɨac ŋgoutmo ramoot wandoŋ laŋ ndeac te, mina mamo Raraŋ Aetaniacna Nuoc ndopnande.
36 “Aintik u warac. Una ocou ŋgaem Elisabet, ma kopica mombonikca mba mɨrenanna, ma aind ndeaca taŋga meac bagar ŋgoin, ma mooŋnuoca mɨrna towanaiŋ. Na mandeaca ma nik tɨkca anap eaca kɨpca karwira parmbaiapa mbut kabe malaruri. 37 RL 18.14, na Ier 32.17, na Sek 8.6, na Mt 19.26, na Ro 4.21Na reac ianna, Raraŋ Aetaniacmo anna mona ndopna towanaiŋ, reikca ma ndo kabea morena.”
38 Ri, Maria aindopatna, “Laŋ, u warac, aku Kacootna mbaiŋna aiŋa morena meac. Na an reik, u auk ndopapekna kirara, ma ainda mo te, aku toŋgonande.” Ri, an mbaiŋna aiŋa morena ŋeroŋa man tɨkcarica mataŋgat.
Maria Elisabetta watna taŋgatna
39 An mɨn mbuŋa Maria, anduna ŋgepca Iudiana taukruirta inik ndeacrina auŋ ian mataŋgat. 40 Ma taŋga Sekaraiana kacnɨm ndaruca, kac inikca mbukca Elisabetmo watca ra laŋ maneaŋgat. 41 Lk 1.15Ri, Elisabetta, Mariana kam laŋ mbaracatke, mana mooŋnuoca nikinik ndeacrinan toco madumrikiat, ri, Ŋeroŋ Ratta Elisabetmo mbukca mɨn matɨkat. 42 TW 28.4, na RP 5.24Ainda moca Elisabetta kam aniac mbuŋa gaindopatna, “Raraŋ Aetaniaca unapa una mooŋnuocmo toŋgoca opotac aniac neaŋgapekna, ŋgaua ma meik ndeidmo ainda otac ŋgocor.” 43 Ri, Elisabetta aind mac mambopat, “Kaina moca gan reac bagaraniaca aukmo gaind ndaruapekna, aukna Kacootna aemma aukca watna nakɨprina? 44 Aukna koarniŋ waracapeke, mandebanna u aukmo ra laŋ neaŋgapeke, aukna nikinikna mooŋnuoc toco, toŋtoŋ ŋgoinna moca madumrikica. 45 Lk 1.20U warac, u Kacootna kamma rɨpacat tik, ma unmo, mo ndoprina reik, ma ainda mo te, u toŋgonande.”
Mariana ŋap
“Aukna iro inikca
Kacootna imo tamuŋ ŋgoin
naaŋgɨra maŋgepreke.
47 Na aukna ŋeroŋa
Raraŋ Aetaniacmo toŋtoŋ bagaraniac ŋgoin,
ma auk ŋgopotacna ramoot,
aintik ma aukmo otacapekna.
48 1 Sml 1.11, na Ŋap 138.6, na Mal 3.12, na Lk 1.25, na 11.27Aku Raraŋ Aetaniacna mbaiŋna aiŋa morena meac,
ainda moca aku ndomo mindacniŋa moatke,
ma auk mbatca,
ma aukna moca kadmairina.
Ainda moca mandeacna mɨnapa iŋmbaina mɨnna,
meikramtaɨr wɨt aniaca watca aindopnande,
‘Raraŋ Aetaniaca aukmo toŋtoŋ bagaraniac ŋgoin.’
49 Ŋap 71.19, na 111.9, na 126.2-3Ainda moca Raraŋ Aetaniac,
ma gargar bagaraniacap,
ma an reikca moatnanna,
anna ma auk ŋgotacna
moca moatna reik,
ainda moca mana ia rat ŋgoin.
50 NA 20.6, na Ŋap 103.13-18Na meikramtaɨra mana kaŋgauk ndeacrenan.
Ma minmo kakadmaina opotaca morena,
ainda moca ma mandeacna meikramtaɨrapa iŋmbai ndaruekna meikramtaɨr motocmo,
ma ainta kakadmaina opotaca monande.
