Peroveta
Hosea
ana buka
Pariverena
Hosea God ana peroveta, tauna mai Israel awari God riwana i jimei. God i riwa da taui ina kovoḡi ma ai dam ina pupuni aubaina taui tauna i geduaiei ma god morumorui i voepaepai ma ai kaua apoapoe i votaḡotaḡoi.
Hosea awana tauna i voterei ma nelara ḡelaui maiteni i nenae. Wate tauna awana nuanuana i vaini ma i baiei ma i taravaina-meleiai ana au numa. Wei bukana e viviatataieta da nanare tagogina avena da mai Israel ai God i geduaiei tauna anina da taui nuanuai i vaia ma i parivainuaḡana da taui ina neiana-meleiai awarina.
11
God, Israel nuanuana i vaia
1 Bada Hosea i riwei, i pa, “Maranai Israel ana au vitevera, a vinuavainei
ma Egyptei a ḡore-opunei.
2 Wate a viḡoreḡore
ma tauna amapo da i nenetawaneu.
Tauna ana pulo i apuapui Baal awarina,
ma daji ḡabuḡabui, i apuapui kokoitau ḡelaui awarii.”