49
Yakobo natunao ikaipakuyedi tetelina
1 E Yakobo natunao iduduwedi sima idigo kana,
‘Kōma kotunibisīgu bei alatuwokoimi kaga bei isowóduwo yaimi.
2 Natugowo,
Kōma yau tamami Yakobo kotaiyakekēgu.
Yau tamami Isileli guna livala konōve.
3 Rubeni,
Kom guna botomoya, guna togaga.
Kom guna togagayana goi agimivenatunim;
agitem kom guna togaga ana kaba kinana.
Natugowo yaidi goi kom yoim gagaina
be nakae kom totogaga.
4 Kom sákala gagaina nakae idaudau go,
tomota geya itoboinedita sikabikunuim.
Go boi monegu aiyuwoina kumasisiye.
Moeko goi kugieomaemaegu.
Tauna am gomanao geya kutobusavedita.
5 Simion be Livai,
Komi imi sinapu sivavasa.
Boi imi sisi koyatakoidi imi kaipíyama
guinuwa goyogoyoina manuna.
6 Boi imi egamogamogu goi koroto kokaumatedi
be nakae mami uyáwana bulumakau kolauibesoidi.
Tauna imi sinapu kotulutulu.
Geya latuwogu bego asiuko;
geya latuwogu bego akabivekoveko kidi taiyao.
7 Imi egamogamogu ivakaigaga
be nakae geya imi nuwokapisimo;
tauna imi egamogamoguyana pasina akatubolatemi.
Komi alivisimi guna bodao yaidi;
tubumiyao bei akausapesapedi guna bodao yaidi goi.
8 O Yuda,
Semowo bei siyapaliyem.
Im kaleyayao bei siwo go,
kom bei kutogagasavedi.
Semowo aedi bei sivatugúyala kom yaim.
9 Kom laiyoni bonatuna nakae.† Yoy 24:9; Nuw 5:5.
Laiyoni ina sinapu ame nakae:
Yoguyogu tayamo ikani ikavava,
ikaluvila ina kebana goi imasisi.
Koroto simatoita bego siwoini;
tauna geya vatau tayaamo bei ima ilauim.
10 Kom mam lovina go,
lovinayana bei ikaiyako vata am dala yaina.
Koroto tayamo am dalayana goi bei ilovina
ana kadókana Tokalibubunayana ima ikalibúbuna
be nakae tomota liliudi sopana sikabikaone.‡ Ame talavaitayana Devida be Yeisu manudi unana adi taiyuwo Yuda tubunao. Mainao Devida lovina ikabi, e ikaiyaka tuta maanawena (2Sa 2:4, 5:3). Ago niga Yeisu ibíbina, lovinayana ikaiyako vata kina yaina (Luk 1:32-33).
11 Tauyana bei toesaesa,
nakae ina oine buyalina keuwoina dedevina
badabada isaki toina.
Tauna itoboine oine buyalina goi ina ase bonatuna isiko,
e keuwoina ikáika.
Aiyuwoina ina oine gagaina,
tauna itoboine oineyana goi ana kwama iníkina.
12 Tauyana koroto gumaboina ame nakae:
Oine bwaena ana nim ivakaigaga,
tauna matana ivakayakaya.
Aiyuwoina bulumakau nununa bwaena ana nim ivakaigaga,
13 Sebuloni,
Kom négwasa kikina goi bei kwaaiyaka.
Im kasa aolaoina dedevina.
Im túwana ina asa Saidoni goi.
14 Isakara,
Kom ase toogagaidi nakae.
Aseyadi asa nauyayanaidi goi simasisi siwaiwasi.
15 Kom aba waiwasiyana
bei kugite dedevina nakae kuuyaone.
Tuwo bei kutagona
paisewa moumouna kuguinuwa go,
kom bei tomota idi pákwana.
16 Dani,
Kom bei totakínona
dala tamo tamo Isileli sinaena,
nako todedevidi, nako toogoyoidi kutakinoidi.
17 Kom bei moteta nakae.
Moteta ina sinapu ame nakae:
Itamumu limou sinaena
ana kadókana koroto ma osina‡ Koroto ma osina: Osi yoguyogu tayamo go, gagaina nakae tomota itoboine isowoya. ilokoina ima.
Motetayana bei isowóduwo osi aena ikani,
tauna korotoyana ikapusi isou.
Kom motetayana nakae
bei im kaleyayao kuvasobusobuyedi.’
18 E Yakobo ikawanoi idigo kana,
‘Yauwe, im yava atuuyaosi!’
19 E tuwaina natunao ilatuwokoidi idigo kana,
‘Gadai,
Tovaináwana bei siwo yaim
bego sivaináwana.
Ago tovainawanayadi bei sisiya
unana kuvatapiyedi.
20 Aseri,
Kom im tánuwo bei iloboina.
Tauna im dibayoya gagaidi bei kubabanedi.
Avam kuvaipolu dedevina
moe guyaguyauwo itoboinedi sikáika.
