“Yau Yeisu yaigu goi Yaubada Balomaina ainima aiyuwo be nakae utuna ainima aiyuwo sikaaiyaka. Ame nakae alatuwokoimi: Imi sinapu bogina ayaagoidi. Komi valemi bego balomaimi maa yawoidi go, komi woi balomaimi kaamasidi! 2 E tauna matamasimasisi koyāto go, koetoyāusa be ava sinapuva dedevidi nava sikaaiyaka yaimi kokitogagēdi, govila bei giyakainava sikámasa. Moitamo. Imi guinuwa bogina adovatusidi go, guna Yaubada matana goi geya sidedevineta. 3 Tauna konuwookavāte manakaemi boi Vala Dedevina konove be nakae bogina kokabi. Valayana koyoisiikavāte go, kotugavīla. Tauna matamasimasisi koyāto go, koyauyāusa! Go neta geya, yau bei tovaináwana nakae avatoopemi, tauna geya koyagoiyeta ava lava goi bei ao.† Mad 24:43-44; Luk 12:39-40; 2Pi 3:10; Nuw 16:15. 4 Geya kada madabokimi Sadesi goi imi sinapu kwama baailidi nakae bogina sigoyo geya, go sem ami taiyuwomo nava imi sinapu dedevina kwama maavadaina nakae, tauna komi mami toboine yau taiyao mada kwama poowouna taketoiyaa vavasa.

5 Avatauwa komi neta kootogaga,†a Nuw 2:7,11,17,26, 3:12,21, 21:7. e ami kwama poowoudi bei kolosidi be yoimi yawana vata bukina goi†b Tat 32:32-33; Sam 69:28; Pil 4:3; Nuw 13:8, 17:8, 20:12,15, 21:27. geya atauwedita be nakae yoimiyadi akamoitamoedi Tamagu mana aneroseyao yaidi bego komi yau guna bodao.†c Mad 10:32; Luk 12:8.

6 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokōidi!” ’

“Yau Yeisu Totumasaba†a Mak 1:24; Luk 4:34; Iyo 6:69; Gui 2:27; 1Iy 2:20; Nuw 16:5. be Aba Numisa.†b Tat 34:6; Nuw 6:10. Yau tubugu Devida ina ki nimagu goi ayoyoisi. Neta totom akatupáeve, geya vatau tayaamo itoboine bei ikatunibode, e nakae neta akatunibode, geya vatau tayaamo ikatupáeve.†c Ais 22:22. E ame nakae alatuwokoimi: 8 Imi sinapu bogina ayaagoidi bego imi togaga giyaina ikaaiyaka go, tuwo guna livala bogina koyoisikavate be nakae yoigu geya kolawoiwoiyeyeta. Tauna konōve! Niboda bogina akatupáeve manumi go, geya vatau tayaamo itoboine bei ikatunibode. 9 Konōve! Tauyadi Kaleya ana totugugunayao kadi, ‘Kai Diyuu, Yaubada ina bodao’ go, geya, go sem kidi topola. Tauyadi nava bei alovinaedi bego sima matami goi aedi sivatugúyala go, bei siyagoigu bego komi amatakooiyemi.† Ais 49:23, 60:14. 10 Guna livala mesayágana manuna bogina koyoisiikavate, tauna yau nakae nava vakakona ana tuta bei ima poyapoya ana madabokina goi da poyapoya‡ Da Poyapoya: Ame livalayana ana yagoina Iyoni goi moe avatauwa neta Yaubada siikatae be nakae geya situgavileta.†a Nuw 6:10, 8:13, 11:10, 13:8,14, 17:8. adi vakakona sibabane, go komi sem bei vakakonayana yaina goi avagagalemi.†b 2Pi 2:9. 11 Giyakainava bei awowoiwo, tauna mami numisa kotaoyaakavāta bego geya vatau tayaamo itoboine imi vaiwówana ivasebukoimi.

12 Avatauwa komi neta kootogaga,†a Nuw 2:7,11,17,26, 3:5,21, 21:7. bei alovina komalakówala nakae guna Yaubada ina Vada Kimaasabaina manuna be Tauyana matana goi kokaiyako vata. Yaimi goi Yaubada yoina be nakae ina kasa yoina aginidi; asayana moe Yerusalema vau, nava bei guna Yaubada yábana goi ietune isou ima.†b Nuw 21:2. Nakae yoigu vau yaimi goi bei agini.†c Ais 62:2, 65:15.

13 Avatauwa komi neta ma taaiyami, Baloma Kimaasabaina ina livala Tomoya ana totugugunayao yaidi konoveedokōidi!” ’

“Yau Yeisu Aba Kamoitamo o kada, ‘Yau Totalavaita dókana Aba Numisa be Mooitamoina, nakae Yaubada ina madaginao unadi.’ † Ais 65:16; Abi 8:22. Ame nakae alatuwokoimi: 15 Imi sinapu bogina ayaagoidi. Sinapuyadi geya kada basabasaidi bwae tuulaina nakae o bwae yaviyavina‡ Bwae tuulaina nakae o bwae yaviyavina: Ame livalakaibala tayamo. Ana yagoina moe tomota basabasaina. Asa tayamo Laodiseya kikina moe Ierapolisi. Asayana goi bwae yaviyavina ikaaiyaka; bwaeyana medisini nakae tomota ivaaitedi. Aiyuwoina asa yoina Kolose ikaaiyaka Laodiseya kikina go, amo asayana goi bwae tuulaina ikaaiyaka; bwaeyana maavadaina be nakae dedevina toina. E nakae tomota ivaaitedi. Go bwae Laodiseya goi dimokolooisina. Avatauwa sinim latuwodi silagoba. nakae geya. O neta komi basabasaimi amo bwaeyadi tayamo nakae! 16 Go geya, go sem komi geya basabasaimimo bwae dimokolooisina nakae, tauna tobugu goi bei akalagiwolemi. 17 Komi kodigo kami, ‘Kai toinima nimama goi kaetoesaesa. Dogoi liliuna bogina yoiyama’ go, geya koyagoiyeta bego komi ami toovalugo, komi aba nuwokapisi, komi tookaimi, matami sikebo be nakae ma paawakumi.† Ose 12:8. 18 Tauna akatuliwolemi goura maavadaina yeu goi yaigu kogimōne bego koetoesaesa. Kwama poowoudi kogimonēdi bego kokotedi, imi pawaku ina omayamaya ana tabodaboda. Mátana ana medisini kogimōne be matami komigīdi bego kogita dókana. 19 Avatauwa komi neta yau amatakooiyemi, akamamaetalimi be asapimi.† Atu 8:5; Abi 3:12; Ibe 12:5-6. Tauna kotugavīla go, kopooisōgana imi numisa manuna. 20 Konōve! Yau imi totom goi aataoya akaukeeyakeya. Avatauwa komi neta niyagu konove be imi totomyadi kokatupaevedi, e imi vada goi bei asiu yau komi taiyao takáika vavasa.

21 Avatauwa komi neta kootogaga,† Nuw 2:7,11,17,26, 3:5,12, 21:7. bei atagonemi yau taiyao kebagu esaaesaina goi tatulaga talovina nakae boi yau atogaga, e Tamagu kebana esaaesaina goi yau taiyao katulaga kaalovina.

22 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokōidi!” ’