1 โอ พะจาว, อาึ เอีจ ซ โจม ก โด่ะ อื นึง ตุก รพาวม แตะ. อาึ กอก ปัว ปะ เรอึม แตะ ฆาื อื. 2 โอ พะจาว, ปัว เปอะ ง่อต เซียง อาึ. ปัว เปอะ ดาวง ฮยวก แตะ ละ ง่อต เปอะ ป ปัว อาึ นึง เปอะ เฮี.

3 มัฮ ซ เมีญ เปอะ พิต โฌวะ ยุฮ เอะ เฮี, มัฮ ปุย นึง อื ป โอ ซ ลอก ตุต แตะ? แจง โอ อื ไก. 4 ปะ ปังเมอ โอ เปอะ ทื โซะ โระ โกลยจ ปุย. มัฮ เซ ป ฮลัต ปุย นึง เปอะ ไม่ นัปทื เนอึม อื ปะ ฆาื อื.

5 อาึ รกวน เนอึม พะจาว ฮอยจ เรอึม แตะ. อาึ อาึง โรฮ รพาวม แตะ นึง ลปุง อื. 6 อาึ รกวน ยุ ฮอยจ พะจาว โฮฮ ฮา รกวน ป มอง ญัม พริ ปวยฮ. โฮฮ เนอึม ฮา รกวน ปุย พริ ปวยฮ โฮ.

7 เออ, โม อิซราเอน, ไมจ เปอะ อาึง รพาวม แตะ นึง พะจาว, นึง มัฮ อื ป อาวต ลอป ไม่ รพาวม ฮรัก ตอน ฮมัน แตะ. ไก ลอป รพาวม ฆวต เรอึม ปุย เกือฮ โปน ฮา ป โอ ไมจ. 8 มัฮ พะจาว ไอฮ ป ซ เรอึม โม อิซราเอน เกือฮ โปน ฮา มั่ป ยุฮ อื โครยญ เจือ.