‘Tomota kulatuwokōidi latuwogu gaigíyala taalaidi sikabidi, aba kasala simadagi. Ana mamanao be nakae ana papaeva moe ovatayamo panetayataya go, ana tukotuko moe ovatayamo. 2 Simadagi ikavava, e ana sakusaku aivasi simadagidi matakubuna aivasi goi siyatoidi go, sakusakuyadi be aba kasala alova tayamo goi simadagidi. Siyatoidi ikavava, kopwa paaevaidi sikabidi, aba kasalayana goi sikaupatukoidi. 3 Ikavava, e kopwa tuwaina sikabidi, aba kasala konanina simadagidi. Konaninayadi ame nakae: Silekau ana kaba vadoda, ana sabwero, ana borodisi, ana sisiwo be nakae pokova ana kaba vadoda simadagidi. 4 Ikavava, e kopwa tuwaina sikabi, ana vátala simadagi yeu ana kaba dímila manuna. Go vatalayana matakubuna aivasi goi rini kopwa sikaupatukoidi go, sisowóduwo aba kasalayana toluyena goi. 5 Ikavava, e aba kasala sinaena nauyayanaina goi sidodoi. 6 Ikavava, aba kasala ana kaitakeo gaigíyala aiyuwo sibobóidi. Niga kopwa paaevaidi goi bei sipaimidi. 7 Ikavava, aitakeoyadi sivaisiudi riniyadi aba kasala toluyena goi, dadavina tayamo, dadavina tayamo, e bei itoboinedi aba kasalayana sikaaitakeve. 8 Aba kasalayana timba paaevaidi goi bei simadagi. Go sinaena daakakaina be nakae dibuna geya ana kaubodamo. Latuwogu simadagi nakae makayauna boi koyayana goi bogina avatulukoim.’

‘Tomota kulatuwokōidi latuwogu guna Kaba Kaiyakayana sikali. E areko dedevidi sikabidi, guna Kaba Kaiyakayana ana kali simadagi. Aliyana youya dadavina ana mamanao moe ova teti (30). 10 Kówala ana badabada tuwenti (20) adi kaba taoya kopwa goi sivataoedi. Kowalayadi adi takudukudu goi rini‡ Rini: Ame nakona siriba paaevaina sikabi, sikinuboili, e rini nakae siwodugu. Kówala sipona goi riniyana sivalilivi go, kówala ana takudukudu sobuyekoina (Tat 38:17). be aba talagegeta siriba siyatoidi. 11 Yawéyana dadavina goi nakae. Ana mamanao moe ova teti (30) go, kówala ana badabada tuwenti (20) madi kaba taoya kopwa goi. Kowalayadi adi takudukudu goi rini be aba talagegeta siriba siyatoidi. 12 E aliyana koiboga dadavina ana mamanao moe ovayawou ovanima go, kówala ana badabada yawou adi kaba taoya kopwa goi sivataoedi. Go sipodi goi rini be aba talagegeta siriba siyatoidi. 13 E aliyana ana kaba siu goi moe bomatu dadavina, ana mamanao nakae ovayawou ovanima. 14-15 Aba siu dadavina ana mamanao ovavasi panetayataya, dadavina ovavasi panetayataya. Go ana kówala dadavina aito, dadavina aito adi kaba taoya goi sivataoedi. E kowalayadi goi arekoyadi sivakosainedi. 16 E búyala noyanoyaidi buruu, kalaakovidi toidi be kayakayaidi be nakae areko dedevidi sikabidi, gíluma ana tokatanaki sivini, ali ana kaba siu ana taboda kaarekoina igilumi. Go tabodayana ana mamanao moe ovanima ovayuwo. E kówala aivasi adi kaba taoya goi sivataoedi go, kowalayadi goi tabodayana sivakosaine. 17 Kówala liliudi ali goi madi rini siriba be nakae madi kaba talagegeta siriba. Go kowalayadi adi kaba taoya moe kopa. 18 Ali ana mamanao moe ova teti (30) go, ana papaeva moe ovayawou ovanima. Go aliyana ana tukotuko moe ovatayamo panetayataya. Aliyana moe areko dedevidi go, kówala adi kaba taoya moe kopa. 19 Guna Kaba Kaiyakayana ana turu liliudi kopa. E nakae ana kaba kokavata be nakae ali ana kaba kokavata liliudi moe kopa.’

‘Isileli tubunao kulatuwokōidi latuwogu sina oribe mumuna dedevina toina sikabi rampa manuna, e bei rampayadi lavilavi tamo tamo silotuvaninimidi sininínima. 21 Guna Kaba Valoboda‡ Aba Valoboda: Ame nakona Yauwe ina Kaba Kaiyaka youyuwoina (Tat 33:7). Tayamo yoyou parai nakae Mosese iyowo go, amoko goi Yauwe ivalobode, tauna paraiyana yoina Aba Valoboda. sinaena go, vabodaupa kaarekoina toluyena, e rampa adi kaba yata bei ikaaiyaka. Latuwogu rampayadi Eroni ma natunao sirugwausidi sininínima lavilavi ina nobuyana. Ame lovinayana ikaiyako vata Isileli tubunao yaimi.’