51 2 Sml 22.28, na Ŋap 98.1, na Ais 40.10, na 1 Pi 5.5Raraŋ Aetaniacna par mananna gargar,
ma an ramtaɨra ndorimo gaind ndamŋirena,
‘Aia irembtan, aia outmbai ndeacraŋnande.’
Aind ndamŋirena ramtaɨrmo,
ma oot mandaca mina tamtamma taŋ mainande.
52 1 Sml 2.6, na Iop 5.11, na 12.19, na Ŋap 147.6Na ma an irembta gagrirta ramtaɨr paŋaindta
gagrar anikca kɨtaci irik te,
an iremb kocorta ramtaɨrta
iremb aŋgɨra maŋgepri.
53 1 Sml 2.5, na Ŋap 34.10, na 107.9Na ma an amta reik kocorta meikramtaɨrmo,
reik wɨt aniac neaŋga
mina amba gautpemb putuatke,
laimnembta meikramtaɨrmo,
ma minmo kamainda mandaca mina mataŋgat.
54-55 RL 17.7, na 17.19, na 18.18, na 22.17, na Ŋap 98.3, na 132.11, na Ais 41.8, na Mai 7.20, na Ro 11.28, na Gal 3.16Na ma ndona aiŋna meikramtaɨr Israelnandmo,
ma minmo otacrenan,
na mana an meikramtaɨrmo
ma minmo iarwarna kakadmaina opotaca morena.
Na gan bababua ma morinanna
ma lamŋia mataŋreke,
ma aina nicar ŋgamrir,
Abraamapa mana racaindpaiknandmo
ma iarwara mina kadmairaŋnande.”
56 Ri, Maria, ma Elisabetapmo eaca taŋga karwira mbonkac maiatke, ma ndona auŋ mac nda mataŋgat.
Elisabetta Ionna mɨratna
57 Maica Elisabetna mooŋnuoca mɨrna ra laruatke, ma nuocna mooŋnuoc mamɨrat. 58 Ri, Kacootta Elisabetmo kakadmaina opotaca ainda moatke, mana laiplacarapa mana auŋ kabena meikramtaɨra, an mbaraca mina manap tɨkca toŋtoŋgar anikap eacrina.
59 RL 17.12, na TN 12.3, na Lk 2.21Karica an mooŋnuoca eaca taŋga raia parmbaiapa mbutremb mbonkaca tɨkatke.* Tɨp Wandɨkca ma aindoprina, nuikta mombonikca mɨr te, rai parmbaiapa mbutremb mbonkac mai te, mina, mina tikmo katacnandet. Mina mac nda kɨpca mana tikiŋit katac te, mana imo mana aetna i Sekaraia tɨkna moca mori. 60 Lk 1.13Na mooŋnuocna aemma gaindopatna, “Wanaiŋ. Aia mana imo Ion tɨknande.” 61 Ri, mina mamo aindopatna, “An ia una nicar ŋgamrirta barna ia wanaiŋ.” 62 Ainda moca mina an nuocna aetmo par mbuŋ naaŋgɨa ŋgagoca aind madigiat, “U mooŋnuocna imo mandai tɨkit?” 63 Ri, Sekaraia minmo i tirna kapwaŋ ianna digica mina mamo waŋ ian neaŋga, ma tiratna kamma, ma gaindoprina, “Mooŋnuocna ia Ion.” Aindopri mina ŋgep ŋgoreac naŋgepca tamtam malamŋiat. 64 Ri, an kɨdrɨk ŋgoinna Sekaraiana upa mba mac mɨkatke, ma anduna ŋgepca kamb ndopatke, Raraŋ Aetaniacna i aŋgɨra maŋgepat. 65 Ri, mana kamkabeara an reac dam ŋgoin laruapeknanna watca, kocnaia rugdar moamacariri. Na an laruatna reikta kam wembaŋa Iudiana taukruirta auŋembta inkara kocnaia taŋga mamaiat. 66 RL 39.2, na Ŋap 80.17, na Up 11.21Ri, an kam wembaŋa waracatna meikramtaɨra muruŋa ndori puŋga gaind malamŋiat, Kacootna gargara manap eacnandet. Ri, mina ndorimo madigiat, “Iŋmbaia an mooŋnuoc, ma titoc naŋgepca titoc ndeacit?”
