1 Zmavesra osu maka zupa nunamu hanagu, fronka ke Jisasi'a amagema nentaza disaipol naga'a anage huno zmasamine. 2  Mago rankumatera ke refkohu (jas) kva nera mni'neakino, Anumzamofonku korera nosuno, vahe'mokizmia zmagefenkami netrea nere. 3  Magora kento ara ana rankumapina mni'nea amo, ke refko nehia kva nete eva eva nehuno, anage hu'ne. Mago vahe'mo nazeri haviza nehianki naza huo hu'ne. 4  Mago'a knafina ana amofo kea antahi omi'neanagi, henka anage huno agesa antahine. Nagra Anumzamofonkura korera nosu'na, vahe'mokizmia zmagefenkami netroanagi, 5  ama kento a'mo tutu hunenanteno hakare zupa evava nehuno nazeri navesra nehianki, ru evava huno nazeri naveresra hanigi aza hanue hu'ne. 6 Ramo'a anage huno zamasmi'ne, fatgo osu ke refkohu kva nemo'ma hu'nea kegu tamagesa antahiho hu'ne. 7  Hanki Anumzamo'ma huhampri zmantenea vahe'mo'za, hanine zgene antahigevava nehnageno'a, zmasuragizmanteno zavikezmia ontahigahio? 8  Amanage hu'na neramasamue. Agra ame huno zmasu ragizmanteno zamaza hugahie. Ana hugahianagi Vahe'mofo Mofavre'moma esuno'a, Agra ama mopafi vahe'mofo zmentinti emezmagegahifi emeozamagegahie?

9 Mago'ane fronka kea huno, zamagrazmigu antahi'za tagra fatgo vahe mani'none nehu'za, ruga'amo'za knare osu vahe mani'naze hu'za zmagefenkami netrazamokizmi zmasami'ne, 10  tare netremoke nunamu hunaku ra mono nompi mreri'na'e. Magora Farisi nere, magora takisi zgo e'neria nere. 11  Farisi ne'mo'a otineno anage huno agra'agu nunamu hu'ne. Anumzamoka nagra susus huna muse nehue, mago'a vaheknama osu'na havige huno musufa nesea vaheknara nosuna, kefoza nehaza vahekna osu'na, arave netanaza vahekna nosuna, ama takesi zgo eneria ne'kna osu'noe. 12  Maka sontamofo agu'afina tare zupa nezana a'o nehuna, makazama atrena zgoma erufintira, musezana mago kevu refko huna Anumzamofona nemue. 13  Hianagi takisi zgoma e'neria ne'mo ogantu otino manino monafinka kesga huno nonkeno, kepri huno amimizare amasagino amanage hu'ne. Kumike vahe mni'noanki Anumzamoka kasuntaginanto huno hu'ne! 14  Amanage huna neramasamue, takisi eneria ne'mo'a Farisi ne'mofona agetereno Anumzamofo avurera fatgo huteno noma'arega vu'ne. Na'ankure agra avufga erisaga hanimofona, Anumzamo'a azeri fenka atregahie. Hianagi iza'o avufama anteramisimofona, Anumzamo'a azeri sga hugahie.

15 Mago'a veamo'za ne'one mofavre'zmia Jisasi zamufare zmavako nehuno, asomu ke huzmantenogu zmavre'za neageno, amage'ma nentaza disaipol nagamo'za nege'za, ke zmasu'naze. 16 Hianagi Jisasi'a amagema nentaza disaipol nagara zmagi huno zamasmi'ne, zmatrenke'za ne'one mofavre ramina Nagrite eho. Kazmia renkanire ozmanteho. Na'ankure Anumzamofo Kumara, e'inahu vahe'mokizmi kuma me'ne. 17  Tmage hu'na neramasmue, iza'zo ama mofavre'mo'za enerizankna hu'za Anumzamofo Kumama e'orisamo'za, uofregahaze.

