1 Dopana,* Mt 19:14; Ep 4:22; Je 1:21 nyakamame koo pingi dupa pitakapi, sambo lenge dupa pitakapi, minakasingi dupapi, nyipu laka lao masetala mona koo palenge dupapi, pii koo lenge dupapi mana dutupa pitaka soo nepalapape. 2 Wane* Mt 18:3; 1 Ko 3:2; Ip 5:12 nana epapu mandipae dupame andu ipange etete auu kaengemali pyoo nyakamame Gotenya pii kuni nasingi doko auu kayalapape. Pii dokome nyakama pyoo nyoo andasetae katamana lao nyakamame dopa pyepape. 3 Kamongo* Wee 34:8 doko epe lamo lao nyakamame nakande sepeami.

4 Nyakama* Wee 118:22; Ais 28:16; Mt 21:42; Ap 4:11; Ep 2:20-22 baa lete katenge pingina* pingina, kilya pulimbanapi Pitame pingina leamo doko Kataisa lete katenge doko kandao lea-pyaa. Kilya pulimbanapi leamo dupa naima Kataisa-pipa pakatae lete katenge dupa kandao kongali lea-pyaa. joo kalyamo doko-kisa ipupape. Endakali dupame pingina doko daa latala nepateaminoaka doko, Goteme baa etete angi lamona latala yapao nyia-pyaa. 5 Nyakama* Eke 19:6; Ais 61:6; Lo 12:1; Pa 1:6 kilya pulimbanapi lete katenge joo kalyamino dupa Oli Sipitisanya losuu anda joo kalyepape. Dopa petala Oli Sipitisa dokome lelyamoli pyoo nyakamame Gote lao kundi maiyanya nyakama pitisa etete epe joo kalyepape. Goteme Jisasa Kataisanya kalai piamo doko lao masetala, nyakamame baa kundi maitamino dupa baame auu kayao nyeta. 6 Doko,* Ais 28:16; Lo 9:33; 10:11; Ep 2:20 Gotenya pii pepa pyapae singi dokonya dapa lao pyapae silyamo:

8 Dee* Ais 8:14-15; Lo 9:33 masoo minala naenge endakali dupa anda pingina dokome lombasetala, koo pina lao mapisingiaka.” Gotenya pii lapae doko daa lao nepelyamino dokonyaka lombapae soo kalyamino. Goteme dopa pitamina lao wamba waka lea-pyaa.

9 Dupa* Eke 19:5-6; Dit 4:20; 7:6; 14:2; Ais 9:2; 43:20-21; Ap 26:18; Ep 5:8; Kl 1:12-13; Ta 2:14; 1 Pi 2:5 lombapae soo kalyaminoaka doko, Goteme nyakama iminjetae doko yakinatala baanya tii pipae etete auu koo pipae dokonya ipupa lateamopa, baanya kalai etete andake epe pingi dupa endakali dupa lamaiyanya nyakama Gotenya yapao nyepae endakalipi, kiŋinya pitisapi, Gote tangenya endakali etete epepi kalyamino. 10 Wamba* Osi 1:6-9; 2:23; Lo 9:25-26 nyakama Gotenya joo nakateaminoaka doko, indupa nyakama baanya endakali joo katapelyamino. Wamba Goteme nyakama kondo nakayamoaka doko, indupa baame nyakama kondo kayatelyamo.

11 Mona* Wee 39:12; Ga 5:17,24; Je 4:1 setenge paluma, nyakama endakali opone joo tisa nao katao pituu, endakalinya mona koo dokome nyakamanya imambu doko yanda pimaingi dupa etete yakinalapape lao nambame nyakama langyokondape pyoo langilyo. 12 Netesa* Ais 10:3; Mt 5:16; Lu 19:44 endakali dupame nyakama kandao, koo pingimana lao pyalanya latamino kandao doko, dupame nyakamanya mana epe minatamino dupa kantatala, Goteme endakali kanja ipatamo gii dokopa, baa lao tama pina lao nyakamame dupanya kainanya mana epe minao kalyepape.

