2
Tonumisa gurewa nakae,
e tauyadi goi Yaubada ina vada iyowoyowo
e tauyadi goi Yaubada ina vada iyowoyowo
1 E tauna sinapu goyogoyoidi kwama bogo nakae kovalilivīdi kokalavēdi. Sinapuyadi nakae nuwonúwana liliudi yogedageda manuna be nakae pola liliudi livala be guinuwa goi, nakae vakipikipi be amalagibo liliudi. 2 Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane. 3 Bogina kolotowo bego ida Tomoya dedevina ae?† Sam 34:8. Tauna ina livalayana kokamonamonāne. 4 Yeisuyana bogina komeko. Tauyana gurewa maa yawoina nakae. Ago gurewayana tomota siikatae geya basabasainamo go, Yaubada matana goi moe kiinavaina be sowona.† Sam 118:22; Mad 21:42; Mak 12:10; Luk 20:17; Gui 4:11; 1Pi 2:7. Tutayana komeko, 5 komi gurewa maa yawoimi nakae Yaubada ivapopoimi be ina vada imadagi go, vadayana goi Balomaina ikaaiyaka. Ago vadayana sinaena komi Yaubada ina tonuwalayao kimaasabaimi Tauyana umana bego Yeisu Guyau ina guinuwa goi itoboinemi imi vininabeso Baloma Kimaasabaina goi kokaasaledi Yaubada yaina, e iuyaonedi. 6 Moitamo. Gínina Kimaasabaina goi Yaubada idigo kana,
‘Konōwo! Saiyoni goi gurewa tayamo adako;
gurewayana moe lasáuna kiinavaina be sowogu.
Avatauwa neta sinumise,
bei geya igieomaemaedita.’
Aiseya 28:16
7 Tauna komi tonumisa bei wowoina kobabane go, kidi geya sinumiseta, amo tauyadi toyówana Gínina Kimaasabaina italavaaitedi nakae. Gininayana kana,
‘Gurewayana kidi toyówana siikatae
bogina imalalasáuna.’† Mad 21:42; Mak 12:10; Luk 20:17; Gui 4:11; 1Pi 2:4.
Same 118:22
8 Aiyuwoina kana,
‘Gurewayana aba sapákwana nakae aba satupe.’† Rom 9:33.
Aiseya 8:14
Tauyadi isaapakoidi unana Yaubada ina livala sikapiipilave. Tauyana igimilovina bego idi kapipilova pasina gurewayana bei isapakoidi. 9 E komi sem Yaubada ina boda kiinavaimi;†a Ais 43:21. komi ina tonuwalayao mami lovina†b Ais 61:6. be boda kimaasabaimi Tauyana umana;†c Atu 14:2. komi Yaubada toinina ina kitomyao,†d Tat 19:5-6; Atu 7:6; Ais 43:20-21; Tai 2:14. e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.†e Ais 9:2. 10 Boi komi geya boda tayamo geya go, ame tuta komi Yaubada ina boda. Boi komi Yaubada ina nuwokapisi geya kobabaneyeta go, ame tuta bogina kobabane.† Ose 2:23.
Yaubada ina bodao idi sinapu itoboine Tauyana nakae
(1 Pita 2:11—4:11)
Yaubada ina bodao idi sinapu dedevina
Totuyoyowo nauyayanaidi
Totuyoyowo nauyayanaidi
11 Guna kaloyao, komi togala be toeogaoga poyapoya ame goi, e akatuliwolemi sakava ana yalagau sivayaaviyemi kovakiilisīdi. 12 Latuwogu Totuyoyowo yaidi goi imi sinapu kaausaraidi. Neta nakae, nakona bei sikaogoyoemi kadi, ‘Komi goyo ana toguinuwayao’ go, imi guinuwa dedevidi sigitedi, e Yaubada ina vadádana ana tuta goi bei ina togaga ana káeyana ana vagitákwana sikamoitamoe.
