1 Jisasi'a Jeriko rankumapi ufreno nevigeno, 2 mago nera Sakiasi'e nehaza nera, takesi zgo eneriza vahe'mokizmi kva nekino, afufeno ne' mani'ne. 3 Nankna ne' Jisasi'a mni'ne huno Sakiasi'a kenaku hianagi, tusi'a vahe'mo'za rehiza huntazageno onke'ne. Na'ankure agra upa ne' mni'ne. 4 Ana higeno agareno vugoteno, vunaku'ma hiakante me'nea sikamo zafare umrerino kenigu mni'ne. Na'ankure Jisasi'a ana kante enaku higeno'e. 5 Jisasi'a anama maninere ne-eno, kenagamuteno negeno anage huno asami'ne, Sakiasiga ame hunka eramio, na'ankure menina kagri nompi umanigahue. 6 Higeno Sakias'a ame huno eramino, muse nehuno avreno noma'arega vu'ne. 7 Ana'ma hige'za maka vahe'mo'za nege'za, ke hakare hunte'za, kumi vahe'mofo nompina nantura antenente hu'naze. 8 Hanki Sakiasi'a otino amanage huno Ramofona asmi'ne. Ramoka antahio, fenoni'a amu'nompinti refko hu'na zmunte omne vahe nezamina, nagrama rezmatga hu'na eri'noazana refko hu'na 4'a zupa zamigahue. 9 Jisasi'a amanage huno asami'ne, menina ama nompi mni'naza vahetera, Anumzamo'a zmahokeno zmavre'neazamo ko ene. Na'ankure agranena Abrahamu mofavre mni'ne. 10  Na'ankure vahe'mofo Mofavremo'a, fanane hu'naza vahe hakeno zmavarenaku e'ne.

11 Ana nenekema nentahizageno, Jisasi'a mago'ane fronka kea zmasami'ne, na'ankure mago'a vahe'mo'za antahizana, Anumzamofo kumara ame huno egahie hu'za nentahizageno, Jisasi'a Jerusale tvaonte mni'neno zmasamino, 12  mago ne'mo'a mago kumatega vuno anantega kva umniteno ete enaku nehuno, 13  10ni'a kazokzo eri'za vahe kehuno, 10ni'a zgo nezamino, anage huno zmasami'ne, eri'za kante erinenteta mago'a zgoa retro nehinkena etena henka egahue.

14  Hianagi ana kumapi nemaniza vahe'mo'za zmasivazinte'za, mago'amokizmi huzmantage'za vu'za anage hu'naze. Tagra ama ne'moma kvagri rante'zankura tave'osie hu'naze. 15  Ana kumama omeriteno ete eno, kazokzo eri'za naga'a koma zami'nea zagoretira, nankna huza mago'a zagoa retrora hu'naze keno antahino hunaku zamagi hu'ne. 16  Ese ne'mo eno anage hu'ne, Ramoka tare zotama zago nami'nantetira, mago'ane ana zagoretira eri'za erina 200ti zgoa retro hune, higeno, 17  ana ne'mo'a anage huno asami'ne, so'e hunka eri'za erinane, knare eri'za nemoka, na'ankure osi'zante knare hunka kegva hu'nanku, menina 10ni'a rankuma kegva hugahane higeno, 18  anante'mo eno anage hu'ne, Ra'moka tare zotama zgoma nami'nantetira eriza erina 100ti zgoa retro hu'noe higeno, 19  Ana ra nemo'a anage agri enenkura huno asami'ne, kagranena 5fu'a kuma kegva hugahane huno asmi'ne. 20  Mago'mo anante eno anage hu'ne, Ramoka, zgoma nami'nana hankasipifi ante'novzitena ante'noankina ama erina oe. 21  Na'ankure kagra kema hunka hugahue hanazana nehunka (hihamu ne' mni'nenka), kagra rumo'za kri'nazaza enerinka, onkrinanazana negafinka nehanku kore hu'na fraki'noane. 22  Ana ne'mo'a anage huno asmi'ne, Kagrama hana kere, kefo kazokzo nemoka kagrira refko hugahue. Kagra ontahinane, nagra himamu ne' mni'nena, nagra ontenoazana enerina, okri'noazana e'nerugenka antahinane? 23  Na'a higenka zgoni'a zgoma nentaza nompi antenankeno, ruguheno mago'a erifore nehigena ehanatina e'orue? 24  Anage huteno, anante otinaza vaheku anage huno zmasami'ne, tare zota'a zgo eritma 200ti zgoma erifore hu'nea nemofo amiho. 25  Ana vahe'mo'za anage hu'za ana nekura hu'naze. Ramoka, agra 10ni'a zgoa ko eri'ne hu'za hu'naze. 26  Hanki amanage hu'na neramasamue, maka vahe'mozama rama'a erinesamokizmia, mago'ane anteaguheno zamigahie. Hianagi e'orinesimofompintira, erineniama'a hanaregahue. 27  Hianagi ama ha' vahe'nimo'za, kvama nagra huzmantezankura zmesra hunantaze vahera, zmavreta nagri navure zmaheta rukafritreho huno hu'ne. 28 Jisasi anage huno zamasmiteno, ugagota huzmanteno Jerusale kumate vu'naku vu'ne.