Sekaraia rambca moca mboprina kamb
67 Iol 2.28Karica an nuocna aet Sekaraia, Ŋeroŋ Ratta manmo mbukca aoca ŋgepca, ma rambca moca aindopatna, 68 Ŋap 41.13, na 72.18, na 106.48, na Lk 7.16“Aia Raraŋ Aetaniacmo kam laŋ neaŋ te, mana imo aŋgɨ ŋgep, ma Israelnaŋgepta Raraŋ Aetaniac Kacoot, ma minmo okeca, oikca minmo mac nda aŋgɨratna. 69 Ŋap 18.2Na an ramootta ma Raraŋ Aetaniacna aiŋa morina ramoot Dewitna racaindpaik ŋgoin, ma ramoot gargar aniac ian ndarunande, Raraŋ Aetaniaca mamo raupŋia kɨpca larurina, ma ai mac nda aŋgɨna ramoot. 70 Ier 23.5-6, na Dan 9.24, na Up 3.21, na Ro 1.2Ainda moca Raraŋ Aetaniacna kambca atuna Raraŋ Aetaniacna rambca morina ramtaɨrta up mbuŋ ndoprina kambca. 71 Ŋap 106.10Gaind, ma aimo aina puŋnaŋgepta para tɨkca aimo mac nda aŋgɨ te, aimo nikembkatrena ramtaɨrta kɨdrɨkca tɨkca aimo mac nda aŋgɨnande. 72 RL 17.1, na 17.7, na TN 26.42, na Ŋap 105.8-9, na 106.45Na ma aina ŋgamrirmo kakadmaina opotaca moatna. Na ma ŋgaua Raraŋ Aetaniacna kam leaca gagraca, babuatna kamma ma mba ndarekrekeri. 73 RL 22.16-17, na Mai 7.20Ma atua aimo otac ndopca, aina ŋgamaɨr Abraammap babuca leacatna kamma, ma mandeaca aimo ainda raŋgaica moatna. 74 Ro 6.18, na 6.22, na Ib 9.14Ainda moca ma aimo otaca aimo aina puŋnaŋgepta para tɨki aimo nda aŋgɨna moca. Aintik aia ndorita nanambiarmo kecarica, aia man niŋgikna aiŋa moraŋ. 75 Epe 4.24, na 2 Ti 1.9, na Ta 2.12-14, na 1 Pi 1.15, na 2 Pi 1.4Aintik mandeaca aia eacrenanna, aia mana lamnɨac ŋgoutmo tɨpemb kirarir wandoik laiŋga memetmbaca moraŋ te, mana tɨpemb kirarir ratta aina iroar inkara matau ŋgoin ndamŋi rapacraŋnande. 76 Ais 40.3, na Mal 3.1, na 4.5, na Mt 3.3, na 11.10Na u nuoc mbitac tikca, iŋmbaia mina unmo Tamuŋna Raraŋ Aetaniacna rambca morena ramoot aniac ian ŋgacnande. Te, u outmbaica taŋca Kacootna taupembta ŋgogoba monande. 77-78 Ier 31.34, na Ais 60.1-2, na Mk 1.4, na Lk 3.3Te, u mana meikramtaɨrmo mbop warac, na mina Raraŋ Aetaniacna kakadmaina opotac bagaraniac ŋgoinna lamŋinandet. Ainda moca ma aimo tamuŋna auŋna memetacmo, ai nambatta metac te, ma mana meikramtaɨrta tɨpemb ŋgorikta makukarmo, mo kecarica ma mimo mac nda aŋgɨnande. 79 Ais 9.2, na 49.9, na 58.8, na Mt 4.16, na Up 26.18Ainda moca ma an memetacmo meikramtaɨra neaupdiriŋ ŋgoin ndeacreke, memenacmo timma rapaca eacrenanmo, min nambatta metac te, ma aina our aŋgɨri wandoŋai te, aina iroar inkar wandoŋaica, aia nikinik iro wetwet laŋap taŋraŋnande.”
80 Mt 3.1, na 11.7, na Lk 2.40Ainda moca an nuoc mbitaca, iŋmbaia ma ŋgepca acnaiatke, mana ŋeroŋa wakikiri. Ma taŋga ramtaɨr kocorta taup ndeaca taŋga, iŋmbaia ma Israelnaŋgepta lamnikta out malaruat.
