89
Ba tang ni fan ko ngiyal’ nike yib e oloboch ko nam* TITLE NI HEBREW: Ba thin rok Ethan nib Ezrahite. Title 1 Ki 4:31
1 A SOMOL, gubin ngiyal’ ni bay u gu tangnag e t’ufeg rom ni dabimus;
bay ug weliy murung’agen fanam yul’yul’ ni dab gu tal bi’id.
2 Gu manang ni t’ufeg rom e bay i par ndariy n’umngin nap’an,
ma fanam yul’yul’ e dabi chuw ni bod lanelang.
3 Ke lungum, “Kug ngongliy e m’ag u thilmow fare mo’on ni gag e gu mel’eg;
kug micheg bbugithin ngak e tapigpig rog i David nike lungug,
4 ‘Pi’in ni owchem e bay ur pilunggad ni gubin ngiyal’;
gagiyeg ni bay um tay e bay ug ayuwegnem riy ndariy n’umngin nap’an.’ ”
5 A SOMOL, piyu tharmiy e yad be tangnag e pi manigil ni ga be rin’
yad be tangnag fanam yul’yul’ i gur SOMOL.
6 SOMOL, dariy be’ u tharmiy ni bod gur;
dariy reb e pi chon e tharmiy ni ta’reb rogon ngom.
7 Ba ga’ madgum u lan e mu’ulung ko pi thothup,
yad gubin ni yad ba sak’iy ni ka ra ngat’gad ngom.
8 SOMOL ni Got ni Gubin ma Rayag Rok, dariy be’ ni bod fanam gel;
A SOMOL, ga ba yul’yul’ u fithik’ urngin ban’en.
9 Gur e ga be gagiyegnag gelngin e day;
ga ma mocha’nag e n’ew riy nike puw.
10 I Rahab† RAHAB: Bay ko yat ni ba kokow nu maday nib gel gelngin ko wagagay nge kireb. nib gel gelngin e kam pirdi’iy ke yim’;
gelngim nib gel e ke gel nigem ngak e pi to’ogor rom.
11 Fayleng e mmil suwon ngom, ma ku er rogon e tharmiy;
gur e mu sunumiy e fayleng nge urngin ban’en ni bay riy;
12 gur e mu tay e lel’och nge yimuch;
Burey ni Tabor nge Burey ni Hermon e yow be tang nigem u fithik’ e felfelan’.
13 Ri gab gel!
Ri ba ga’ gelngim!
14 Gagiyeg rom e ntoy nga daken e mat’aw nge yal’uw;
t’ufeg nge yul’yul’ e be m’ug ko urngin e ngongol rom.
15 Ba felfelan’ e pi’in yad ma liyor ngom ko pi tang ni yad ma yin’,
ni yad be par u fithik’ ram’en fanam gol.
16 Polo’ e rran ni yad ba felfelan’ ni bocham
ma yad be pining e sorok ngom nga fanam fel’.
17 Ga ma gel nagmad ko pi cham;
u fithik’ e t’ufeg rom ngomad e kam gel nagmad riy,
18 A SOMOL, i gur e ka mmel’eg en nge yororiymad;
gur, fare Got Nthothup nu Israel, e mu pi’ ngomad e pilung romad.
Tin ni micheg Got ngak David
19 Kakrom e mu dag u daken e thin rom ngak e pi tapigpig rom nib yul’yul’ ni lungum,
“Ku gu te’eliyawnag ba salthaw nib gilbugwan,
ku gu pi’ e chiya’ ko pilung ngak be’ ni gag e ku gu mel’eg u fithik’ e girdi’.
20 Ku gu pilungnag David ni tapigpig rog
ku gu gapgepnag ko gapgep ni thothup. Act 13:22
21 Gelngig e bay i par rok ni gubin ngiyal’,
gelngig e bayi pi’ gelngin nge gel.
22 Pi to’ogor rok e ri dabiyag rorad ni ngar ban niged,
pi’in kireb e dabiyag ni ni ngar gelgad ngak.
23 Bay gu pirdi’iy e pi to’ogor rok u p’eowchen,
mu gu thang e pogofan rok urngin e pi’in yad be fanenikay.
24 Bay gu t’ufeg mu gu yul’yul’ ngak;
bay gu tay ngi i gel ni gubin ngiyal’.
25 Bay gu ga’nag e gin nge gagiyeg riy
ni tabab ko day’ ni Mediterranean nge yan i thang ko lul’ ni Eufrates.
26 Bayi ga’ar ngog,
‘I gur e chitamag nge Got rog;
gur e yoror nge ta’ayuw rog.’