18 Mago afufenone kva ne'mo amanage huno Jisasina antahige'ne, Knare Rempi Hurami Ne'moke, nankna hutena manivava asimura erigahue? 19 Jisasi'a anage huno kenona ana nemofona asmi'ne. Na'a higenka Nagrikura knare hunane hunka nehane? Mago vahe'mo'a knarera osu'neanki, Anumzana magokemo knarera hu'ne. 20  Hanki kagra kasegea antahinane, rumofo aro vea avazu osuo. Vahera aheofrio. Maka'zana musufa oso. Ru vahe'mofonkura rempagari kea osuo. Negrerane negfane keznia erizafa huo, hu'nea kea antahinane. (Eks-Uti 20:12-16, Diu-Kas 5:16-20)

21 Huno Jisasi'a higeno, ana kva ne'mo'a mofavre mani'na enoregatira ana mika kesegea amage ante'na e'noe, huno higeno, 22 Jisasi' ana ke antahiteno amanage huno ana ne'mofona asmi'ne, mago zantfa atupara hu'nane, maka zanka'a zgore atrenka zgo erinka, zamunte omne vahe nezamigeno, monafi fenonka'a mesigenka enka eme namage anto. 23 Hianagi ama ana naneke nentahino, rimpagna afufenoma'agura hu'ne. Na'ankure agra tusi'a afufeno antenegu ana hu'ne. 24 Jisasi'a ana nemofo negeno anage hu'ne, fenozmine vahe'mo'za Anumzamofo Kumapima vunaku'ma hanazana tusi'a mraguzatigahaze! 25  Na'ankure kemorimo'za fru hu'za kena hati nekazamofo kampina ufregahazanagi, afufenone vahe'mo'za tusi'a mraguzati'za Anumzamofo Kumapina ufregahaze. 26  Anampi mni'naza vahe'mo'za ana ne'kuma asamia kema nentahiza, hagi iza manivava asimura erigahie hu'za antahigenaze? 27 Hianagi Jisasi'a anage hu'ne, makazama vahe'mota osugazana, Anumzamo'a amne hugahie higeno, 28 Pita'a amanage huno hu'ne. Ko, mika zantia atreta, Kagri kamage anteta neone. 29 Higeno Jisasi'a anage huno zmasami'ne, tamage hu'na neramasamue, magomo'a noma'o nenarono, afu aganano, nererano nefano, mofavre'ama Anumzamofo Kumaku'ma huno atresimo'a, 30  amama mni'nea knafina rama'azantmi e'nerino, henkama esia knafina monarera, manivava asimura erigahie.

31 Jisasi'a 12fu'a amage'nentaza disaipol naga'a zmavrekanti anteno, anage huno zmasami'ne, antahiho, Tagra Jerusale kumate marerita vanunkeno, maka kema kasnampa vahe'mo'za, Vahe'mofo Mofavregu hu'za kre'naza kemofo avufa'a fore hugahie. 32  Na'ankure megi'a vahe zmazampi avare amisageno, azanva ke hunente'za, azeri haviza nehu'za, avetu ahentegahaze. 33  Ana nehu'za, sefu amite'za, ahefrisageno friteno, ete tagufa knazupa otigahie. 34 Hianagi amage'ma nentaza disaipol nagamo'za fritena otigahue hiankemofo agafa'amo'a frakino oku'a me'negeno, ana kemofo agafa'a antahi amara osu'naze.

35 Jisasi'ma Jeriko kumate vugofa nehigeno, mago avusuhu ne'mo kamofo ankenarega meme nehuno mni'neno, 36 antahigeno rama'a vahe enevzageno, naza fore nehie? huno zmantahigege'za, 37 zamagra asmi'za, Nazareti kumateti ne' Jisasi enevie nehazageno, 38 Ranke huno kezatino, Jisasio Deviti Nemofoga kasuntginanto! Higeno, 39 kotama vaza vahe'mo'za ana ke nentahi'za kesu'za, kea osunka kagira hamunkinka manio hu'naze. Hianagi mago'ane kezatino, Deviti Nemofoga kasuntginanto! 40 Jisasi'a neviretira anante uotino, kehinkeno eno hige'za, ana nera ome avare'za erava'o hazageno, anage huno antahige'ne. 41  Na'a huganteku hugenka nehane? Higeno, Ramoka ete navua kesuegu nehue! 42 Jisasi'a anage huno asmi'ne. Kamentintimo kazeri hari hianki kavua ko higeno, 43 avurgamo'a ame huno anante hari higeno, ete knare huno negeno, Jisasina amage'anteno nevuno, Anumzamofo agi erisaga nehige'za, miko vahe'mo'za nege'za zamagranena Anumzamofo agi erisaga hu'naze.