24
Mazanshánén bádsháh
Dáuday Zabur.
1 Zemin o áiay sajjahén hasti Hodáwandayg ant,
jahán o sajjahén mahluk.
2 Chiá ke Hodáwandá áiay bonyát mán daryáyá nádént o
ápáni sará óshtárént.
3 Kay cha Hodáwanday kóhá borzád shota kant?
Kay áiay pákén jágahá óshtáta kant?
4 Hamá ke deli sáp o dasti pák ent,
hamá ke wati arwáhá dém pa náhudagiá natarrénit o
drógén sawgenda nawárt.
5 Á cha Hodáwandá barkata gipt o
cha wati rakkénókén Hodáyá, adl o ensáp.
6 Hamé paymá ant, á mardom ke Ákubay Hodáay shóházá ant,
hamá ke pa áiay démá hodónák ant. Ósht...
7 Oo darwázagán! Wati sará borz bedárét.
Oo kwahnén dar o dapigán! Watá pa sháhegáni pach kanét,
tánke mazani o shánay bádsháh begwazit.
8 Mazani o shánay é bádsháh kay ent?
Porwák o zóráwarén Hodáwand,
Hodáwand ke jangá delér ent.
9 Oo darwázagán! Wati sará borz bedárét!
Oo kwahnén dar o dapigán! Watá pa sháhegáni pach kanét,
tánke mazani o shánay bádsháh begwazit.
10 Mazani o shánay é bádsháh kay ent?
Lashkaráni Hodáwand
hamá ent mazani o shánay bádsháh. Ósht...