27 Bay gu tay ni ir e bin nganni’ i fakag,
me ir e th’abi ga’ u fithik’ urngin e pilung. Rev 1:5
28 Gubin ngiyal’ ni bay gu tay u gil’ e n’en kug micheg ngak,
ma m’ag ni kug ngongliy u thilmow e bayi par ni dariy n’umngin nap’an.
29 Pi’in owchen e gubin ngiyal’ ni yad e bay ur pilunggad;
gagiyeg rok e bayi par ndabi m’ay ni bod lanelang ni bay i par.
30 “Machane fa’anra dabi fol e pi’in owchen ko motochiyel rog,
ma darir ngongolgad nrogon ni be yog e pi motochiyel rog,
31 miyad pi’ keru’rad ko fonow ni gu be tay ngorad,
ma darir folgad ko tin kugog ngorad ni ngar rin’ed,
32 ma aram e bay gu gechig nagrad ni bochan e denen rorad;
bay gu pagrad ngar gafgowgad ni bochan e kireb rorad.
33 Machane David e bay i par nib t’uf rog,
dariy bangiyal’ ni gu ra pag e tin ku gu micheg ngak.
34 Dab gu th’ab e m’ag ni ku gu ngongliy u thilmow,
ara gu thilyeg ta’abbug fapi thin ni ku gu micheg ngak.
35 “Ri ta’ab yay ni kug micheg nga fithingag nib thothup ma bay i par riy ni aram rogon,
ya ri dab gu lifith l’ugunag ngak David bi’id!
36 Gubin ngiyal’ ni bayi par ni bay e gird’ ni owchen,
ma bay ug matanagiy gil’ilungun u n’umngin nap’an ni bay e yal’ ni be mat ram’en.
37 Bay i par ndabi m’ay ni bod e pul,
bayi par nib mudugil u n’umngin nap’an ni be par lanelang.”
Mayor ni fan ko waer nike tay e en ni pilung
38 Machane ka mu damumuw ngak fare pilung ni gur e mu mel’eg;
ya kamn’ag ni kam pi’ keru’um ngak.
39 Kam thang e m’ag ni mu ngongliy u thilmew fare tapigpig rom,
ma ka m’on e te’eliyaw ko pilung rok nga marungdu’.
40 Kam buthug e yoror nib liyeg e binaw rok,
pi yoror rok ni fan ko mael e kam digey nib puth.
41 Urngin e girdi’ ni be yib u to’oben nge yan e yad be iring e chugum rok;
ma urngin e pi’in yad bbuguliyoror e yad be moning ngak.
42 Kam gagiyegnag e pi to’ogor rok kar gelgad ngak;
ka mu gagiyeg nagrad ni yad gubin kar fefelan’gad.
43 Kam m’aynag fan talin e cham rok,
kam pag ke waer ko mael.
44 Kam chuweg e sog ko pilung u pa’
ma tagil’ ni tagil’ e pilung e kam thikiy nga but’.
45 Kam pilibthirnag ndawori taw nga nap’an,
ke par nike m’ay fan.
Meybil ni fan e ngan mat’aw nigey
46 SOMOL, uw n’umngin nap’an ni ngam mithagem, dariy n’umngin nap’an?
Uw n’umngin nap’an ni nge yik’ e damumuw rom ni bod e nifiy?
47 Mu leamnag feni ngoch nap’an e yafos rog;
mu leamnag ni mu sunumeg urngin e girdi’ nib mudugil ni yad ra yim’!
48 I mini’ e ra par ndabi yim’?
Uw rogon ni nge ayuweg e girdi’ ir ni nge dabki yan nga low?
49 Somol, bu uw fapi mich ko runguy rom ni um dag kakrom?
Bu uw fapi thin ni mmicheg ngak David?
50 Dab mu pag talin rogon e thin nib kireb ni yibe yog ngog i gag e tapigpig rom;
nge rogon ni gu be k’adan’ug ko pi thin kireb ni be yog e girdi’ ngog, ni bogni’ ndar nanged gur.
51 Pi to’ogor rom e yad be yog e thin ni kireb ko fare pilung ni gur SOMOL e mmel’eg!
Demturug e gin nra yan ngay ma yad be yog e thin ni kireb ngak.
52 Ngu’un pining e sorok ngak SOMOL ni dariy n’umngin nap’an!
Amen! Amen!
*^ TITLE NI HEBREW: Ba thin rok Ethan nib Ezrahite.
†89:10 RAHAB: Bay ko yat ni ba kokow nu maday nib gel gelngin ko wagagay nge kireb.
DRAFT VERSION — Proofreading in progress