5
Sie Pang Nu Ke Auliyak
1 Mwet Israel, porongo on in asor soko su nga onkakin keiwos:
2 Israel el oana sie mutan fusr su anwuki oan infohk uh,
Su ac fah tiana sifilpa tukakek!
Sisilana el, oan fin fohk uh,
Ac wangin mwet in sraklalak.
3 LEUM GOD Fulat El fahk, “Sie siti in Israel supwala sie tausin mwet mweun, ac mwet siofok na painmoul foloko. Ac sie pac siti supwala mwet mweun siofok, ac mwet singoul na foloko.”
4 LEUM GOD El fahk nu sin mwet Israel, “Fahsru nu yuruk, ac kowos fah moul. 5 Nikmet som nu Beersheba in alu. Nimet srike in sukyu in acn Bethel — Bethel ac fah wanginla. Nikmet som nu Gilgal‐mwet we uh ac fah som nu in sruoh.”
6 Suk LEUM GOD, ac kowos fah moul. Kowos fin tia sokol, El fah putati oana sie e nu fin mwet Israel.* mwet Israel: Kas Hebrew fahk mu ‘lohm sin Joseph.’ Kalmac pa mwet in fwil natul Joseph, su mwet Israel. E sac fah esukak mwet in Bethel, ac wangin sie fah ku in konela. 7 We nu suwos su furokla ma pwaye, ac aklalfonye mwet in eisla ma lalos!
8 LEUM GOD El orala itu uh, El orala Nasren ac oakiya acn sin itu saya.† Nasren ... itu saya: Mwet meet ah ekin kutu itu inkusrao Pleiades ac Orion.
El ekulla lohsr lun fong nu ke kalem lun len,
Ac ekulla len nu ke fong.
El eis kof liki fin meoa uh
Ac okoala nu fin faclu.
Inel pa LEUM GOD. Job 9:9; 38:31
9 El uniya mwet ku ac kunausla pot ku lalos.
10 Kowos srunga kutena mwet su lain orekma sesuwos ac kaskas pwaye ke pacl in nununku. 11 Kowos akkeokye mwet sukasrup ac pisrala mwe mongo nalos. Ke ma inge kowos ac fah tia muta in lohm wowo kowos musaela ke eot tufahl, ku nim wain liki ima in grape kato su kowos yukwiya. 12 Nga etu upaiyen ma koluk lowos, ac pusiyen pacl kowos kunausla ma sap uh. Kowos akkeokye mwet wo, kowos eis molin eyeinse, ac ke pacl in nununku kowos ikol tuh suwohs lun mwet sukasrup in tia fwackyuk. 13 Ke pacl koluk ouinge uh, el su oasr kalem yoro el ac mislana ac tia fahk ma el nunku.
14 Suk in oru ma suwohs ac tia ma koluk, tuh kowos in ku in moul. Na LEUM GOD Kulana El fah wi kowos, oana ke kowos fahk. 15 Srunga ma koluk, ac lungse ma wo, ac akkeye tuh ma suwohs in sikyak ke pacl in nununku. Sahp LEUM GOD El ac fah pakoten nu sin mwet na pu su painmoulla in mutunfacl se inge.‡ mwet na pu su painmoulla: Kas Hebrew fahk mu, “mwet lula lal Joseph.” Liye Amos 5:6.
16 Ouinge LEUM GOD Fulat ac Kulana El fahk, “Ac fah oasr pusren tung mwemelil inkanek in siti uh. Ac fah solsolme mwet orekma in ima elos in wi mwet ma oasr moul nu se in tung, tuh elos kewa in tungi mas misa. 17 Ac fah oasr pac pusren tung ac mwemelil ke ima in grape§ ima in grape: acn in na mwet uh israsr ac pwar we. nukewa. Ma inge nukewa ac fah sikyak mweyen nga ac tuku kalyei kowos.” LEUM GOD pa fahk ma inge.
18 Ac mau fuka upaiya nu suwos su salka len lun LEUM GOD! Mea ac wo nu suwos ke len sac? Ac fah mau sie len na lohsr ac tia kalem.* len na lohsr ac tia kalem: kalmen “len na lohsr” pa “sie len in keok,” ac kalmen “kalem” pa “len in engan”. 19 Ac fah mau oana sie mwet su kaingkin soko lion twe sun bear soko! Ku oana sie mwet su utyak tari nu in lohm sel ac siungya pesinka uh, a wet pwasin soko ngalsilya! 20 Len lun LEUM GOD ac fah len na lohsr matoltol, ac wangin kutu srisrik kalem kac.
21 LEUM GOD El fahk, “Nga srunga kufwa kowos oru ke pacl in alu lowos. Nga tia kuhnkuni! 5:21–22; Isa 1:11–14 22 Kowos fin use mwe kisa firir ac mwe kisa wheat lowos nu sik, nga ac fah tia eis. Nga fah tia pac engan ke kosro fact ma kowos kisakin nu sik. 23 Tulokinya on oraru lowos ingan. Nga tia lungse lohng pusren mwe on nutuwos an. 24 A lela nununku suwohs in asrla oana sie unon in kof, ac ma suwoswos in soror oana soko infacl su tia ku in mihnla.
25 “Mwet Israel, ke nga tuh pwen kowos sasla yen mwesis ke lusen yac angngaul, kowos tuh tiana enenu in use mwe kisa ku mwe sang nu sik. 5:25–27; Orek 7:42–43 26 Tusruktu inge, ke sripen kowos alu nu ke ma sruloala pangpang Sakkuth ac Kaiwan,† Sakkuth: pa sie ma sruloala su elos pangon tokosra lalos. Kaiwan pa sie ma sruloala in luman itu se, su elos pangon mu god se lalos. kowos fah enenu in us ma sruloala lowos ingan 27 ke nga ac eiskowosyang nu in sruoh in sie facl alukela Damascus.” Pa inge kas lun LEUM GOD, su pangpang God Kulana.
*5:6 mwet Israel: Kas Hebrew fahk mu ‘lohm sin Joseph.’ Kalmac pa mwet in fwil natul Joseph, su mwet Israel.
†5:8 Nasren ... itu saya: Mwet meet ah ekin kutu itu inkusrao Pleiades ac Orion.
‡5:15 mwet na pu su painmoulla: Kas Hebrew fahk mu, “mwet lula lal Joseph.” Liye Amos 5:6.
§5:17 ima in grape: acn in na mwet uh israsr ac pwar we.
*5:18 len na lohsr ac tia kalem: kalmen “len na lohsr” pa “sie len in keok,” ac kalmen “kalem” pa “len in engan”.
5:21 5:21–22; Isa 1:11–14
5:25 5:25–27; Orek 7:42–43
†5:26 Sakkuth: pa sie ma sruloala su elos pangon tokosra lalos. Kaiwan pa sie ma sruloala in luman itu se, su elos pangon mu god se lalos.