13 Nyakamame* Ta 3:1* Lo 13:1-7 Kamongo doko lao masetala, endakalimi mana makandepi setapae dupa pitakanya pundipundi kalyepape. Kamongo kiŋi mupa dokonya pundipundi kalyepape. 14 Kapomane andake dupame koo pingi endakali dupa anjinya palyetala epe pingi endakali dupa kandao lalyina lao kiŋi dokome katena lelyamona lao masetala nyakamame akali dupanya pundipundi kalyepapeaka. 15 Doko,* 1 Pi 3:16 Goteme nyakama dapa pipimi laka lao masilyamo: dupame kyakaenge pii masala nayao mee lelyamino dupanya nyakamame mana epe minao nengekaita lyokakamaipimi laka lao masilyamo. 16 Nyakama* Ga 5:13; Ju 4 mokao nyepae joo payao kalyepape. Dopa pyoo katataminoaka doko, naima mokao nyepae joo katao koo pyoo luiyapenge jilyamona lao masala nayalapape. Nyakama Gotenya kendemane endakali joo payao kalyepape. 17 Nyakamame* Pot 24:21; Mt 22:21; Lo 12:10 endakali dupa pitaka andanda semaiyoo, kaiminingi dupa auu kayao, Gote paka kayao, kamongo kiŋi mupa doko andanda semaiyoo kalyepape.

18 Nyakama* Ep 6:5-8 kendemane dupame nyakamanya akali andake dupa etete andanda semaiyoo dupanya pundipundi kalyepape. Akali andake mona epe palengepi tambo lapaepi dupanya iki pundipundi nakatenya, isingi akali tomba napae dupanya apata pundipundi kalyepapeaka. 19 Akali* Je 5:11; 1 Pi 3:14; 4:14 andake mendeme nyakama mee tanda ditamopa nyakamame Gote lao masetala mee tanda nyetamino doko, Goteme yaka pilyaminona lata. 20 Nyakamame koo pitaminopa dupame nyakama pyao takyetaminopa takina lao kayatamino kandao doko, nyakama-kisa epe aki mende setape? Nyakama auu pyoo katao dupame tanda dina lao kayatamino kandao doko, Goteme yaka pilyaminona lata. 21 Nyakama* Mt 16:24; Jo 13:5; 2 Te 3:7 dopa pyoo payatamina lao Goteme ipupa latea. Doko, Kataisame nyakama lao masoo tanda nyepala, baame piamoliaka pyoo nyakamame pyepale lao mana doko setekea. 22 Baame* Ais 53:9; Jo 8:46 koopi mende napia. Baanya pii leamo dokonya sambo piipi mende napalea. 23 Endakali* Ais 53:7,12; Mt 5:39; Lo 12:19; 1 Pi 3:9 dupame baa kandao pii koo leaminopa, baame yanu pyao pii koo nalea. Baame tanda nyoo pituu itingi yanu nyotona nalea. Baame dupa pitaka etete tolao yapenge dokonya kingilyaka maiya. 24 Naimame* Ais 53:5; Lo 6:2-3,11,18; 2 Ko 5:21; Ip 9:28 koo pingi dupa etete kumina kayapala epe dupa pyoo kalyepale lao baame baa tangenya yonge dokome naimanya koo pingi dupa soo ita poko dokonya pea. Baa pyao kombe palisiamino dupame nyakama saka nyia. 25 Mena* Ais 53:6; Ese 34:5-6; Mt 9:36; Jo 10:14 sipisipi dupa wakale puu puu petala kyakao pengemali pyoo nyakama kyakao payao kateaminoaka doko, indupa nyakama dee pilyetala nyakamanya imambu dupa Isoo Setao Katenge Akali doko-kisa ipatelyamino.