1  ✡ Trav 9:15Agrippa te di a Paul: “Ou gen dwa pale pou tèt ou.”

Epi Paul te lonje men li pou te kòmanse fè defans li. 2 “Konsènan tout bagay ke mwen akize pa Jwif yo, mwen konsidere ke mwen gen gwo chans, Wa Agrippa, pou m kapab fè defans mwen devan ou jodi a; 3 Sitou paske ou se yon ekspè nan tout ✡ Trav 6:14koutim ak kesyon pami pèp Jwif yo. Pou sa, mwen mande w pou koute mwen avèk pasyans.

4 “Alò konsa, tout Jwif yo konnen ✡ Gal 1:13kalite vi mwen depi nan jenès mwen, ki soti nan kòmansman an ki te pase pami pwòp nasyon mwen, ak nan Jérusalem. 5 Paske yo konnen mwen depi lontan, si yo dakò temwaye. Mwen te viv kon yon ✡ Trav 23:6Farizyen, selon sèkt ki pi disipline nan tout relijyon nou an.

6 “Konsa, koulye a, mwen kanpe devan tribinal la ✡ Trav 24:15pou lespwa ✡ Trav 13:32pwomès ki te fèt pa Bondye a zansèt nou yo. 7 Pwomès pou sila douz tribi yo gen esperans wè reyalize, pandan yo rete fidèl nan sèvi Bondye lajounen ak lannwit. Se pou ✡ Trav 24:15esperans sa a, o Wa, mwen akize pa Jwif yo. 8 Poukisa pami nou, nou twouve li enkwayab ✡ Trav 23:6ke Bondye kapab leve mò yo?

9 “Alò ✡ Jn 16:2mwen te reflechi a mwen menm, ke mwen te oblije aji avèk anpil fòs kont non a Jésus de Nazareth la. 10 Epi sa, mwen ✡ Trav 8:3te fè menm Jérusalem; non sèlman ke m te fèmen anpil nan sen sila yo nan prizon, men avèk otorite ke m te resevwa soti nan chèf prèt yo, lè yo te mete yo a lanmò mwen te dakò pou yo aji kont yo. 11 Epi ✡ Mat 10:17pandan mwen te pini yo souvan nan tout sinagòg yo, mwen te eseye fòse yo fè blasfèm. Tèlman mwen te anraje avèk yo, mwen te kouri dèyè yo menm nan vil etranje yo.

12 “Pandan mwen te angaje konsa, mwen te ✡ Trav 9:3-8fè yon vwayaj nan Damas avèk otorite ak pèmisyon a chèf prèt yo. 13 Nan mitan jounen an, O Wa, mwen te wè sou wout la yon gwo limyè ki sòti nan syèl la, pi briyan ke solèy la, ki te briye toupatou ozanviwon m ak sila ki t ap fè vwayaj la avè m yo. 14 Epi lè nou tout te tonbe atè, mwen te tande yon vwa ki t ap di m nan ✡ Trav 21:40lang Ebre a: ‘Saul, Saul, poukisa w ap pèsekite Mwen? Se difisil pou ou pou voye pye ou kont pikan yo.’

15 “Konsa, mwen te reponn: ‘Ki moun Ou ye, Senyè?’

“E Senyè a te di: ‘Mwen se Jésus ke w ap pèsekite a. 16  Men leve kanpe sou pye ou. Se pou rezon sa ke m te parèt kote ou; pou ✡ Trav 22:14nome ou kòm yon sèvitè ak yon temwen, non sèlman a bagay ke ou wè, men osi a bagay ke Mwen menm va fè vin parèt a ou menm; 17  k ap delivre ou ✡ I Kwo 16:35de pèp Jwif la, ak pèp etranje yo, pami sila m ap voye ou yo, 18  pou ✡ És 35:5louvri zye yo pou yo kapab tounen kite tenèb la pou limyè a, e domèn Satan pou sila a Bondye, pou yo kapab resevwa padon peche yo ak yon eritaj pami sila ki sanktifye pa lafwa nan Mwen yo.’

19 “Konsa, Wa Agrippa, mwen pa t dezobeyisan a vizyon selès la, 20 men mwen te kontinye deklare ✡ Trav 9:19premyèman a moun Damas yo, e osi ak moun Jérusalem yo, e answit moun tout rejyon Judée a, e menm ak pèp etranje yo, pou yo ta dwe repanti, vire vè Bondye, e fè zèv ki apatyen ak repantans lan.

21 “Pou rezon sa a, kèk Jwif te ✡ Trav 21:27sezi mwen nan tanp lan e te eseye mete m a lanmò. 22 Alò, avèk èd Bondye ke m te twouve, mwen kanpe jiska jou sa a pou temwaye a piti kòm gran, pou pa pale anyen men sa ke ✡ Trav 10:43pwofèt yo ak Moïse te di ki t ap pral rive yo. 23 Ke Kris la te gen pou soufri, e akoz ✡ I Kwo 15:20,23rezirèksyon Li soti nan lanmò a, Li ta devni premye pou pwoklame limyè a, ni a pèp Jwif la, ni a pèp etranje yo.”

24 Pandan Paul t ap di sa nan defans li, Festus te di ak yon gwo vwa: “Paul, tèt ou fin pati! ✡ Jn 7:15Gran konesans ou fè ou vin fou.”

25 Men Paul te reponn li: “Mwen pa pèdi tèt mwen ✡ Trav 23:26trè ekselan Festus, men mwen pale pawòl ak verite byen rezonen. 26 Paske Wa a okuran de ✡ Trav 26:3tout bagay sila yo, e mwen pale ak li osi avèk konfyans, akoz ke m konvenk ke anyen nan bagay sila yo pa kapab chape anba atansyon li, akoz ke nanpwen anyen ki fèt nan yon kwen. 27 Wa Agrippa, èske ou kwè nan pwofèt yo? Mwen konnen ke ou kwè.”

28 Agrippa te reponn a Paul: “Ak yon ti bourade konsa, ou vlè pèswade m pou devni yon ✡ Trav 11:26Kretyen?”

29 Paul te reponn: “Mwen ta vle devan Bondye, ke menm si se ak piti, oswa ak gran, ke non sèlman ou menm, men tout sila ki koute mwen nan jou sa a, ta kapab vini menm jan ke mwen ye a, sof pou ✡ Trav 21:33chèn sila yo.”

30  ✡ Trav 25:23Wa a te leve avèk gouvènè a, ak Bérnéice, ak sila ki te chita avèk yo. 31 Epi lè yo te ale akote, yo te kòmanse pale youn ak lòt. Yo t ap di: ✡ Trav 23:29“Mesye sila a p ap fè anyen ki merite lanmò oubyen prizon.”

32 Epi Agrippa te di a Festus: “Mesye sa a ta gen dwa ✡ Trav 28:18libere si li pa t fè apèl a César.”