1:2 In 15.27, na Ib 2.3, na 1 Pi 5.1, na 1 Io 1.1
1:5 1 Nin 24.10
1:6 RL 17.1, na 1 GRP 9.4, na Up 23.1, na Pil 3.6
1:8 1 Nin 24.19, na 2 Nin 8.14, na 31.2
1:9 NA 30.7-8, na 1 Sml 2.28, na 2 Nin 29.11
1:10 TN 16.17, na KIEK 8.3-4
1:12 RP 6.22, na Dan 10.8, na Lk 1.29, na Up 10.4
1:15 Ndu 6.3, na RP 13.4, na Ier 1.5, na Gal 1.15
1:16 Mal 4.5-6
1:17 Mal 3.1, na 4.5-6, na Mt 11.14, na 17.11-13, na Mk 9.12
1:18 RL 18.11
1:19 Dan 8.16, na 9.21, na Mt 18.10, na Ib 1.14
1:20 Esi 3.26, na 24.27, na Lk 1.45
1:23 1 Nin 9.25
1:25 RL 30.23, na Ais 4.1, na 54.1, na 54.4
1:28 RP 6.12, na Dan 9.23, na 10.19
1:31 Ais 7.14, na Mt 1.21, na Lk 2.21
1:32 Ŋap 132.11, na Ier 23.5, na Mk 5.7
1:32 2 Sml 7.12-16, na Ais 9.7
1:33 Dan 2.44, na 7.14, na 7.27, na Mai 4.7, na In 12.34, na Ib 1.8
1:35 Mt 1.20, na 14.33, na In 1.34
1:37 RL 18.14, na Ier 32.17, na Sek 8.6, na Mt 19.26, na Ro 4.21
1:42 TW 28.4, na RP 5.24
1:46 1 Sml 2.1-10, na Ŋap 34.2-3, na Aba 3.18
1:46 1 Sml 2.1-10
1:48 1 Sml 1.11, na Ŋap 138.6, na Mal 3.12, na Lk 1.25, na 11.27
1:49 Ŋap 71.19, na 111.9, na 126.2-3
1:50 NA 20.6, na Ŋap 103.13-18
1:51 2 Sml 22.28, na Ŋap 98.1, na Ais 40.10, na 1 Pi 5.5
1:52 1 Sml 2.6, na Iop 5.11, na 12.19, na Ŋap 147.6
1:53 1 Sml 2.5, na Ŋap 34.10, na 107.9
1:54-55 RL 17.7, na 17.19, na 18.18, na 22.17, na Ŋap 98.3, na 132.11, na Ais 41.8, na Mai 7.20, na Ro 11.28, na Gal 3.16
1:59 RL 17.12, na TN 12.3, na Lk 2.21
*1:59 Tɨp Wandɨkca ma aindoprina, nuikta mombonikca mɨr te, rai parmbaiapa mbutremb mbonkac mai te, mina, mina tikmo katacnandet.
1:66 RL 39.2, na Ŋap 80.17, na Up 11.21
1:67 Iol 2.28
1:68 Ŋap 41.13, na 72.18, na 106.48, na Lk 7.16
1:69 Ŋap 18.2
1:70 Ier 23.5-6, na Dan 9.24, na Up 3.21, na Ro 1.2
1:71 Ŋap 106.10
1:72 RL 17.1, na 17.7, na TN 26.42, na Ŋap 105.8-9, na 106.45
1:73 RL 22.16-17, na Mai 7.20
1:74 Ro 6.18, na 6.22, na Ib 9.14
1:75 Epe 4.24, na 2 Ti 1.9, na Ta 2.12-14, na 1 Pi 1.15, na 2 Pi 1.4
1:76 Ais 40.3, na Mal 3.1, na 4.5, na Mt 3.3, na 11.10
1:77-78 Ier 31.34, na Ais 60.1-2, na Mk 1.4, na Lk 3.3
1:79 Ais 9.2, na 49.9, na 58.8, na Mt 4.16, na Up 26.18
1:80 Mt 3.1, na 11.7, na Lk 2.40