21 Napatali,
Yoguyogu woiwoi idi sinapu ame nakae:
Toinidi silovina;
nako latuwodi sina, e moe sina.
E kom nakae.
Ago natumowo nakae idi sinapu dedevina.
22 Iyosepa,
Kom ase woiwoi tayamo nakae
doelu kikina.
Nakae ase bonatuna nakae koya tagatagagina goi.
23 Im kaleyayao gamodi sigoyo,
tauna sau goi idi gita sikaiyovaedi yaim
nakae sivatapiyem.
24 Go kom bei kutaoyakavata
nakae nimam sitogaga Yaubada,
Tauyana yau Yakobo guna Totogaga† Sam 132:2; Ais 49:26, 60:12. , pasina.
Tauyana yau Isileli guna Tomatakavata
nakae guna Gurewa
25 nakae yau guna Yaubada.
Tauyana bei ivaitem.
Tauyana Tokalika bei ikaipakuyem.
Ina kaipakuyana ame nakae:
Kúwana dedevina bei isou,
ami bwae doelu goi ikaubobóbwala.
Natumowo badabadaidi bei sibíbina.
E nakae im yoguyoguyao sisusáila.
26 Nakonakae Yaubada bei ikaipakuyem,
e aipakuyana bei tubugu be tamagu
adi kaipaku idedevinasavedi.
Akawanoi Yaubada yaina
bego ame aipakuyana ikaaiyaka yaim
unana kom semowo kutobukukuyuidi.
27 Beniyamina,
Kom weiniya woiwoi sasasaidi nakae.
Nobuyana goi im kaleyayao kukaumatedi
nakae weiniya woiwoi yoguyogu sikaumatedi.
Go lavilavi goi konadi kukaiguyauyedi semowo yaidi
nakae woiwoiyadi yoguyogu iwoina
sikaiguyauye sediyao yaidi.’
28 E ame taudi dala yawou aiyuwo‡ Dala yawou aiyuwo: Yakobo youyuwoina moe Isileli (Abv 35:10). Ago natunao adi badabada yawou aiyuwo. Natunaoyadi dala yawou aiyuwo unadi nakae. Tauna dalayadi yoidi moe natunaoyadi yoidi. Isileli goi sisowóduwo. Ame nakae Yakobo natunao ikaipakuyedi. Boi kidi idi sinapu igitedi, e tauna nakae ikaipakuyedi.
Yakobo ina kámasa tetelina
29 Yakobo ikaipakuyedi ikavava, idigo kana,
‘Natugowo, giyakainava bei akámasa ana tamagu be tubugowo yaidi. Tutayana akámasa ikavava, wowogu kokābi konāve tamagu be tubugowo taiyao kovaliwōge. Tauyadi adi valiwoga moe tukubu sinaena Eta tubuna Epironi ina poyapoya goi. 30 Epironi ina poyapoyayana moe Kenani sinaena tayamo asa giyaina yoina Makipela. Makipelayana moe Mamre kikina. Boi nimatu tukubuyana be nakae poyapoyayana Eta tubuna Epironi yaina Eberamo igimonedi.† Abv 23:3-20. 31 Amoko goi Eberamo ma monena Sera adi valiwoga†a Abv 25:9-10. be nakae Aisake ma monena Ribeka adi valiwoga sikaaiyaka.†b Abv 35:29. E tukubuyana goi boi Reya nakae avaliwoge. 32 Ego poyapoya be tukubu Eta tubunao goi Eberamo igimonedi. Tauna amoko goi kovaliwogēgu.’
33 E Yakobo natunao ilatuwokoidi ikavava, imasisimna go, yawoina ikavava, e ina tamana be tubunao yaidi goi.† Gui 7:15.
‡49:10 Ame talavaitayana Devida be Yeisu manudi unana adi taiyuwo Yuda tubunao. Mainao Devida lovina ikabi, e ikaiyaka tuta maanawena (2Sa 2:4, 5:3). Ago niga Yeisu ibíbina, lovinayana ikaiyako vata kina yaina (Luk 1:32-33).
‡49:12 Ame tomwanayadi adi yagoina ame nakae: Toesaesayana ina esaesa gagaina, tauna itoboine ina ase isiko oine buyalina goi unana keuwoina badabada isaki. Geya inuwonuwoneta buyalayadi manudi. Neta aseyana ikáika, tuwo dedevina unana badabadaidi sikaiyaka. Oine ana maisa gagaina go, tauyana toesaesa nakae itoboine oineyana goi ana kwama inikidi.
‡49:17 Koroto ma osina: Osi yoguyogu tayamo go, gagaina nakae tomota itoboine isowoya.
†49:24 Sam 132:2; Ais 49:26, 60:12.
‡49:28 Dala yawou aiyuwo: Yakobo youyuwoina moe Isileli (Abv 35:10). Ago natunao adi badabada yawou aiyuwo. Natunaoyadi dala yawou aiyuwo unadi nakae. Tauna dalayadi yoidi moe natunaoyadi yoidi.
†a49:31 Abv 25:9-10.