13 Ida Tomoya pasina kokatetaagonēmi tomota liliudi madi lovina yaidi. Nakona Sisa yaina, tauyana mana lovina, 14 o gávana yaidi. Tauyadi boi Sisa ivayokoidi kidi ami tolovinayao, e goyo ana toguinuwayao bei siliunedi go, guinuwa dedevina ana toguinuwayao siyapaliyedi. 15 Yaubada ina nuwonúwana bego imi guinuwa dedevidi goi itoboinemi totamogemoge yaaluwoidi sopadi kokaupatudi. Tauna kokatetaagonēmi ami tolovinayadi yaidi goi. 16 Go imi katetagonayana goi komi ma taliigavimi imi spwagógana Guyau taiyao pasina go, imi taligavayana taabu kooetāko guinuwa goyogoyoidi manudi, go sem komi Yaubada ina pakonayao kokatetaagonēmi tolovinayadi yaidi goi. 17 Tomota liliudi kowowooinēdi. Semiyao nuumisaidi komatakooiyēdi. Mami matoita Yaubada kotaaimamīne. Sisa koowowōine.
Kidi paakonidi adi lovina
18 Komi paakonimi, mami wowoina dókana kokatetaagonēmi imi tomoyamoyayao yaidi goi. Geya kada tomoyamoya dedevidi be sakuululudi aditava yaidi goi geya, go sem imi tomoyamoyayao kubuukasaidi yaidi nakae. 19 Moitamo. Tutayana geya unanamo siyogedeegededa go, neta ida nuwonúwana Yaubada yaina pasina gedagedayana goi tamesayágana, e moe Yaubada iuyaone. 20 Kaga ana dedevina neta tagoyo, e siyogedegededa go, gedagedayana goi tamesayágana? Geya! Go sem neta kita ida guinuwa dedevidi go, tuwo siyogedegededa go, gedagedayana goi tamesayágana, e moe Yaubada bei iuyaone. 21 Moe manuna Yaubada iduduweda unana Guyau nakae gedageda ilotowo manuda, tuwo aba gita iyato yaida bego kiyaena tavaekuli. 22 Yawoina ame nakae:
Tauyana geya tayaamo goyo iguinuwe geya;†a 1Pi 4:1; 1Iy 3:5.
nakae geya tayaamo pola sopana goi isowóduwo.†b Ais 53:9.
23 Tauyana sikaogoyoe go,
tuwo idi bóbwara geya ikatumapudita.† Ais 53:7.
Siyogedegede go,
tuwo geya ikatumatalidita bego iyogedegededi,
go sem yawoina iyato
Tauyana Totakinona vavasa nimana goi.
24 Tutayana Yeisuyana kerose goi situpatuko,
toinina wowona goi ida goyo ana liuna ilotowoidi
bego ida goyoyadi yaidi takámasa go,
ma kiboobosida taaketoiya.
Tauna Tauyana ana kaipíyama kiyauna pasidi
ida goyo goi kita tadedevina.† Ais 53:4-6.
25 Moitamo, ida dedevinayana itoboine.
Komi boi sipi nakae enao dedevina goi koosuláiga,† Ais 53:6.
go sem ame tuta bogina kokaluvilamna koma
yawoida ana Tomatakavata
nakae ana Tolokáyasa yaina goi.
Tauna komi paakonimi kokatetaagonēmi imi tomoyamoyayao yaidi goi.
†2:3 Sam 34:8.
†2:4 Sam 118:22; Mad 21:42; Mak 12:10; Luk 20:17; Gui 4:11; 1Pi 2:7.
†2:7 Mad 21:42; Mak 12:10; Luk 20:17; Gui 4:11; 1Pi 2:4.
†a2:9 Ais 43:21.
†b2:9 Ais 61:6.
†c2:9 Atu 14:2.
†d2:9 Tat 19:5-6; Atu 7:6; Ais 43:20-21; Tai 2:14.
†e2:9 Ais 9:2.
†2:10 Ose 2:23.
†b2:22 Ais 53:9.
†2:23 Ais 53:7.
†2:24 Ais 53:4-6.
†2:25 Ais 53:6.