29 Jisasima Jerusale vunaku Betfakene Betani kumatema nevuno, Olive nehaze agonare erava'o nehuno, amagema nenta'a disaipol ne'trena huznanteno, 30 anage huno znasamine, ugota huta antu kumapi ufreta ome kesa'ana, vahe'mo'za agofetura mni'za ovu'nesaza donki afu kinare mni'nesigeta kesuta'a, kazufeta avazu huta amare e'o. 31  Mago'a vahe'mo'zama tamantahige'za na'a hunaku katunefa'e? Hanigeta anage huta znasamiho, Ramomofona eri'za me'negeno hurantegeta'e hi'o. 32 Jisasima anage huno huznantegeke vu'ne ome ka'ana, kema huzananteneaza hu'negene ome ke fore hu'na'e. 33 Nofi'ma ana donki rentenea ome katu nefakeno, ana donki afumofo nfa'amo'a znantahigeno, Na'a hunaku e'i afura katu nefa'e? huno znantahigege'ne, 34 Ramofona eri'za me'negeno hurantegeta eme katu nefo'e hu'na'e. 35 Ana hutene avare'ne Jisasinte uhnatikeno, zamagra nakre kuzmi ana donkimofo agofetu zafiza antegeno Jisasi'a agofetu mni'ne. 36 Jisasi'ma nevige'za nakrekuzmi zafiza kampi tafe vasinte'nageno ana agofetu vu'ne. 37 Ana'ma huno Olive agonare vu kantema umanehnatigeno, maka amagema nentaza disaipol nagamo'za, Anumzamofo agi erisaga hu'naze. Na'ankure maka kaguvazama higeza kenaza zanku ranke hu'za musenkase nehu'za amrara hu'za, 38 ranke hu'za, Ramofo agifima ne-emofona ra agi amisune. Monafina rimpa fru menkeno, Anumzamofo hihamu hanavemo'a mrerigateresie. (Sam-Zga 118:26, 148:1) 39 Ana veapinti mago'a farisi vahe'mo'za hu'za anage huza asmi'naze, Rempi hurami nemoka, kamagema nentaza disaipol nagaka'a ke zmasuge'za anage osiho huza asmi'naze. 40 Hianagi Jisasi'a kenona anage hu'ne, zamagrama kema tagnenageno'a hankami havemo'za, Anumzamofo agi'a erisaga hugahaze!

41 Jisasima Jerusale kuma tvaonte vugofa huno, ana ran kuma'ma negeno zavi neteno, 42 anage hu'ne, ama knare'ma kagrima krimpa fruma hu'zama fore'ma nehiazana, kagra nonkane! Hianagi kagri kavurera rimpa fruzamo'a frakino me'negenka nonkane. 43  Na'ankure mago'a kna ne-eankino, ha' vahe'timimo'za eme tamavazi kagiza, maka asopa eme regagi ramante'za, 44  makazantmi eritagna vazi atresigeno, mopafi fragu vaziramino mena, tamagri'ene mofavretmine haviza nehanageno, zamagra mago havea atresageno mago havemofo agofetura omnegahie. Na'ankure kagrima Anumzamo'ma kazama hiazana kenka antahinka osu'nane.

45 Jisasi'a ra mono nonte vuno, miza neseza zgore netraza nagamofona, agafa huno zamahe megi netreno, 46 amanage huno zamasmi'ne, anage huno avontafepina krentene, Nagri nomo'a nunamu hu no megahie. Hianagi kumzafa vahe'mofo nokna nehaze. (Ais 56:7, Jer 7:11) 47 Mago mago knarera Jisasi'a ra mono nompi rempi huzami'ne. Hianagi prisi vahe'mo'zane, kasegere ugagota hu'naza vahe'mo'zane, ranra vahe'mo'zanena azeri haviza hanaza kanku hakre'naze. 48 Jisasima azeri haviza hanaza kana keza eri fore osu'naze. Na'ankure maka vahe'mo'za Jisasima hu'nea ke antahinazageno'e.